اے عشق کہیں لے چل
اے عشق کہیں لے چل اس پاپ کی بستی سے نفرت گہہ عالم سے لعنت گہہ ہستی سے ان نفس پرستوں سے اس نفس پرستی سے دور اور کہیں لے چل! اے عشق کہیں لے چل! ہم پریم پجاری ہیں تو پریم کنہیا ہے تو پریم کنہیا ہے یہ پریم کی نیا ہے یہ پریم کی نیا ہے تو اس کا کھویا ہے کچھ فکر نہیں لے چل! اے عشق کہیں لے چل! بے رحم زمانے کو اب چھوڑ رہے ہیں ہم بے درد عزیزوں سے منہ موڑ رہے ہیں ہم جو آس کہ تھی وہ بھی اب توڑ رہے ہیں ہم بس تاب نہیں لے چل! اے عشق کہیں لے چل! یہ جبر کدہ آزاد افکار کا دشمن ہے ارمانوں کا قاتل ہے امیدوں کا رہزن ہے جذبات کا مقتل ہے جذبات کا مدفن ہے چل یاں سے کہیں لے چل! اے عشق کہیں لے چل! آپس میں چھل اور دھوکے سنسار کی ریتیں ہیں اس پاپ کی نگری میں اجڑی ہوئی پرتیں ہیں یاں نیائے کی ہاریں ہیں انیائے کی جیتیں ہیں سکھ چین نہیں لے چل! اے عشق کہیں لے چل! اک مذبح جذبات و افکار ہے یہ دنیا اک مسکن اشرار و آزار ہے یہ دنیا اک مقتل احرار و ابرار ہے یہ دنیا دور اس سے کہیں لے چل! اے عشق کہیں لے چل! یہ درد بھری دنیا بستی ہے گناہوں کی دل چاک امیدوں کی سفاک نگاہوں کی ظلموں کی جفاؤں کی آہوں کی کراہوں کی ہیں غم سے حزیں لے چل! اے عشق کہیں لے چل! آنکھوں میں سمائی ہے اک خواب نما دنیا تاروں کی طرح روشن مہتاب نما دیا جنت کی طرح رنگیں شاداب نما دنیا للّٰلہ وہیں لے چل! اے عشق کہیں لے چل! وہ تیر ہو ساگر کی رت چھائی ہو پھاگن کی پھولوں سے مہکتی ہو پروائی گھنے بن کی یا آٹھ پہر جس میں جھڑ بدلی ہو ساون کی جی بس میں نہیں لے چل! اے عشق کہیں لے چل! قدرت ہو حمایت پر ہمدرد ہو قسمت بھی سلمیٰؔ بھی ہو پہلو میں سلمیٰؔ کی محبت بھی ہر شے سے فراغت ہو اور تیری عنایت بھی اے طفل حسیں لے چل! اے عشق کہیں لے چل! اے عشق ہمیں لے چل اک نور کی وادی میں اک خواب کی دنیا میں اک طور کی وادی میں حوروں کے خیالات مسرور کی وادی میں تا خلد بریں لے چل! اے عشق کہیں لے چل! سنسار کے اس پار اک اس طرح کی بستی ہو جو صدیوں سے انساں کی صورت کو ترستی ہو اور جس کے نظاروں پر تنہائی برستی ہو یوں ہو تو وہیں لے چل! اے عشق کہیں لے چل! مغرب کی ہواؤں سے آواز سی آتی ہے اور ہم کو سمندر کے اس پار بلاتی ہے شاید کوئی تنہائی کا دیس بتاتی ہے چل اس کے قریں لے چل! اے عشق کہیں لے چل! اک ایسی فضا جس تک غم کی نہ رسائی ہو دنیا کی ہوا جس میں صدیوں سے نہ آئی ہو اے عشق جہاں تو ہو اور تیری خدائی ہو اے عشق وہیں لے چل! اے عشق کہیں لے چل! ایک ایسی جگہ جس میں انسان نہ بستے ہوں یہ مکر و جفا پیشہ حیوان نہ بستے ہوں انساں کی قبا میں یہ شیطان نہ بستے ہوں تو خوف نہیں لے چل! اے عشق کہیں لے چل! برسات کی متوالی گھنگھور گھٹاؤں میں کہسار کے دامن کی مستانہ ہواؤں میں یا چاندنی راتوں کی شفاف فضاؤں میں اے زہرہ جبیں لے چل! اے عشق کہیں لے چل! ان چاند ستاروں کے بکھرے ہوئے شہروں میں ان نور کی کرنوں کی ٹھہری ہوئی نہروں میں ٹھہری ہوئی نہروں میں سوئی ہوئی لہروں میں اے خضر حسیں لے چل! اے عشق کہیں لے چل! اک ایسی بہشت آئیں وادی میں پہنچ جائیں جس میں کبھی دنیا کے غم دل کو نہ تڑپائیں اور جس کی بہاروں میں جینے کے مزے آئیں لے چل تو وہیں لے چل! اے عشق کہیں لے چل!
English rendering
Aye ishq kahin le chal is paap ki basti se Nafrat gah-e-aalam se la'anat gah-e-hasti se In nafs paraston se is nafs parasti se Door aur kahin le chal! Aye ishq kahin le chal! Hum prem pujari hain tu prem kanhaiya hai Tu prem kanhaiya hai yeh prem ki naiya hai Yeh prem ki naiya hai tu is ka khoya hai Kuchh fikr nahin le chal! Aye ishq kahin le chal! Be-rahm zamanay ko ab chhod rahe hain hum Be-dard azizon se munh mod rahe hain hum Jo aas ke thi woh bhi ab tod rahe hain hum Bas taab nahin le chal! Aye ishq kahin le chal! Yeh jabr kadah aazad afkaar ka dushman hai Armanon ka qaatil hai ummeedon ka rahzan hai Jazbaat ka maqtal hai jazbaat ka madfan hai Chal yaan se kahin le chal! Aye ishq kahin le chal! Aapas mein chhal aur dhoke sansaar ki reetiyaan hain Is paap ki nagri mein ujdi hui partiyaan hain Yaan nyaaye ki haarein hain anyaaye ki jeetiyaan hain Sukh chain nahin le chal! Aye ishq kahin le chal! Ek mazbah jazbaat o afkaar hai yeh duniya Ek maskan ashraar o aazaar hai yeh duniya Ek maqtal ahraar o abraar hai yeh duniya Door is se kahin le chal! Aye ishq kahin le chal! Yeh dard bhari duniya basti hai gunahon ki Dil chaak ummeedon ki saffaak nigahon ki Zulmo'n ki jafaon ki aahon ki karahon ki Hain gham se hazeen le chal! Aye ishq kahin le chal! Aankhon mein samayi hai ek khwaab numa duniya Taaron ki tarah roshan mahtaab numa diya Jannat ki tarah rangeen shaadaab numa duniya Lillah wahin le chal! Aye ishq kahin le chal! Woh teer ho saagar ki rut chhayi ho Phagan ki Phoolon se mahakti ho parwaayi ghane ban ki Ya aath pahar jis mein jhad badli ho Saawan ki Jee bas mein nahin le chal! Aye ishq kahin le chal! Qudrat ho himayat par hamdard ho qismat bhi Salma bhi ho pahlu mein Salma ki mohabbat bhi Har shai se faraghat ho aur teri inayat bhi Aye tifl haseen le chal! Aye ishq kahin le chal! Aye ishq hamein le chal ek noor ki waadi mein Ek khwaab ki duniya mein ek toor ki waadi mein Hooro'n ke khayalat masroor ki waadi mein Ta khuld bareen le chal! Aye ishq kahin le chal! Sansar ke us paar ek is tarah ki basti ho Jo sadiyon se insaan ki soorat ko tarasti ho Aur jis ke nazzaron par tanhayi barasti ho Yoon ho toh wahin le chal! Aye ishq kahin le chal! Maghrib ki hawaon se aawaaz si aati hai Aur hum ko samandar ke us paar bulati hai Shayad koi tanhayi ka des batati hai Chal us ke qareen le chal! Aye ishq kahin le chal! Ek aisi faza jis tak gham ki na rasayi ho Duniya ki hawa jis mein sadiyon se na aayi ho Aye ishq jahan tu ho aur teri khudayi ho Aye ishq wahin le chal! Aye ishq kahin le chal! Ek aisi jagah jis mein insaan na baste hon Yeh makar o jafa pesha haiwan na baste hon Insaan ki qaba mein yeh shaitan na baste hon Toh khauf nahin le chal! Aye ishq kahin le chal! Barsaat ki matwali ghunghor ghataon mein Kohsar ke daaman ki mastana hawaon mein Ya chandni raaton ki shaffaf fazaon mein Aye Zohra jabeen le chal! Aye ishq kahin le chal! In chand sitaron ke bikhre hue shahron mein In noor ki kirno'n ki thehri hui nahron mein Thehri hui nahron mein soyi hui lahron mein Aye Khizr haseen le chal! Aye ishq kahin le chal! Ek aisi bahisht aaen waadi mein pahunch jaen Jis mein kabhi duniya ke gham dil ko na tadpayen Aur jis ki baharon mein jeene ke maze aaen Le chal toh wahin le chal! Aye ishq kahin le chal!