تیرے سوا کسی کی تمنا کروں گا میں
تیرے سوا کسی کی تمنا کروں گا میں ایسا کبھی ہوا ہے جو ایسا کروں گا میں گو غم عزیز ہے مجھے تیرے فراق کا پھر بھی اس امتحان کا شکوہ کروں گا میں آنکھوں کو اشک و خوں بھی فراہم کروں گا میں دل کے لیے بھی درد مہیا کروں گا میں راحت بھی رنج، رنج بھی راحت ہو جب تو پھر کیا اعتبار خواہش دنیا کروں گا میں رکھا ہے کیا جہان میں یہ اور بات ہے یہ اور بات ہے کہ تقاضا کروں گا میں یہ رہ گزر کہ جائے قیام و قرار تھی یعنی اب اس گلی سے بھی گزرا کروں گا میں یعنی کچھ اس طرح کہ تجھے بھی خبر نہ ہو اس احتیاط سے تجھے دیکھا کروں گا میں ہے دیکھنے کی چیز تو یہ التفات بھی دیکھو گے تم گریز بھی ایسا کروں گا میں حیران و دل شکستہ ہوں اس حال زار پر کب جانتا تھا اپنا تماشا کروں گا میں ہاں کھینچ لوں گا وقت کی زنجیر پاؤں سے اب کے بہار آئی تو ایسا کروں گا میں
English rendering
Tere siwa kisi ki tamanna karun ga main Aisa kabhi hua hai jo aisa karun ga main Go gham azeez hai mujhe tere firaaq ka Phir bhi is imtihaan ka shikwa karun ga main Aankhon ko ashk-o-khoon bhi faraham karun ga main Dil ke liye bhi dard muhayya karun ga main Rahat bhi ranj, ranj bhi rahat ho jab to phir Kya aitbaar khwahish-e-duniya karun ga main Rakha hai kya jahan mein yeh aur baat hai Yeh aur baat hai ke taqaza karun ga main Yeh rahguzar ke jaye qiyam-o-qarar thi Yani ab is gali se bhi guzra karun ga main Yani kuch is tarah ke tujhe bhi khabar na ho Is ehtiyat se tujhe dekha karun ga main Hai dekhne ki cheez to yeh iltifaat bhi Dekho ge tum gurez bhi aisa karun ga main Hairan-o-dil shikasta hoon is haal-e-zaar par Kab jaanta tha apna tamasha karun ga main Haan kheench loon ga waqt ki zanjeer paon se Ab ke bahar aayi to aisa karun ga main