غم خانۂ ہستی میں ہے مہماں کوئی دن اور
غم خانۂ ہستی میں ہے مہماں کوئی دن اور کر لے ہمیں تقدیر پریشاں کوئی دن اور مر جائیں گے جب ہم تو بہت یاد کرے گی جی بھر کے ستا لے شب ہجراں کوئی دن اور تربت وہ جگہ ہے کہ جہاں غم ہے نہ حیرت حیرت کدۂ غم میں ہیں حیراں کوئی دن اور یاروں سے گلہ ہے نہ عزیزوں سے شکایت تقدیر میں ہے حسرت و حرماں کوئی دن اور پامال خزاں ہونے کو ہیں مست بہاریں ہے سیر گل و حسن گلستاں کوئی دن اور ہم سا نہ ملے گا کوئی غم دوست جہاں میں تڑپا لے غم گردش دوراں کوئی دن اور قبروں کی جو راتیں ہیں وہ قبروں میں کٹیں گی آباد ہیں یہ زندہ شبستاں کوئی دن اور رنگینی و نزہت پہ نہ مغرور ہو بلبل ہے رنگ بہار چمنستاں کوئی دن اور آخر کو وہی ہم وہی ظلمات شب غم ہے نور رخ ماہ درخشاں کوئی دن اور آزاد ہوں عالم سے تو آزاد ہوں غم سے دنیا ہے ہمارے لیے زنداں کوئی دن اور ہستی کبھی قدرت کا اک احسان تھی ہم پر اب ہم پہ ہے قدرت کا یہ احساں کوئی دن اور لعنت تھی گناہوں کی ندامت مرے حق میں ہے شکر کہ اس سے ہیں پشیماں کوئی دن اور شیون کو کوئی خلد بریں میں یہ خبر دے دنیا میں اب اخترؔ بھی ہے مہماں کوئی دن اور
English rendering
Gham-khana-e-hasti mein hai mehman koi din aur Kar le hamein taqdeer-e-pareshan koi din aur Mar jayenge jab hum to bahut yaad karegi Jee bhar ke sata le shab-e-hijraan koi din aur Turbat woh jagah hai ke jahan gham hai na hairat Hairat kada-e-gham mein hain hairaan koi din aur Yaaron se gila hai na azizon se shikayat Taqdeer mein hai hasrat o hurmaan koi din aur Pamaal-e-khizaan hone ko hain mast bahaaren Hai sair-e-gul o husn-e-gulistan koi din aur Hum sa na milega koi gham-dost jahaan mein TaRpa le gham-e-gardish-e-dauraan koi din aur Qabron ki jo raaten hain woh qabron mein kaTengi Aabaad hain yeh zinda shabistan koi din aur Rangeeni o nuzhat pe na maghroor ho bulbul Hai rang-e-bahar-e-chamanistan koi din aur Aakhir ko wahi hum wahi zulmaat-e-shab-e-gham Hai noor-e-rukh-e-maah-e-darakhshan koi din aur Aazaad hoon alam se to aazaad hoon gham se Duniya hai hamare liye zindaan koi din aur Hasti kabhi qudrat ka ek ehsaan thi hum par Ab hum pe hai qudrat ka yeh ehsaan koi din aur Laanat thi gunahon ki nadaamat mere haq mein Hai shukr ke us se hain pasheman koi din aur Shayon ko koi khuld-e-bareen mein yeh khabar de Duniya mein ab 'Akhtar' bhi hai mehman koi din aur