کچھ تو تنہائی کی راتوں میں سہارا ہوتا
کچھ تو تنہائی کی راتوں میں سہارا ہوتا تم نہ ہوتے نہ سہی ذکر تمہارا ہوتا ترک دنیا کا یہ دعویٰ ہے فضول اے زاہد بار ہستی تو ذرا سر سے اتارا ہوتا وہ اگر آ نہ سکے موت ہی آئی ہوتی ہجر میں کوئی تو غمخوار ہمارا ہوتا زندگی کتنی مسرت سے گزرتی یا رب عیش کی طرح اگر غم بھی گوارا ہوتا عظمت گریہ کو کوتاہ نظر کیا سمجھیں اشک اگر اشک نہ ہوتا تو ستارا ہوتا لب زاہد پہ ہے افسانۂ حور جنت کاش اس وقت مرا انجمن آرا ہوتا غم الفت جو نہ ملتا غم ہستی ملتا کسی صورت تو زمانے میں گزارا ہوتا کس کو فرصت تھی زمانے کے ستم سہنے کی گر نہ اس شوخ کی آنکھوں کا اشارا ہوتا کوئی ہمدرد زمانے میں نہ پایا اخترؔ دل کو حسرت ہی رہی کوئی ہمارا ہوتا
English rendering
Kuch to tanhai ki raaton mein sahara hota Tum na hote na sahi zikr tumhara hota Tark-e-duniya ka yeh dawa hai fizool aye Zahid Baar-e-hasti to zara sar se utara hota Woh agar aa na sake maut hi aayi hoti Hijr mein koi to ghamkhwar hamara hota Zindagi kitni musarrat se guzarti ya Rab Aish ki tarah agar gham bhi gawara hota Azmat-e-girya ko kotah nazar kya samjhein Ashk agar ashk na hota to sitara hota Lab-e-Zahid pe hai afsana hoor-e-jannat Kaash is waqt mera anjuman aara hota Gham-e-ulfat jo na milta gham-e-hasti milta Kisi surat to zamane mein guzara hota Kis ko fursat thi zamane ke sitam sehne ki Gar na us shokh ki aankhon ka ishara hota Koi hamdard zamane mein na paaya Akhtar! Dil ko hasrat hi rahi koi hamara hota