میں نے اے دل تجھے سینے سے لگایا ہوا ہے
میں نے اے دل تجھے سینے سے لگایا ہوا ہے اور تو ہے کہ مری جان کو آیا ہوا ہے بس اسی بوجھ سے دوہری ہوئی جاتی ہے کمر زندگی کا جو یہ احسان اٹھایا ہوا ہے کیا ہوا گر نہیں بادل یہ برسنے والا یہ بھی کچھ کم تو نہیں ہے جو یہ آیا ہوا ہے راہ چلتی ہوئی اس راہ گزر پر اجملؔ ہم سمجھتے ہیں قدم ہم نے جمایا ہوا ہے ہم یہ سمجھے تھے کہ ہم بھول گئے ہیں اس کو آج بے طرح ہمیں یاد جو آیا ہوا ہے وہ کسی روز ہواؤں کی طرح آئے گا راہ میں جس کی دیا ہم نے جلایا ہوا ہے کون بتلائے اسے اپنا یقیں ہے کہ نہیں وہ جسے ہم نے خدا اپنا بنایا ہوا ہے یوں ہی دیوانہ بنا پھرتا ہے ورنہ اجملؔ دل میں بیٹھا ہوا ہے ذہن پہ چھایا ہوا ہے
English rendering
Main ne ae dil tujhe seene se lagaya hua hai Aur to hai ke meri jaan ko aaya hua hai Bas isi bojh se dohri hui jaati hai kamar Zindagi ka jo yeh ehsaan uthaya hua hai Kya hua gar nahin badal yeh barasne wala Yeh bhi kuch kam to nahin hai jo yeh aaya hua hai Raah chalti hui is raah guzar par Ajmal Hum samajhte hain qadam hum ne jamaya hua hai Hum yeh samjhe the ke hum bhool gaye hain us ko Aaj be tarah hamein yaad jo aaya hua hai Woh kisi roz hawaon ki tarah aaye ga Raah mein jis ki diya hum ne jalaya hua hai Kaun batlaye use apna yaqeen hai ke nahin Woh jise hum ne Khuda apna banaya hua hai Yun hi deewana bana phirta hai warna Ajmal Dil mein baitha hua hai zehan pe chhaya hua hai