کسی کے ہجر میں جینا محال ہو گیا ہے
کسی کے ہجر میں جینا محال ہو گیا ہے کیسے بتلائیں ہمارا جو حال ہو گیا ہے کہیں گرا ہے نہ روندا گیا ہے دل پھر بھی شکستہ ہو گیا ہے پائمال ہو گیا ہے سحر جو آئی ہے شب کے تمام ہونے پر تو اس میں کون سا ایسا کمال ہو گیا ہے کوئی بھی چیز سلامت نہیں مگر یہ دل شکستگی میں جو اپنی مثال ہو گیا ہے ادھر چراغ جلے ہیں کسی دریچے میں ادھر وظیفۂ دل بھی بحال ہو گیا ہے حیا کا رنگ جو آیا ہے اس کے چہرے پر یہ رنگ حاصل شام وصال ہو گیا ہے مسافت شب ہجراں میں چاند بھی اجملؔ تھکن سے چور غموں سے نڈھال ہو گیا ہے
English rendering
Kisi ke hijr mein jeena muhaal ho gaya hai Kaise batlayein hamara jo haal ho gaya hai Kahin gira hai na raunda gaya hai dil phir bhi Shikasta ho gaya hai paimal ho gaya hai Sahar jo aayi hai shab ke tamam hone par To is mein kaun sa aisa kamaal ho gaya hai Koi bhi cheez salamat nahin magar yeh dil Shikastagi mein jo apni misaal ho gaya hai Idhar charagh jale hain kisi dareeche mein Idhar wazifa-e-dil bhi bahaal ho gaya hai Haya ka rang jo aaya hai us ke chehre par Yeh rang hasil-e-shaam-e-visaal ho gaya hai Musafat-e-shab-e-hijran mein chand bhi Ajmal Thakan se choor ghamon se nidhaal ho gaya hai