نذر وطن
نذر وطن پھر اے دل دیوانہ چاہئے پھر ہر قدم پہ سجدۂ شکرانہ چاہئے پھر سر زمیں وطن کی ہے نظروں کے سامنے پھر لب پہ ایک نعرۂ مستانہ چاہئے بچپن کی یاد لیتی ہے پھر دل میں چٹکیاں پھر بے خودی بہ حجت طفلانہ چاہئے برسوں کے بعد آئے ہیں باغ وطن میں ہم پھر ہر کلی کو سجدۂ مستانہ چاہئے کہسار سبز پوش نظر آئے دور سے پھر لب پہ چار بیت کا افسانہ چاہئے جس کوچے میں ہوئیں کبھی رسوائیاں نصیب اس کا طواف با دل دیوانہ چاہئے بخشا تھا جس نے پہلے پہل دل کو درد عشق پھر اس کے در پہ سجدۂ شکرانہ چاہئے پھر دل کو ہو یقیں نہ کسی کے وصال کا پھر واقعہ بہ صورت افسانہ چاہئے پھر شوق سے ملیں گے کسی گلعذار سے پھر لب پہ شور بلبل مستانہ چاہئے جھولا جھلائیں گے کسی مست شباب کو رقصاں فضا میں پھر مئے و مے خانہ چاہئے پائے طلب کو وادئ پرویں ہے نیم گام پھر آرزو کو منزل جانانہ چاہئے پھر خرمن سکوں کو ہیں درکار بجلیاں پھر بے حجاب جلوۂ جانانہ چاہئے پھر ذوق مے کشی کو ہے معراج کی طلب کوثر کا بادہ چاند کا پیمانہ چاہئے پھر شوق بن کے دل میں دھڑکتی ہے زندگی پھر جنبش تبسم جانانہ چاہئے پھر سینۂ امید میں رقصاں ہے برق طور پھر پرسش مذاق کلیمانہ چاہئے بالائے کوہ سایۂ ابر بہار میں پروین و ماہتاب کا کاشانہ چاہئے پھر اس حریم نور کے آغوش ناز میں اک گل کدہ برنگ پری خانہ چاہئے پھر ابر و باغ و نکہت و گل کے ہجوم میں شمع و سرو و بادہ و پیمانہ چاہئے پھر اس کی چشم مست پہ گیسو ہوں پر فشاں پھر ابر شام گوں سر مے خانہ چاہئے پھر چاندنی میں دامن دریا یہ اے ندیم رقص شراب و گردش پیمانہ چاہئے جوش طرب نے حشر سا دل میں کیا بپا پھر بے خودی کو گریۂ مستانہ چاہئے اخترؔ وطن میں آ کے کھلا ہے یہ حسن راز اس مختصر سی عمر میں کیا کیا نہ چاہئے
English rendering
Nazr-e-watan phir ay dil-e-deewana chahiye Phir har qadam pe sajda-e-shukrana chahiye Phir sarzameen-e-watan ki hai nazron ke saamne Phir lab pe ek na'ra-e-mastana chahiye Bachpan ki yaad leti hai phir dil mein chutkiyan Phir bekhudi ba-hujjat-e-tiflana chahiye Barson ke baad aaye hain baagh-e-watan mein hum Phir har kali ko sajda-e-mastana chahiye Kohsar sabz-posh nazar aaye door se Phir lab pe chaar bait ka afsana chahiye Jis kooche mein hueen kabhi ruswaiyan naseeb Us ka tawaf ba-dil-e-deewana chahiye Bakhsha tha jis ne pehle pehal dil ko dard-e-ishq Phir us ke dar pe sajda-e-shukrana chahiye Phir dil ko ho yaqeen na kisi ke visaal ka Phir waqia ba-soorat-e-afsana chahiye Phir shauq se milenge kisi gul-azar se Phir lab pe shor bulbul-e-mastana chahiye Jhoola jhoolayen ge kisi mast-e-shabaab ko Raqsaan fiza mein phir may-o-mai-khana chahiye Pay-e-talab ko wadi-e-parveen hai neem-gaam Phir aarzoo ko manzil-e-jaanana chahiye Phir kharman-e-sukoon ko hain darkar bijliyan Phir be-hijaab jalwa-e-jaanana chahiye Phir zauq-e-may-kashi ko hai me'raj ki talab Kausar ka baada, chand ka paimana chahiye Phir shauq ban ke dil mein dhadakti hai zindagi Phir junbish-e-tabassum-e-jaanana chahiye Phir seena-e-umeed mein raqsaan hai barq-e-toor Phir pursish-e-mazaj-e-Kaleemana chahiye Balay-e-koh saya-e-abr-e-bahar mein Parveen-o-mahtab ka kashana chahiye Phir is hareem-e-noor ke aaghosh-e-naaz mein Ik gul-kada ba-rang-e-pari-khana chahiye Phir abr-o-baagh-o-nikhat-o-gul ke hujoom mein Sham'-o-sarv-o-baada-o-paimana chahiye Phir us ki chashm-e-mast pe gesoo hon pur-fishan Phir abr-e-shaam-goon sar-e-mai-khana chahiye Phir chandni mein daaman-e-darya yeh ay Nadeem Raqs-e-sharaab-o-gardish-e-paimana chahiye Josh-e-tarab ne hash'r sa dil mein kiya bapa Phir bekhudi ko girya-e-mastana chahiye Akhtar watan mein aa ke khula hai yeh husn-e-raaz Is mukhtasar si umr mein kya kya na chahiye