اے عشق ہمیں برباد نہ کر
اے عشق نہ چھیڑ آ آ کے ہمیں ہم بھولے ہوؤں کو یاد نہ کر پہلے ہی بہت ناشاد ہیں ہم تو اور ہمیں ناشاد نہ کر قسمت کا ستم ہی کم نہیں کچھ یہ تازہ ستم ایجاد نہ کر یوں ظلم نہ کر بیداد نہ کر اے عشق ہمیں برباد نہ کر جس دن سے ملے ہیں دونوں کا سب چین گیا آرام گیا چہروں سے بہار صبح گئی آنکھوں سے فروغ شام گیا ہاتھوں سے خوشی کا جام چھٹا ہونٹوں سے ہنسی کا نام گیا غمگیں نہ بنا ناشاد نہ کر اے عشق ہمیں برباد نہ کر ہم راتوں کو اٹھ کر روتے ہیں رو رو کے دعائیں کرتے ہیں آنکھوں میں تصور دل میں خلش سر دھنتے ہیں آہیں بھرتے ہیں اے عشق یہ کیسا روگ لگا جیتے ہیں نہ ظالم مرتے ہیں یہ ظلم تو اے جلاد نہ کر اے عشق ہمیں برباد نہ کر یہ روگ لگا ہے جب سے ہمیں رنجیدہ ہوں میں بیمار ہے وہ ہر وقت تپش ہر وقت خلش بے خواب ہوں میں بے دار ہے وہ جینے پہ ادھر بیزار ہوں میں مرنے پہ ادھر تیار ہے وہ اور ضبط کہے فریاد نہ کر اے عشق ہمیں برباد نہ کر جس دن سے بندھا ہے دھیان ترا گھبرائے ہوئے سے رہتے ہیں ہر وقت تصور کر کر کے شرمائے ہوئے سے رہتے ہیں کمھلائے ہوئے پھولوں کی طرح کمہلائے ہوئے سے رہتے ہیں پامال نہ کر برباد نہ کر اے عشق ہمیں برباد نہ کر بے درد! ذرا انصاف تو کر اس عمر میں اور مغموم ہے وہ پھولوں کی طرح نازک ہے ابھی تاروں کی طرح معصوم ہے وہ یہ حسن ستم! یہ رنج غضب! مجبور ہوں میں مظلوم ہے وہ مظلوم پہ یوں بیداد نہ کر اے عشق ہمیں برباد نہ کر اے عشق خدارا دیکھ کہیں وہ شوخ حزیں بد نام نہ ہو وہ ماہ لقا بد نام نہ ہو وہ زہرہ جبیں بد نام نہ ہو ناموس کا اس کے پاس رہے وہ پردہ نشیں بد نام نہ ہو اس پردہ نشیں کو یاد نہ کر اے عشق ہمیں برباد نہ کر امید کی جھوٹی جنت کے رہ رہ کے نہ دکھلا خواب ہمیں آئندہ کی فرضی عشرت کے وعدوں سے نہ کر بیتاب ہمیں کہتا ہے زمانہ جس کو خوشی آتی ہے نظر کم یاب ہمیں چھوڑ ایسی خوشی کو یاد نہ کر اے عشق ہمیں برباد نہ کر کیا سمجھے تھے اور تو کیا نکلا یہ سوچ کے ہی حیران ہیں ہم ہے پہلے پہل کا تجربہ اور کم عمر ہیں ہم انجان ہیں ہم اے عشق! خودارا! رحم و کرم معصوم ہیں ہم نادان ہیں ہم نادان ہیں ہم ناشاد نہ کر اے عشق ہمیں برباد نہ کر وہ راز ہے یہ غم آہ جسے پا جائے کوئی تو خیر نہیں آنکھوں سے جب آنسو بہتے ہیں آ جائے کوئی تو خیر نہیں ظالم ہے یہ دنیا دل کو یہاں بھا جائے کوئی تو خیر نہیں ہے ظلم مگر فریاد نہ کر اے عشق ہمیں برباد نہ کر دو دن ہی میں عہد طفلی کے معصوم زمانے بھول گئے آنکھوں سے وہ خوشیاں مٹ سی گئیں لب کو وہ ترانے بھول گئے ان پاک بہشتی خوابوں کے دلچسپ فسانے بھول گئے ان خوابوں سی یوں آزاد نہ کر اے عشق ہمیں برباد نہ کر اس جان حیا کا بس نہیں کچھ بے بس ہے پرائے بس میں ہے بے درد دلوں کو کیا ہے خبر جو پیار یہاں آپس میں ہے ہے بے بسی زہر اور پیار ہے رس یہ زہر چھپا اس رس میں ہے کہتی ہے حیا فریاد نہ کر اے عشق ہمیں برباد نہ کر آنکھوں کو یہ کیا آزار ہوا ہر جذب نہاں پر رو دینا آہنگ طرب پر جھک جانا آواز فغاں پر رو دینا بربط کی صدا پر رو دینا مطرب کے بیاں پر رو دینا احساس کو غم بنیاد نہ کر اے عشق ہمیں برباد نہ کر ہر دم ابدی راحت کا سماں دکھلا کے ہمیں دلگیر نہ کر للٰلہ حباب آب رواں پر نقش بقا تحریر نہ کر مایوسی کے رمتے بادل پر امید کے گھر تعمیر نہ کر تعمیر نہ کر آباد نہ کر اے عشق ہمیں برباد نہ کر جی چاہتا ہے اک دوسرے کو یوں آٹھ پہر ہم یاد کریں آنکھوں میں بسائیں خوابوں کو اور دل میں خیال آباد کریں خلوت میں بھی ہو جلوت کا سماں وحدت کو دوئی سے شاد کریں یہ آرزوئیں ایجاد نہ کر اے عشق ہمیں برباد نہ کر دنیا کا تماشا دیکھ لیا غمگین سی ہے بیتاب سی ہے امید یہاں اک وہم سی ہے تسکین یہاں اک خواب سی ہے دنیا میں خوشی کا نام نہیں دنیا میں خوشی نایاب سی ہے دنیا میں خوشی کو یاد نہ کر اے عشق ہمیں برباد نہ کر
English rendering
Aye ishq na chhed aa aa ke hamein hum bhoole huon ko yaad na kar Pehle hi bahut nashad hain hum tu aur hamein nashad na kar Qismat ka sitam hi kam nahin kuch ye taza sitam ijaad na kar Yun zulm na kar bedaad na kar Aye ishq hamein barbad na kar Jis din se mile hain donon ka sab chain gaya aaram gaya Chehron se bahar-e-subh gayi aankhon se farogh-e-sham gaya Hathon se khushi ka jaam chhuta honthon se hansi ka naam gaya Ghamgeen na bana nashad na kar Aye ishq hamein barbad na kar Hum raton ko uth kar rote hain ro ro ke duayein karte hain Aankhon mein tasawwur dil mein khalish sar dhunte hain aahein bharte hain Aye ishq ye kaisa rog laga jeete hain na zalim marte hain Ye zulm to aye jallad na kar Aye ishq hamein barbad na kar Ye rog laga hai jab se hamein ranjeeda hoon main beemar hai woh Har waqt tapish har waqt khalish bekhwab hoon main bedar hai woh Jeene pe idhar bezaar hoon main marne pe idhar taiyar hai woh Aur zabt kahe faryaad na kar Aye ishq hamein barbad na kar Jis din se bandha hai dhyan tera ghabraye hue se rehte hain Har waqt tasawwur kar kar ke sharmaye hue se rehte hain Kumhlaye hue phoolon ki tarah kumhlaye hue se rehte hain Pamal na kar barbad na kar Aye ishq hamein barbad na kar Bedard! zara insaaf to kar is umr mein aur maghmoom hai woh Phoolon ki tarah nazuk hai abhi taaron ki tarah ma'soom hai woh Ye husn-e-sitam! ye ranj-e-ghazab! majboor hoon main mazloom hai woh Mazloom pe yun bedaad na kar Aye ishq hamein barbad na kar Aye ishq khudara dekh kahin woh shokh-e-hazeen badnaam na ho Woh mah-e-laqa badnaam na ho woh zehra-jabeen badnaam na ho Namus ka us ke paas rahe woh parda-nasheen badnaam na ho Is parda-nasheen ko yaad na kar Aye ishq hamein barbad na kar Umeed ki jhooti jannat ke reh reh ke na dikhla khwab hamein Aainda ki farzi ishrat ke wadon se na kar betab hamein Kehta hai zamana jis ko khushi aati hai nazar kamyaab hamein Chhod aisi khushi ko yaad na kar Aye ishq hamein barbad na kar Kya samjhe the aur tu kya nikla ye soch ke hi hairan hain hum Hai pehle pehal ka tajurba aur kam umr hain hum anjaan hain hum Aye ishq! Khudara! Rehm-o-karam ma'soom hain hum nadan hain hum Nadan hain hum nashad na kar Aye ishq hamein barbad na kar Woh raaz hai ye gham-e-aah jise pa jaaye koi to khair nahin Aankhon se jab aansoo behte hain aa jaaye koi to khair nahin Zalim hai ye duniya dil ko yahan bha jaaye koi to khair nahin Hai zulm magar faryaad na kar Aye ishq hamein barbad na kar Do din hi mein ahd-e-tifli ke ma'soom zamane bhool gaye Aankhon se woh khushiyan mit si gayin lab ko woh tarane bhool gaye In pak bahishti khwabon ke dilchasp fasane bhool gaye In khwabon si yun azad na kar Aye ishq hamein barbad na kar Is jaan-e-haya ka bas nahin kuch be-bas hai paraye bas mein hai Be-dard dilon ko kya hai khabar jo pyar yahan aapas mein hai Hai be-basi zehr aur pyar hai ras ye zehr chhupa is ras mein hai Kehti hai haya faryaad na kar Aye ishq hamein barbad na kar Aankhon ko ye kya azaar hua har jazb-e-nihaan par ro dena Aahang-e-tarab par jhuk jaana aawaz-e-fughan par ro dena Barbat ki sada par ro dena mutrib ke bayan par ro dena Ehsaas ko gham bunyaad na kar Aye ishq hamein barbad na kar Har dam abadi rahat ka samaan dikhla ke hamein dilgeer na kar Lillah habab-e-aab-e-rawan par naqsh-e-baqa tehreer na kar Mayusi ke ramte badal par umeed ke ghar ta'ameer na kar Ta'ameer na kar abad na kar Aye ishq hamein barbad na kar Jee chahta hai ik doosre ko yun aath pehar hum yaad karein Aankhon mein basayein khwabon ko aur dil mein khayal abad karein Khalwat mein bhi ho jalwat ka samaan wahdat ko doyi se shad karein Ye aarzooein ijaad na kar Aye ishq hamein barbad na kar Duniya ka tamasha dekh liya ghamgeen si hai betaab si hai Umeed yahan ik wahm si hai taskeen yahan ik khwab si hai Duniya mein khushi ka naam nahin duniya mein khushi nayab si hai Duniya mein khushi ko yaad na kar Aye ishq hamein barbad na kar