دل مہجور کو تسکین کا ساماں نہ ملا
دل مہجور کو تسکین کا ساماں نہ ملا شہر جاناں میں ہمیں مسکن جاناں نہ ملا کوچہ گردی میں کٹیں شوق کی کتنی راتیں پھر بھی اس شمع تمنا کا شبستاں نہ ملا پوچھتے منزل سلمیٰ کی خبر ہم جس سے وادیٔ نجد میں ایسا کوئی انساں نہ ملا یوں تو ہر راہ گزر پر تھے ستارے رقصاں جس کی حسرت تھی مگر وہ مہ تاباں نہ ملا لالہ و گل تھے بہت عام چمن میں لیکن ڈھونڈتے تھے جسے وہ سرو خراماں نہ ملا جس کے پردوں سے مچلتی ہو وہی نکہت شوق بے خودی کی قسم ایسا کوئی ایواں نہ ملا بخت بیدار کہاں جلوۂ دل دار کہاں خواب میں بھی ہمیں وہ غنچۂ خنداں نہ ملا بیکسی تشنہ لبی درد حلاوت طلبی چاندنی رات میں بھی چشمۂ حیواں نہ ملا یوں تو ہر در پہ ہی کہتے نظر آئے دامن کھینچتے ناز سے جس کو وہی داماں نہ ملا کس کے در پر نہ کیے سجدے نگاہوں نے مگر ہائے تقدیر وہ غارت گر ایماں نہ ملا کون سے بام کو رہ رہ کے نہ دیکھا لیکن نگہ شوق کو وہ ماہ خراماں نہ ملا در جاناں پہ فدا کرتے دل و جاں اخترؔ وائے بر حال دل و جاں در جاناں نہ ملا
English rendering
Dil-e-mahjoor ko taskeen ka samaan nah mila Shahr-e-jaanaan mein hamein maskan-e-jaanaan nah mila Kucha-gardi mein katee'n shauq ki kitni raatein Phir bhi us shama-e-tamanna ka shabistan nah mila Poochhte manzil-e-Salma ki khabar hum jis se Waadi-e-Najd mein aisa koi insaan nah mila Yun to har raahguzar par the sitare raqsaan Jis ki hasrat thi magar woh mah-e-taabaan nah mila Lala o gul the bahut aam chaman mein lekin Dhoondhte the jise woh sarv-e-khiramaan nah mila Jis ke pardo'n se machalti ho wahi nikhat-e-shauq Bekhudi ki qasam aisa koi aiwan nah mila Bakht-e-bedaar kahaan jalwa-e-dilbar kahaan Khwaab mein bhi hamein woh ghuncha-e-khandaan nah mila Bekasi tashna-labi dard-e-halawat-talabi Chandni raat mein bhi chashma-e-haiwaan nah mila Yun to har dar pe hi kehte nazar aaye daaman Kheenchte naaz se jis ko wahi daaman nah mila Kis ke dar par nah kiye sajde nigahon ne magar Haaye taqdeer woh gharaat-gar-e-imaan nah mila Kaun se baam ko reh reh ke nah dekha lekin Nigah-e-shauq ko woh mah-e-khiramaan nah mila Dar-e-jaanaan pe fida karte dil o jaan Akhtar Waaye bar haal-e-dil o jaan dar-e-jaanaan nah mila