لا پلا ساقی شراب ارغوانی پھر کہاں
لا پلا ساقی شراب ارغوانی پھر کہاں زندگانی پھر کہاں ناداں جوانی پھر کہاں دو گھڑی مل بیٹھنے کو بھی غنیمت جانئے عمر فانی ہی سہی یہ عمر فانی پھر کہاں آ کہ ہم بھی اک ترانہ جھوم کر گاتے چلیں اس چمن کے طائروں کی ہم زبانی پھر کہاں ہے زمانہ عشق سلمیٰ میں گنوا دے زندگی یہ زمانہ پھر کہاں یہ زندگانی پھر کہاں ایک ہی بستی میں ہیں آساں ہے ملنا آ ملو کیا خبر لے جائے دور آسمانی پھر کہاں فصل گل جانے کو ہے دور خزاں آنے کو ہے یہ چمن یہ بلبلیں یہ نغمہ خوانی پھر کہاں پھول چن جی کھول کر عیش و طرب کے پھول چن موسم گل پھر کہاں فصل جوانی پھر کہاں آخری رات آ گئی جی بھر کے مل لیں آج تو تم سے ملنے دے گا دور آسمانی پھر کہاں آج آئے ہو تو سنتے جاؤ یہ تازہ غزل ورنہ اخترؔ پھر کہاں یہ شعر خوانی پھر کہاں
English rendering
La pila saaqi sharaab-e-arghawani phir kahan Zindagani phir kahan nadaan jawani phir kahan Do ghadi mil baithne ko bhi ghaneemat jaaniye Umar-e-fani hi sahi yeh umar-e-fani phir kahan Aa ke hum bhi ek tarana jhoom kar gaate chalen Is chaman ke tairon ki hum-zabani phir kahan Hai zamana ishq-e-Salma mein ganwa de zindagi Yeh zamana phir kahan yeh zindagani phir kahan Ek hi basti mein hain aasaan hai milna aa milo Kya khabar le jaye door aasmani phir kahan Fasl-e-gul jaane ko hai daur-e-khizaan aane ko hai Yeh chaman yeh bulbulein yeh naghma-khwani phir kahan Phool chun ji khol kar aish o tarab ke phool chun Mausam-e-gul phir kahan fasl-e-jawani phir kahan Aakhri raat aa gayi ji bhar ke mil len aaj to Tum se milne dega daur aasmani phir kahan Aaj aaye ho to sunte jao yeh taza ghazal Warna 'Akhtar' phir kahan yeh sher-khwani phir kahan