حزیں ہے بیکس و رنجور ہے دل
حزیں ہے بیکس و رنجور ہے دل محبت پر مگر مجبور ہے دل تمہارے نور سے معمور ہے دل عجب کیا ہے کہ رشک طور ہے دل تمہارے عشق سے مسرور ہے دل ابھی تک مست ہے مخمور ہے دل کیا ہے یاد اس یاد جہاں نے الٰہی کس قدر مسرور ہے دل بہت چاہا نہ جائیں تیرے در پر مگر کیا کیجیے مجبور ہے دل فقیری میں اسے حاصل ہے شاہی تمہارے عشق پر مغرور ہے دل ترے جلوے کا ہے جس دن سے مسکن جواب جلوہ گاہ طور ہے دل دو عالم کو بھلا دیں کیوں نہ اخترؔ کہ اس کی یاد سے معمور ہے دل
English rendering
Hazeen hai be-kas-o-ranjoor hai dil Mohabbat par magar majboor hai dil Tumhare noor se ma'moor hai dil Ajab kya hai ke rashk-e-toor hai dil Tumhare ishq se masroor hai dil Abhi tak mast hai makhmoor hai dil Kiya hai yaad us yaad-e-jahan ne Ilahi kis qadar masroor hai dil Bahut chaha na jaayen tere dar par Magar kya keejiye majboor hai dil Faqeeri mein use hasil hai shahi Tumhare ishq par maghroor hai dil Tere jalwe ka hai jis din se maskan Jawab-e-jalwa-gah-e-toor hai dil Do aalam ko bhula dein kyun na Akhtar Ke us ki yaad se ma'moor hai dil