مامتا
وہ جذبہ جو نسائی جذبوں کی مُنتہا ہے دُنیا میں نام اس کا اک ماں کی مامتا ہے آغوشِ ناز گنجِ اقبال سے بھرا ہے یا خوابِ رُوح مستِ تعبیر ہو رہا ہے رہ رہ کے مامتا کا اظہار کر رہی ہے بے تاب ہو رہی ہے اور پیار کر رہی ہے جذبات مادری کا اعجاز کہئے اس کو روحانیت سے لبریز اک ساز کہئے اس کو حوّا کے سوزِ جاں کی پرواز کہئے اس کو فطرت کے دردِ دل کی آواز کہئے اس کو الفت کی انتہائیں چہرے پہ چھا گئی ہیں دل کی اُمیدیں کھنچ کر چہرے پہ آ گئی ہیں جو نونہال زیبِ آغوشِ مدعا ہے ! اک پاک راز بن کر سینے میں رہ چکا ہے ! اب بھی مگر یہ عالم اک ماں کے پیار کا ہے ! گویا وہ راز اس کے دل میں ہی سو رہا ہے ! دیوانہ وار اس کے گالوں کو چومتی ہے! آنکھوں کو چومتی ہے ، بالوں کو چومتی ہے ! دنیا یہی ہے اور اس کی دین بھی یہی ہے پہلوئے سادگی کی تزئین بھی یہی ہے غم ہائے زندگی میں تسکین بھی یہی ہے ہاں ماں کی مامتا کا آئین بھی یہی ہے بچے سے خوش پر اُن کے خوابوں میں کھو رہی ہے اک آںکھ ہنس رہی ہے اک آنکھ رو رہی ہے
English rendering
Woh jazba jo nisai jazbon ki muntaha hai Duniya mein naam is ka ek maa ki mamta hai Aaghosh-e-naaz ganj-e-iqbal se bhara hai Ya khwab-e-rooh mast-e-tabeer ho raha hai Reh reh ke mamta ka izhaar kar rahi hai Be-taab ho rahi hai aur pyar kar rahi hai Jazbaat-e-madari ka ejaz kahiye is ko Roohaniyat se labrez ek saaz kahiye is ko Hawwa ke soz-e-jaan ki parwaz kahiye is ko Fitrat ke dard-e-dil ki aawaz kahiye is ko Ulfat ki intehaein chehre pe chha gai hain Dil ki ummeedein khinch kar chehre pe aa gai hain Jo nau-nihal zeb-e-aaghosh-e-muddaa hai ! Ek paak raaz ban kar seene mein reh chuka hai ! Ab bhi magar yeh alam ek maa ke pyar ka hai ! Goya woh raaz us ke dil mein hi so raha hai ! Deewana waar uske gaalon ko choomti hai! Aankhon ko choomti hai, baalon ko choomti hai ! Duniya yehi hai aur us ki dein bhi yehi hai Pehlu-e-saadgi ki tazeen bhi yehi hai Gham haaye zindagi mein taskeen bhi yehi hai Haan maa ki mamta ka aain bhi yehi hai Bachche se khush par un ke khwabon mein kho rahi hai Ek aankh hans rahi hai ek aankh ro rahi hai