ایک حسن فروش سے
محبت آہ تیری یہ محبت رات بھر کی ہے تری رنگین خلوت کی لطافت رات بھر کی ہے ترے شاداب ہونٹوں کی عنایت رات بھر کی ہے ترے مستانہ بوسوں کی حلاوت رات بھر کی ہے مہ روشن ہے تو اور تیری طلعت رات بھر کی ہے گل شبو ہے تو اور تیری نکہت رات بھر کی ہے تو کیا جانے کہ سودائے محبت کس کو کہتے ہیں محبت اور محبت کی لطافت کس کو کہتے ہیں غم ہجراں ہے کیا اور سوز الفت کس کو کہتے ہیں جنوں ہوتا ہے کیسا اور وحشت کس کو کہتے ہیں تو کیا جانے غم شب ہائے فرقت کس کو کہتے ہیں ترے اظہار الفت کی فصاحت رات بھر کی ہے نگاہ مست سے دل کو مرے تڑپا رہی ہے تو ادائے شوق سے جذبات کو بھڑکا رہی ہے تو مجھے بچے کی صورت ناز سے پھسلا رہی ہے تو کھلونے دے کے بوسوں کے مجھے بہلا رہی ہے تو مگر نادان ہے تو آہ دھوکا کھا رہی ہے تو ترا روئے درخشاں ہے بظاہر ماہتاب آسا ترے ہونٹوں کی شادابی ہے رنگت میں شراب آسا ترے رخسار کی مہتابیاں ہیں آفتاب آسا مگر ان کی حقیقت ہے حباب آسا سراب آسا کہ غازے کی صباحت اس پہ چھائی ہے نقاب آسا اور اس غازے کی بھی جھوٹی صباحت رات بھر کی ہے یہ مانا تیری خلوت کی فضا روح گلستاں ہے تری خلوت کا ہر فانوس اک مہتاب لرزاں ہے ترا ابریشمی بستر نہیں اک خواب خنداں ہے ترا جسم آفت دل تیرا سینہ آفت جاں ہے تو اک زندہ ستارہ ہے جو تنہائی میں تاباں ہے مگر کہتے ہیں تاروں کی حکومت رات بھر کی ہے لطافت سے ہیں خالی تیرے کمھلائے ہوئے بوسے طراوت سے ہیں خالی تیرے مرجھائے ہوئے بوسے نزاکت سے ہیں خالی تیرے گھبرائے ہوئے بوسے حقیقت سے ہیں خالی تیرے شرمائے ہوئے بوسے محبت سے ہیں خالی تیرے گھبرائے ہوئے بوسے اور ان بوسوں کی یہ جھوٹی حلاوت رات بھر کی ہے ترے زہریلے بوسے مجھ کو جس دم یاد آئیں گے مرے ہونٹوں پہ کالے ناگ بن کر تھرتھرائیں گے پشیمانی کے جذبے مجھ کو دیوانہ بنائیں گے مرے انکار کو نفرت کے خنجر گدگدائیں گے مرے دل کی رگوں میں غم کے شعلے تیر جائیں گے میں سمجھا! آہ سمجھا! یہ مسرت رات بھر کی ہے مجھے دیوانہ کرنے کی مسرت بے خبر کب تک رہے گی میرے دل میں تیری الفت کارگر کب تک مجھے مسحور رکھے گا یہ عشق بے ثمر کب تک حقیقت کی سحر آخر نہ ہوگی پردہ در کب تک مجھے مغلوب کر کے خوش ہے تو ظالم مگر کب تک تری یہ فتح میری یہ ہزیمت رات بھر کی ہے
English rendering
Mohabbat aah teri yeh mohabbat raat bhar ki hai Teri rangeen khalwat ki latafat raat bhar ki hai Tere shaadaab honto'n ki inayat raat bhar ki hai Tere mastana boson ki halawat raat bhar ki hai Mah roshan hai tu aur teri tal'at raat bhar ki hai Gul-e-shab-boo hai tu aur teri nukhat raat bhar ki hai Tu kya jaane ke sauday-e-mohabbat kis ko kehte hain Mohabbat aur mohabbat ki latafat kis ko kehte hain Gham-e-hijran hai kya aur soz-e-ulfat kis ko kehte hain Junoon hota hai kaisa aur wehshat kis ko kehte hain Tu kya jaane gham-e-shab-haye-furqat kis ko kehte hain Tere izhaar-e-ulfat ki fasahat raat bhar ki hai Nigah-e-mast se dil ko mere tadpa rahi hai tu Ada-e-shauq se jazbaat ko bhadka rahi hai tu Mujhe bachche ki soorat naaz se phisla rahi hai tu Khilone de ke boson ke mujhe behla rahi hai tu Magar nadan hai tu aah dhoka kha rahi hai tu Tera ruye-e-darakhshan hai ba-zahir mahtaab aasa Tere honto'n ki shadabi hai rangat mein sharab aasa Tere rukhsar ki mahtabiyan hain aaftab aasa Magar in ki haqeeqat hai habab aasa sarab aasa Ke ghaze ki sabahat is pe chhayi hai naqaab aasa Aur is ghaze ki bhi jhooti sabahat raat bhar ki hai Yeh mana teri khalwat ki faza rooh-e-gulistan hai Teri khalwat ka har fanoos ek mahtaab-e-larzan hai Tera abresham-i bister nahin ek khwab-e-khandan hai Tera jism aafat-e-dil tera seena aafat-e-jaan hai Tu ek zinda sitara hai jo tanhayi mein tabaan hai Magar kehte hain taron ki hukoomat raat bhar ki hai Latafat se hain khaali tere kumhlaye hue bose Tarawat se hain khaali tere murjhaye hue bose Nazakat se hain khaali tere ghabraye hue bose Haqeeqat se hain khaali tere sharmaye hue bose Mohabbat se hain khaali tere ghabraye hue bose Aur in boson ki yeh jhooti halawat raat bhar ki hai Tere zehreele bose mujh ko jis dam yaad aayenge Mere honto'n pe kale naag ban kar thartharayenge Pashaimani ke jazbe mujh ko deewana banayenge Mere inkaar ko nafrat ke khanjar gudgudayenge Mere dil ki ragon mein gham ke sholay teer jayenge Main samjha! Aah samjha! Yeh masarrat raat bhar ki hai Mujhe deewana karne ki masarrat be-khabar kab tak Rahegi mere dil mein teri ulfat kaargar kab tak Mujhe mashoor rakhega yeh ishq be-samar kab tak Haqeeqat ki sehar akhir na hogi parda dar kab tak Mujhe maghloob kar ke khush hai tu zaalim magar kab tak Teri yeh fateh meri yeh hazeemat raat bhar ki hai