بستی کی لڑکیوں کے نام
چل اے نسیم صحرا روح و روان صحرا میرا پیام لے جا سوئے بتان صحرا صحرائی مہوشوں کی خدمت میں جا کے کہنا بھولے نہیں تمہیں ہم اے دختران صحرا گر بس چلے تو آئیں اور درد دل سنائیں تم کو گلے لگائیں ہم پھر میان صحرا تم نجد میں پریشاں شہروں میں ہم ہیں حیراں اللہ کی اماں ہو تم پر بتان صحرا تم اس طرح غموں سے بے حال ہو رہی ہو ہم اس طرف ہیں مضطر دامن کشان صحرا ہم پاس آئیں کیوں کر تم کو بلائیں کیوں کر یہ دکھ مٹائیں کیوں کر واماندگان صحرا بیتاب ہیں الم سے بے خواب رنج و غم سے کیا پوچھتی ہو ہم سے اے دلبران صحرا تم یاد کر رہی ہو بیداد کر رہی ہو برباد کر رہی ہو اے گلرخان صحرا یہ کیا کہا کہ تم ہو رنگینیوں کے خوگر غمگیں ہیں تم سے بڑھ کر اے غمکشان صحرا یہ رات یہ گھٹائیں یہ شور یہ ہوائیں بچھڑے ہوئے ملیں گے کیوں کر میان صحرا شہروں کی زندگی سے ہم تنگ آ چکے ہیں صحرا میں پھر بلا لو اے ساکنان صحرا یاد سموم ہو یا سرسر کے تند طوفاں ڈرتے نہیں کسی سے دلدادگان صحرا آبادیوں میں حاصل آزادیاں نہیں ہیں آ جاؤ تم ہی اڑ کر او طائران صحرا صحرا کی وسعتوں میں ہم کو نہ بھول جانا او دختران صحرا او آہوان صحرا اے ابر چپ نہ رہنا میرا فسانہ کہنا مل جائے گر کہیں وہ سرو روان صحرا دشتی کی دھن میں ساقی اک نغمۂ عراقی ہاں پھر سنا بیاد گل چہرگان صحرا آنکھوں میں بس رہا ہے نقش بتان صحرا او داستاں سرا چھیڑ اک داستان صحرا مستانہ جا رہا ہے پھر کاروان صحرا ہاں جھوم کر حدی خواں اک داستان صحرا دیہات کی فضائیں آنکھوں میں پھر رہی ہیں دل میں سما رہی ہے یاد بتان صحرا نظروں پہ چھا رہا ہے وہ چاندنی کا منظر صحرا میں کھیلتی تھیں جب حوریان صحرا وہ چاندنی کا موسم وہ بے خودی کا عالم وہ نور کا سمندر ریگ روان صحرا جلوے مہ جواں کے وہ رنگ کارواں کے وہ نغمے سارباں کے رقصاں میان صحرا کیوں کر نہ یاد آئیں وہ سیم گوں فضائیں وہ آسمان صحرا ماہ روان صحرا وہ کم سنوں کے گانے وہ کھیل وہ ترانے بے فکری کے فسانے ورد زبان صحرا کھیتوں میں گھومتے تھے ہر گل کو چومتے تھے مستی میں جھومتے تھے جب میکشان صحرا وہ گاؤں وہ فضائیں وہ فصل وہ ہوائیں وہ کھیت وہ گھٹائیں وہ آسمان صحرا پھر یاد آ رہی ہیں پھر دل دکھا رہی ہیں مجنوں بنا رہی ہیں لیلیٰ وشان صحرا راتوں کو چھپ کے آنا اور شانے کو ہلانا ہے یاد وہ جگانا ہم کو میان صحرا وہ ان کی شوخ آنکھیں وہ ان کی سادہ نظریں بے خود بنا رہی ہیں دوشیزگان صحرا وہ عشق پیشہ ہوں میں جس کے جوان نغمے گاتا ہے چاندنی میں ہر نوجوان صحرا اک بدویت کا عاشق صحرائیت سے بے خود اخترؔ بھی اپنی دھن میں ہے اک جوان صحرا
English rendering
Chal ay naseem-e-sehra, rooh-o-rawan-e-sehra Mera payam le ja, soo-e-butaan-e-sehra Sehrai mahwashon ki khidmat mein ja ke kehna Bhoole nahin tumhein hum, ay dukhtaran-e-sehra Gar bas chale to aayen aur dard-e-dil sunayen Tum ko gale lagayen hum phir miyan-e-sehra Tum Najd mein pareshan, shahron mein hum hain hairan Allah ki amaan ho tum par, butaan-e-sehra Tum is tarah ghamon se behaal ho rahi ho Hum is taraf hain muztar, daaman kashaan-e-sehra Hum paas aayen kyunkar, tum ko bulayen kyunkar Yeh dukh mitayen kyunkar, waamandgaan-e-sehra Betaab hain alam se, bekhwab ranj-o-gham se Kya poochhti ho hum se, ay dilbaran-e-sehra Tum yaad kar rahi ho, bedaad kar rahi ho Barbaad kar rahi ho, ay gulrukhan-e-sehra Yeh kya kaha ke tum ho ranginiyon ke khoogar Ghamgeen hain tum se badh kar, ay ghamkashaan-e-sehra Yeh raat, yeh ghatayen, yeh shor, yeh hawayen Bichhde hue milenge kyunkar miyan-e-sehra Shahron ki zindagi se hum tang aa chuke hain Sehra mein phir bula lo, ay saakinaan-e-sehra Yaad samoom ho ya sarsar ke tund tufaan Darte nahin kisi se, dildadgan-e-sehra Aabaadiyon mein haasil aazadiyan nahin hain Aa jao tum hi ud kar, o taairan-e-sehra Sehra ki wus'aton mein hum ko na bhool jaana O dukhtaran-e-sehra, o aahuwaan-e-sehra Ay abr chup na rehna, mera fasaana kehna Mil jaye gar kahin woh, sarv-e-rawan-e-sehra Dashti ki dhun mein saaqi, ik naghma-e-Iraqi Haan phir suna ba-yaad-e-gul-chehrgaan-e-sehra Aankhon mein bas raha hai naqsh-e-butaan-e-sehra O dastaan sara chhed, ik dastaan-e-sehra Mastana ja raha hai phir kaarwaan-e-sehra Haan jhoom kar hadi khwaan, ik dastaan-e-sehra Dehaat ki fazayen aankhon mein phir rahi hain Dil mein sama rahi hai yaad-e-butaan-e-sehra Nazron pe chha raha hai woh chandni ka manzar Sehra mein khelti theen jab hooriyan-e-sehra Woh chandni ka mausam, woh bekhudi ka aalam Woh noor ka samandar, raig-e-rawan-e-sehra Jalwe mah-e-jawan ke, woh rang kaarwaan ke Woh naghme saarbaan ke, raqsaan miyan-e-sehra Kyunkar na yaad aayen woh seem-goon fazayen Woh aasman-e-sehra, mah-e-rawan-e-sehra Woh kam-sinon ke gaane, woh khel, woh tarane Befikri ke fasaney, vird-e-zaban-e-sehra Khetton mein ghoomte the, har gul ko choomte the Masti mein jhoomte the, jab maikashaan-e-sehra Woh gaon, woh fazayen, woh fasl, woh hawayen Woh khet, woh ghatayen, woh aasman-e-sehra Phir yaad aa rahi hain, phir dil dukha rahi hain Majnoon bana rahi hain Laila o shaan-e-sehra Raaton ko chhup ke aana aur shaane ko hilana Hai yaad woh jagana hum ko miyan-e-sehra Woh un ki shokh aankhen, woh un ki saada nazren Bekhud bana rahi hain dosheezgan-e-sehra Woh ishq-pesha hoon main jis ke jawan naghme Gaata hai chandni mein har naujawan-e-sehra Ik badwiyat ka aashiq, sehraiyat se bekhud Akhtar bhi apni dhun mein hai ik jawan-e-sehra