بی مینڈکی
بادل اٹھا اور چھا گیا ساون کا مینہ برسا گیا جنگل میں جل تھل ہو گیا نہروں میں پانی آ گیا اور آ گئیں بی مینڈکی بچوں نے جب دیکھا انہیں سبزے پہ لپکے گھیر کر بی مینڈکی نے جس گھڑی دیکھا انہیں منہ پھیر کر گھبرا گئیں بی مینڈکی بھاگیں کبھی اچھلیں کبھی دوڑیں کبھی اچکیں کبھی لپکیں کبھی کودیں کبھی پھاندیں کبھی پھدکیں کبھی تنگ آ گئیں بی مینڈکی سبزے کے اندر چھپ رہیں جب تھک گئیں اکتا گئیں بچوں کے ہاتھوں سے مگر جاتیں کہاں ہاتھ آ گئیں ہاتھ آ گئیں بی مینڈکی مردہ بنی تھیں مکر سے بچے یہ سمجھے مر گئیں تنگ آ کے ان کے ظلم سے دنیا سے رحلت کر گئیں کام آ گئیں بی مینڈکی پھینکا پکڑ کر ایک نے بی مینڈکی کو نہر میں بی مینڈکی نے آپ کو بہتا جو پایا لہر میں لہرا گئیں بی مینڈکی پیاسی جو تھیں کچھ دیر سے سیروں ہی پانی پی گئیں پھر لپکیں خشکی کی طرف بچوں نے دیکھا جی گئیں اور آ گئیں بی مینڈکی چپکے سے اک لڑکا بڑھا اور ہاتھ مارا زور سے بی مینڈکی کا سر لگا پتھر کی چبھتی کور سے مرجھا گئیں بی مینڈکی بی مینڈکی میں دم نہ تھا دیکھا جو مٹھی کھول کر بچوں نے چلا کر کہا لو اب کے تو سچ مچ سفر فرما گئیں بی مینڈکی
English rendering
Baadal utha aur chha gaya Saawan ka meenh baras gaya Jangal mein jal thal ho gaya Nehron mein paani aa gaya Aur aa gayin Bi Maindaki Bachchon ne jab dekha unhein Sabze pe lapke gher kar Bi Maindaki ne jis ghadi Dekha unhein munh pher kar Ghabra gayin Bi Maindaki Bhaagin kabhi uchhleen kabhi Daudin kabhi uchakin kabhi Lapkeen kabhi koodin kabhi Phaandin kabhi phudakin kabhi Tang aa gayin Bi Maindaki Sabze ke andar chhup rahein Jab thak gayin ukta gayin Bachchon ke haathon se magar Jatin kahan haath aa gayin Haath aa gayin Bi Maindaki Murda bani theen makr se Bachche yeh samjhe mar gayin Tang aa ke un ke zulm se Duniya se rihlat kar gayin Kaam aa gayin Bi Maindaki Phenka pakad kar ek ne Bi Maindaki ko nehr mein Bi Maindaki ne aap ko Behta jo paaya lehar mein Lehra gayin Bi Maindaki Pyasi jo theen kuchh der se Sairon hi paani pi gayin Phir lapkeen khushki ki taraf Bachchon ne dekha ji gayin Aur aa gayin Bi Maindaki Chupke se ik ladka badha Aur haath maara zor se Bi Maindaki ka sar laga Patthar ki chubh'ti kor se Murjha gayin Bi Maindaki Bi Maindaki mein dam na tha Dekha jo mutthi khol kar Bachchon ne chilla kar kaha Lo ab ke to sach much safar Farma gayin Bi Maindaki