ہمارے ہاتھ میں کب ساغر شراب نہیں
ہمارے ہاتھ میں کب ساغر شراب نہیں ہمارے قدموں پہ کس روز ماہتاب نہیں جہاں میں اب کوئی صورت پئے ثواب نہیں وہ مے کدے نہیں ساقی نہیں شراب نہیں شب بہار میں زلفوں سے کھیلنے والے ترے بغیر مجھے آرزوئے خواب نہیں چمن میں بلبلیں اور انجمن میں پروانے جہاں میں کون غم عشق سے خراب نہیں غم آہ عشق کے غم کا کوئی نہیں موسم بہار ہو کہ خزاں کب یہ اضطراب نہیں امید پرسش احوال ہو تو کیوں کر ہو سلام کا بھی تری بزم میں جواب نہیں وطن کا چھیڑ دیا کس نے تذکرہ اخترؔ کہ چشم شوق کو پھر آرزوئے خواب نہیں
English rendering
Hamare haath mein kab saghar-e-sharab nahin Hamare qadmon pe kis roz mahtab nahin Jahan mein ab koi soorat paye sawab nahin Woh mai-kade nahin saqi nahin sharab nahin Shab-e-bahar mein zulfon se khelne wale Tere baghair mujhe aarzoo-e-khwab nahin Chaman mein bulbulein aur anjuman mein parwane Jahan mein kaun gham-e-ishq se kharab nahin Gham-e-aah-e-ishq ke gham ka koi nahin mausam Bahar ho ke khazan kab ye iztirab nahin Umeed-e-pursish-e-ahwal ho to kyun kar ho Salam ka bhi teri bazm mein jawab nahin Watan ka chhed diya kis ne tazkira Akhtar Ke chashm-e-shauq ko phir aarzoo-e-khwab nahin