بدنام ہو رہا ہوں
فریادئی جفائے ایام ہو رہا ہوں پامال جور بخت ناکام ہو رہا ہوں سرگشتۂ خیال انجام ہو رہا ہوں بستی کی لڑکیوں میں بدنام ہو رہا ہوں بد نام ہو رہا ہوں سلمیٰ سے دل لگا کر بستی کی لڑکیوں میں بدنام ہو رہا ہوں سلمیٰ سے دل لگا کر سلمیٰ سے دل لگا کر اس حوروش کے غم میں دنیا و دیں گنوا کر ہوش و حواس کھو کر صبر و سکوں لٹا کر بیٹھے بٹھائے دل میں غم کی خلش بسا کر ہر چیز کو بھلا کر سلمیٰ سے دل لگا کر بستی کی لڑکیوں میں بدنام ہو رہا ہوں کہتی ہیں سب یہ کس کی تڑپا گئی ہے صورت سلمیٰ کی شاید اس کے من بھا گئی ہے صورت اور اس کے غم میں اتنی مرجھا گئی ہے صورت مرجھا گئی ہے صورت کمھلا گئی ہے صورت سنولا گئی ہے صورت سلمیٰ سے دل لگا کر بستی کی لڑکیوں میں بدنام ہو رہا ہوں پنگھٹ پہ جب کہ ساری ہوتی ہیں جمع آ کر گاگر کو اپنی رکھ کر، گھونگھٹ اٹھا اٹھا کر یہ قصہ چھیڑتی ہیں مجھ کو بتا بتا کر سلمیٰ سے باتیں کرتے دیکھا ہے اس کو جا کر ہم نے نظر بچا کر سلمیٰ سے دل لگا کر بستی کی لڑکیوں میں بدنام ہو رہا ہوں راتوں کو گیت گانے جب مل کر آتی ہیں سب تالاب کے کنارے دھومیں مچاتی ہیں سب جنگل کی چاندنی میں منگل مناتی ہیں سب تو میرے اور سلمیٰ کے گیت گاتی ہیں سب اور ہنستی جاتی ہیں سب سلمیٰ سے دل لگا کر بستی کی لڑکیوں میں بدنام ہو رہا ہوں کھیتوں سے لوٹتی ہیں جب دن چھپے مکاں کو تب راستے میں باہم وہ میری داستاں کو دہرا کے چھیڑتی ہیں سلمیٰ کو میری جاں کو اور وہ حیا کی ماری سی لیتی ہے زباں کو کہ چھیڑے اس بیاں کو سلمیٰ سے دل لگا کر بستی کی لڑکیوں میں بدنام ہو رہا ہوں کہتی ہے رحم کھا کر یوں ایک ماہ طلعت یہ شہری نوجواں تھا کس درجہ خوبصورت آنکھوں میں بس رہی ہے اب بھی وہ پہلی رنگت دو دن میں آہ کیا ہے کیا ہو گئی ہے حالت اللہ تیری قدرت سلمیٰ سے دل لگا کر بستی کی لڑکیوں میں بدنام ہو رہا ہوں اس شمع رو کا جب سے پروانہ بن گیا ہوں بستی کی لڑکیوں میں افسانہ بن گیا ہوں ہر ماہ وش کے لب کا پیمانہ بن گیا ہوں دیوانہ ہو رہا ہوں دیوانہ بن گیا ہوں دیوانہ بن گیا ہوں سلمیٰ سے دل لگا کر بستی کی لڑکیوں میں بدنام ہو رہا ہوں ان کی زباں پہ میری جتنی کہانیاں ہیں کیا جانیں یہ کہ دل کی سب مہربانیاں ہیں کمسن ہیں بے خبر ہیں اٹھتی جوانیاں ہیں کیا سمجھیں غم کے ہاتھوں کیوں سر گرانیاں ہیں کیوں خوں فشانیاں ہیں سلمیٰ سے دل لگا کر بستی کی لڑکیوں میں بدنام ہو رہا ہوں ہر اک کے رحم کا یوں اظہار ہو رہا ہے بے چارے کو یہ کیسا آزار ہو رہا ہے دیکھے تو کوئی جانے بیمار ہو رہا ہے کس درجہ زندگی سے بیزار ہو رہا ہے ناچار ہو رہا ہے سلمیٰ سے دل لگا کر بستی کی لڑکیوں میں بدنام ہو رہا ہوں اک پوچھتی ہے آ کر تم بے قرار کیوں ہو کچھ تو ہمیں بتاؤ یوں دل فگار کیوں ہو کیا روگ ہے کہو تو تم اشک بار کیوں ہو دیوانے کیوں ہوئے ہو دیوانہ وار کیوں ہو با حال زار کیوں ہو سلمیٰ سے دل لگا کر بستی کی لڑکیوں میں بدنام ہو رہا ہوں جاؤں شکار کو گر باہمرہان صحرا کھیتوں سے گھورتی ہیں یوں دختران صحرا بجلی کی روشنی کو جیسے میان صحرا تاریک شب میں دیکھیں کچھ آہوان صحرا حیرت کشان صحرا سلمیٰ سے دل لگا کر بستی کی لڑکیوں میں بدنام ہو رہا ہوں اک شوخ چھیڑتی ہے اس طرح پاس آ کر دیکھو وہ جا رہی ہے سلمیٰ نظر بچا کر شرما کے مسکرا کر آنچل سے منہ چھپا کر جاؤ نا پیچھے پیچھے دو باتیں کر لو جا کر کھیتوں میں چھپ چھپا کر سلمیٰ سے دل لگا کر بستی کی لڑکیوں میں بدنام ہو رہا ہوں گویا ہمیں حسد سے کچھ نازنین نگاہیں سلمیٰ کی بھا گئی ہیں کیوں دل نشیں نگاہیں ان سے زیادہ دل کش ہیں یہ حسیں نگاہیں القصہ ایک دل ہے سو خشمگیں نگاہیں شوق آفریں نگاہیں سلمیٰ سے دل لگا کر بستی کی لڑکیوں میں بدنام ہو رہا ہوں اک شوخ تازہ دارد سسرال سے گھر آ کر سکھیوں سے پوچھتی ہے جس دم مجھے بتا کر یہ کون ہے تو ظالم کہتی ہیں مسکرا کر تم اس کا حال پوچھو سلمیٰ کے دل سے جا کر یہ گیت اسے سنا کر سلمیٰ سے دل لگا کر بستی کی لڑکیوں میں بدنام ہو رہا ہوں
English rendering
Fariyadi-e-jafa-e-ayyam ho raha hoon Pamaal-e-jaur-e-bakht-e-nakaam ho raha hoon Sarguzasht-e-khayal-e-anjaam ho raha hoon Basti ki ladkiyon mein badnaam ho raha hoon Badnaam ho raha hoon Salma se dil laga kar Basti ki ladkiyon mein badnaam ho raha hoon Salma se dil laga kar Salma se dil laga kar Us hoor-wash ke gham mein duniya o deen ganwa kar Hosh o hawaas kho kar sabr o sukoon luta kar Baithe bithaye dil mein gham ki khalish basa kar Har cheez ko bhula kar Salma se dil laga kar Basti ki ladkiyon mein badnaam ho raha hoon Kahti hain sab yeh kis ki tadpa gayi hai soorat Salma ki shayad is ke man bha gayi hai soorat Aur is ke gham mein itni murjha gayi hai soorat Murjha gayi hai soorat kumhla gayi hai soorat Sanola gayi hai soorat Salma se dil laga kar Basti ki ladkiyon mein badnaam ho raha hoon Panghat pe jab ke saari hoti hain jama aa kar Gaagar ko apni rakh kar, ghoonghat utha utha kar Yeh qissa chhedti hain mujh ko bata bata kar Salma se baatein karte dekha hai us ko ja kar Hum ne nazar bacha kar Salma se dil laga kar Basti ki ladkiyon mein badnaam ho raha hoon Raaton ko geet gaane jab mil kar aati hain sab Talaab ke kinare dhoomein machati hain sab Jangal ki chandni mein mangal manati hain sab Toh mere aur Salma ke geet gaati hain sab Aur hansti jaati hain sab Salma se dil laga kar Basti ki ladkiyon mein badnaam ho raha hoon Khetton se lautt-ti hain jab din chhipe makaan ko Tab raaste mein baham woh meri daastan ko Dohra ke chhedti hain Salma ko meri jaan ko Aur woh haya ki maari si leti hai zubaan ko Ke chhede is bayan ko Salma se dil laga kar Basti ki ladkiyon mein badnaam ho raha hoon Kahti hai reham kha kar yoon ek mah-e-tal'at Yeh shehri naujawan tha kis darja khoobsurat Aankhon mein bas rahi hai ab bhi woh pehli rangat Do din mein aah kya hai kya ho gayi hai haalat Allah teri qudrat Salma se dil laga kar Basti ki ladkiyon mein badnaam ho raha hoon Us shama-roo ka jab se parwana ban gaya hoon Basti ki ladkiyon mein afsana ban gaya hoon Har mah-wash ke lab ka paimana ban gaya hoon Deewana ho raha hoon deewana ban gaya hoon Deewana ban gaya hoon Salma se dil laga kar Basti ki ladkiyon mein badnaam ho raha hoon In ki zubaan pe meri jitni kahaniyan hain Kya janen yeh ke dil ki sab meherbaniyan hain Kamsin hain be-khabar hain uthti jawaniyan hain Kya samjhen gham ke hathon kyoon sar giraniyan hain Kyoon khoon fishaniyan hain Salma se dil laga kar Basti ki ladkiyon mein badnaam ho raha hoon Har ek ke reham ka yoon izhar ho raha hai Be-charay ko yeh kaisa aazaar ho raha hai Dekhe toh koi jaane beemar ho raha hai Kis darja zindagi se bezaar ho raha hai Nachaar ho raha hai Salma se dil laga kar Basti ki ladkiyon mein badnaam ho raha hoon Jaun shikar ko gar ba-hamrahan-e-sehra Khetton se ghoorti hain yoon dukhtaran-e-sehra Bijli ki roshni ko jaise mayaan-e-sehra Tareek shab mein dekhen kuchh aahuwaan-e-sehra Hairat kashaan-e-sehra Salma se dil laga kar Basti ki ladkiyon mein badnaam ho raha hoon Ek shokh chhedti hai is tarah paas aa kar Dekho woh ja rahi hai Salma nazar bacha kar Sharma ke muskura kar aanchal se munh chhupa kar Jao na peechhe peechhe do baatein kar lo ja kar Khetton mein chhup chhupa kar Salma se dil laga kar Basti ki ladkiyon mein badnaam ho raha hoon Goya hamein hasad se kuchh nazneen nigahein Salma ki bha gayi hain kyoon dilnasheen nigahein In se ziyada dilkash hain yeh haseen nigahein Alqissa ek dil hai so khashmgeen nigahein Shauq aafreen nigahein Salma se dil laga kar Basti ki ladkiyon mein badnaam ho raha hoon Ek shokh taza waarid sasural se ghar aa kar Sakhiyon se poochhti hai jis dam mujhe bata kar Yeh kaun hai toh zaalim kahti hain muskura kar Tum is ka haal poocho Salma ke dil se ja kar Yeh geet usay suna kar Salma se dil laga kar Basti ki ladkiyon mein badnaam ho raha hoon