جہاں ریحانہؔ رہتی تھی
یہی وادی ہے وہ ہم دم جہاں ریحانہؔ رہتی تھی وہ اس وادی کی شہزادی تھی اور شاہانہ رہتی تھی کنول کا پھول تھی سنسار سے بیگانہ رہتی تھی نظر سے دور مثل نکہت مستانہ رہتی تھی یہی وادی ہے وہ ہم دم جہاں ریحانہ رہتی تھی انہی صحراؤں میں وہ اپنے گلے کو چراتی تھی انہیں چشموں پہ وہ ہر روز منہ دھونے کو آتی تھی انہی ٹیلوں کے دامن میں وہ آزادانہ رہتی تھی یہی وادی ہے وہ ہم دم جہاں ریحانہؔ رہتی تھی کھجوروں کے تلے وہ جو کھنڈر سے جھلملاتے ہیں یہ سب ریحانہؔ کے معصوم افسانے سناتے ہیں وہ ان کھنڈروں میں اک دن صورت افسانہ رہتی تھی یہی وادی ہے وہ ہم دم جہاں ریحانہؔ رہتی تھی مرے ہم دم یہ نخلستان اک دن اس کا مسکن تھا اسی کے خرمئی آغوش میں اس کا نشیمن تھا اسی شاداب وادی میں وہ بے باکانہ رہتی تھی یہی وادی ہے وہ ہم دم جہاں ریحانہؔ رہتی تھی یہ پھولوں کی حسیں آبادیاں کاشانہ تھیں اس کا وہ اک بت تھی یہ ساری وادیاں بت خانہ تھیں اس کا وہ اس فردوس وجد و رقص میں مستانہ رہتی تھی یہی وادی ہے وہ ہم دم جہاں ریحانہؔ رہتی تھی تباہی کی ہوا اس خاک رنگیں تک نہ آئی تھی یہ وہ خطہ تھا جس میں نو بہاروں کی خدائی تھی وہ اس خطے میں مثل سبزۂ بیگانہ رہتی تھی یہی وادی ہے وہ ہم دم جہاں ریحانہؔ رہتی تھی اسی ویرانہ میں اک دن بہشتیں لہلہاتی تھیں گھٹائیں گھر کے آتی تھیں ہوائیں مسکراتی تھیں کہ وہ بن کر بہار جنت ویرانہ رہتی تھی یہی وادی ہے وہ ہم دم جہاں ریحانہؔ رہتی تھی یہ ویرانہ گزر جس میں نہیں ہے کاروانوں کا جہاں ملتا نہیں نام و نشاں تک ساربانوں کا اسی ویرانے میں اک دن مری ریحانہؔ رہتی تھی یہی وادی ہے وہ ہم دم جہاں ریحانہؔ رہتی تھی یہیں آباد تھی اک دن مرے افکار کی ملکہ مرے جذبات کی دیوی مرے اشعار کی ملکہ وہ ملکہ جو برنگ عظمت شاہانہ رہتی تھی یہی وادی ہے وہ ہم دم جہاں ریحانہ رہتی تھی صبا شاخوں میں نخلستاں کی جس دم سرسراتی ہے مجھے ہر لہر سے ریحانہؔ کی آواز آتی ہے یہیں ریحانہؔ رہتی ہے یہیں ریحانہؔ رہتی تھی یہی وادی ہے وہ ہم دم جہاں ریحانہؔ رہتی تھی فضائیں گونجتی ہیں اب بھی ان وحشی ترانوں سے سنو آواز سی آتی ہے ان خاکی چٹانوں سے کہ جن میں وہ برنگ نغمۂ بیگانہ رہتی تھی یہی وادی ہے وہ ہم دم جہاں ریحانہؔ رہتی تھی مرے ہم دم جنون شوق کا اظہار کرنے دے مجھے اس دشت کی اک اک کلی سے پیار کرنے دے جہاں اک دن وہ مثل غنچۂ مستانہ رہتی تھی یہی وادی ہے وہ ہم دم جہاں ریحانہؔ رہتی تھی بہ رب کعبہ اس کی یاد میں عمریں گنوا دوں گا میں اس وادی کے ذرے ذرے پر سجدے بچھا دوں گا جہاں وہ جان کعبہ عظمت بت خانہ رہتی تھی یہی وادی ہے وہ ہم دم جہاں ریحانہؔ رہتی تھی وہ اس ٹیلے پر اکثر عاشقانہ گیت گاتی تھی پرانے سورماؤں کے فسانے گنگناتی تھی یہیں پر منتظر میری وہ بیتابانہ رہتی تھی یہی وادی ہے وہ ہم دم جہاں ریحانہؔ رہتی تھی کھجوروں کے حسیں سائے زمیں پر لہلہاتے تھے ستارے جگمگاتے تھے شگوفے کھلکھلاتے تھے فضائیں منتشر اک نکہت مستانہ رہتی تھی یہی وادی ہے وہ ہم دم جہاں ریحانہؔ رہتی تھی یہیں بستی تھی اے ہم دم مرے رومان کی بستی مرے افسانوں کی دنیا مرے وجدان کی بستی یہیں ریحانہؔ بستی تھی یہیں ریحانہؔ بستی تھی یہی وادی ہے وہ ہم دم جہاں ریحانہؔ رہتی تھی شمیم زلف سے اس کی مہک جاتی تھی کل وادی نگاہ مست سے اس کی بہک جاتی تھی کل وادی ہوائیں پرفشاں روح مے و مے خانہ رہتی تھی یہی وادی ہے وہ ہم دم جہاں ریحانہؔ رہتی تھی وہ گیسوئے پریشاں یا گھٹائیں رقص کرتی تھیں فضائیں وجد کرتی تھیں ہوائیں رقص کرتی تھیں وہ اس فردوس وجد و رقص میں مستانہ رہتی تھی یہی وادی ہے وہ ہم دم جہاں ریحانہؔ رہتی تھی گداز عشق سے لبریز تھا قلب حزیں اس کا مگر آئینہ دار شرم تھا روئے حسیں اس کا خموشی میں چھپائے نغمۂ مستانہ رہتی تھی یہی وادی ہے وہ ہم دم جہاں ریحانہؔ رہتی تھی اسے پھولوں نے میری یاد میں بیتاب دیکھا ہے ستاروں کی نظر نے رات بھر بے خواب دیکھا ہے وہ شمع حسن تھی پر صورت پروانہ رہتی تھی یہی وادی ہے وہ ہم دم جہاں ریحانہؔ رہتی تھی یہیں ہم رنگ گلہائے حسیں رہتی تھی ریحانہؔ مثال حور فردوس بریں رہتی تھی ریحانہؔ یہیں ریحانہؔ رہتی تھی یہیں ریحانہؔ رہتی تھی یہیں وادی ہے وہ ہم دم جہاں ریحانہؔ رہتی تھی پیام درد دل اخترؔ دیئے جاتا ہوں وادی کو سلام رخصت غمگیں کئے جاتا ہوں وادی کو سلام اے وادئ ویراں جہاں ریحانہؔ رہتی تھی
English rendering
Yehi waadi hai woh humdam jahan Raihana rehti thi Woh is waadi ki shehzadi thi aur shahana rehti thi Kanwal ka phool thi sansaar se begana rehti thi Nazar se door misl-e-nukhat mastana rehti thi Yehi waadi hai woh humdam jahan Raihana rehti thi Inhi sehraon mein woh apne galay ko churati thi Inhain chashmon pe woh har roz munh dhone ko aati thi Inhi teelon ke daaman mein woh aazadana rehti thi Yehi waadi hai woh humdam jahan Raihana rehti thi Khajuron ke talay woh jo khandhar se jhilmilate hain Yeh sab Raihana ke masoom afsanay sunate hain Woh in khandaron mein ek din soorat afsana rehti thi Yehi waadi hai woh humdam jahan Raihana rehti thi Mere humdam yeh nakhlistan ek din is ka maskan tha Isi ke khurmayi aagosh mein is ka nasheman tha Isi shaadaab waadi mein woh be-baakana rehti thi Yehi waadi hai woh humdam jahan Raihana rehti thi Yeh phoolon ki haseen aabadiyan kashana theen is ka Woh ek but thi yeh saari wadiyan but-khana theen is ka Woh is firdous-e-wajd o raqs mein mastana rehti thi Yehi waadi hai woh humdam jahan Raihana rehti thi Tabahi ki hawa is khaak-e-rangeen tak na aayi thi Yeh woh khitta tha jis mein nau-baharon ki khudayi thi Woh is khitte mein misl-e-sabza begana rehti thi Yehi waadi hai woh humdam jahan Raihana rehti thi Isi veerana mein ek din bahishtein lehlahati theen Ghataen ghir ke aati theen hawaen muskurati theen Ke woh ban kar bahar-e-jannat veerana rehti thi Yehi waadi hai woh humdam jahan Raihana rehti thi Yeh veerana guzar jis mein nahin hai karwanon ka Jahan milta nahin naam o nishan tak saarbanon ka Isi veerane mein ek din meri Raihana rehti thi Yehi waadi hai woh humdam jahan Raihana rehti thi Yahain aabad thi ek din mere afkaar ki malka Mere jazbaat ki devi mere ash'aar ki malka Woh malka jo barang-e-azmat shahana rehti thi Yehi waadi hai woh humdam jahan Raihana rehti thi Saba shaakhon mein nakhlistan ki jis dam sarsarati hai Mujhe har lahar se Raihana ki aawaaz aati hai Yahain Raihana rehti hai yahain Raihana rehti thi Yehi waadi hai woh humdam jahan Raihana rehti thi Fazaen goonjti hain ab bhi in wahshi taranon se Suno aawaaz si aati hai in khaaki chatano'n se Ke jin mein woh barang-e-naghma begana rehti thi Yehi waadi hai woh humdam jahan Raihana rehti thi Mere humdam junoon-e-shauq ka izhar karne de Mujhe is dasht ki ek ek kali se pyaar karne de Jahan ek din woh misl-e-ghuncha mastana rehti thi Yehi waadi hai woh humdam jahan Raihana rehti thi Ba Rabb-e-Kaaba is ki yaad mein umrein ganwa doon ga Main is waadi ke zarre zarre par sajde bichha doon ga Jahan woh jaan-e-Kaaba azmat-e-but-khana rehti thi Yehi waadi hai woh humdam jahan Raihana rehti thi Woh is teele par aksar aashiqana geet gaati thi Purane soormao'n ke fasanay gungunati thi Yahain par muntazir meri woh betaabana rehti thi Yehi waadi hai woh humdam jahan Raihana rehti thi Khajuron ke haseen saaye zameen par lehlahate the Sitare jagmagate the shagoofay khilkhilate the Fazaen muntashir ek nukhat-e-mastana rehti thi Yehi waadi hai woh humdam jahan Raihana rehti thi Yahain basti thi aye humdam mere roman ki basti Mere afsanon ki duniya mere wajdaan ki basti Yahain Raihana basti thi yahain Raihana basti thi Yehi waadi hai woh humdam jahan Raihana rehti thi Shameem-e-zulf se us ki mahak jaati thi kul waadi Nigah-e-mast se us ki behak jaati thi kul waadi Hawaen purfashan rooh-e-mai o mai-khana rehti thi Yehi waadi hai woh humdam jahan Raihana rehti thi Woh gaisu-e-pareshan ya ghataen raqs karti theen Fazaen wajd karti theen hawaen raqs karti theen Woh is firdous-e-wajd o raqs mein mastana rehti thi Yehi waadi hai woh humdam jahan Raihana rehti thi Gudaaz-e-ishq se labrez tha qalb-e-hazeen is ka Magar aaina-dar-e-sharm tha ruye haseen is ka Khamoshi mein chhupaye naghma-e-mastana rehti thi Yehi waadi hai woh humdam jahan Raihana rehti thi Usay phoolon ne meri yaad mein betaab dekha hai Sitaron ki nazar ne raat bhar be-khwab dekha hai Woh shama-e-husn thi par soorat-e-parwana rehti thi Yehi waadi hai woh humdam jahan Raihana rehti thi Yahain hum rang gulhaye haseen rehti thi Raihana Misaal-e-hoor-e-firdous-e-bareen rehti thi Raihana Yahain Raihana rehti thi yahain Raihana rehti thi Yahain waadi hai woh humdam jahan Raihana rehti thi Payam-e-dard-e-dil Akhtar diye jata hoon waadi ko Salam-e-rukhsat-e-ghamgeen kiye jata hoon waadi ko Salam aye waadi-e-veeran jahan Raihana rehti thi