آرزو وصل کی رکھتی ہے پریشاں کیا کیا
آرزو وصل کی رکھتی ہے پریشاں کیا کیا کیا بتاؤں کہ مرے دل میں ہیں ارماں کیا کیا غم عزیزوں کا حسینوں کی جدائی دیکھی دیکھیں دکھلائے ابھی گردش دوراں کیا کیا ان کی خوشبو ہے فضاؤں میں پریشاں ہر سو ناز کرتی ہے ہوائے چمنستاں کیا کیا دشت غربت میں رلاتے ہیں ہمیں یاد آ کر اے وطن تیرے گل و سنبل و ریحاں کیا کیا اب وہ باتیں نہ وہ راتیں نہ ملاقاتیں ہیں محفلیں خواب کی صورت ہوئیں ویراں کیا کیا ہے بہار گل و لالہ مرے اشکوں کی نمود میری آنکھوں نے کھلائے ہیں گلستاں کیا کیا ہے کرم ان کے ستم کا کہ کرم بھی ہے ستم شکوے سن سن کے وہ ہوتے ہیں پشیماں کیا کیا گیسو بکھرے ہیں مرے دوش پہ کیسے کیسے میری آنکھوں میں ہیں آباد شبستاں کیا کیا وقت امداد ہے اے ہمت گستاخی شوق شوق انگیز ہیں ان کے لب خنداں کیا کیا سیر گل بھی ہے ہمیں باعث وحشت اخترؔ ان کی الفت میں ہوئے چاک گریباں کیا کیا
English rendering
Aarzoo-e-vasl ki rakhti hai pareshan kya kya Kya bataun ke mere dil mein hain armaan kya kya Gham-e-azeezon ka haseenon ki judai dekhi Dekhein dikhlaye abhi gardish-e-dauraan kya kya Un ki khushboo hai fizaon mein pareshan har soo Naaz karti hai hawa-e-chamanistaan kya kya Dasht-e-ghurbat mein rulate hain humein yaad aa kar Aye watan tere gul o sumbul o raihaan kya kya Ab woh baatein na woh raatein na mulaqatein hain Mehfilein khwab ki soorat hueen veeran kya kya Hai bahar-e-gul o lala mere ashkon ki namood Meri aankhon ne khilaye hain gulistaan kya kya Hai karam un ke sitam ka ke karam bhi hai sitam Shikwe sun sun ke woh hote hain pashemaan kya kya Gesoo bikhre hain mere dosh pe kaise kaise Meri aankhon mein hain abaad shabistaan kya kya Waqt-e-imdad hai aye himmat-e-gustaakhi-e-shauq Shauq-angez hain un ke lab-e-khandaan kya kya Sair-e-gul bhi hai humein ba'is-e-wahshat Akhtar! Un ki ulfat mein hue chaak-e-garebaan kya kya