میں وہ درخت ہوں کھاتا ہے جو بھی پھل میرے
میں وہ درخت ہوں کھاتا ہے جو بھی پھل میرے ضرور مجھ سے یہ کہتا ہے ساتھ چل میرے یہ کائنات تصرف میں تھی رہے جب تک نظر بلند مری فیصلے اٹل میرے مجھے نہ دیکھ مری بات سن کہ مجھ سے ہیں کہیں کہیں متصادم بھی کچھ عمل میرے بچا ہی کیا ہوں میں آواز رہ گیا ہوں فقط چرا کے رنگ تو سب لے گئی غزل میرے یہ تب کی بات ہے جب تم سے رابطہ بھی نہ تھا ابھی ہوئے نہ تھے اشعار مبتذل میرے یہ خوف مجھ کو اڑاتا ہے وقت کے مانند کہ بیٹھنے سے نہ ہو جائیں پاؤں شل میرے وہ دن تھے اور نہ جانے وہ کون سے دن تھے ترے بغیر گزرتے نہیں تھے پل میرے کبھی ملے گا کہیں شہر خواب سے باہر اگر نہیں تو خیالوں سے بھی نکل میرے میں کس طرح کا ہوں یہ تو بتا نہیں سکتا مگر یہ طے ہے کہ ہیں یار بے بدل میرے جلا ہوں ہجر کے شعلوں میں بارہا اجمل مگر میں عشق ہوں جاتے نہیں ہیں بل میرے
English rendering
Main woh darakht hoon khaata hai jo bhi phal mere Zaroor mujh se yeh kehta hai saath chal mere Yeh kaainaat tasarruf mein thi rahe jab tak Nazar buland meri faisle atal mere Mujhe na dekh meri baat sun ke mujh se hain Kahin kahin mutasaadim bhi kuchh amal mere Bacha hi kya hoon main aawaaz reh gaya hoon faqat Chura ke rang to sab le gayi ghazal mere Yeh tab ki baat hai jab tum se raabta bhi na tha Abhi hue na the ashaar mubtazal mere Yeh khauf mujh ko uraata hai waqt ke maanind Ke baithne se na ho jaayein paaon shal mere Woh din the aur na jaane woh kaun se din the Tere baghair guzarte nahin the pal mere Kabhi mile ga kahin shahr-e-khwaab se baahar Agar nahin to khayaalon se bhi nikal mere Main kis tarah ka hoon yeh to bata nahin sakta Magar yeh tay hai ke hain yaar be-badal mere Jala hoon hijr ke sholon mein baarha Ajmal Magar main ishq hoon jaate nahin hain bal mere