مجھے اپنی پستی کی شرم ہے تری رفعتوں کا خیال ہے
مجھے اپنی پستی کی شرم ہے تری رفعتوں کا خیال ہے مگر اپنے دل کو میں کیا کروں اسے پھر بھی شوق وصال ہے اس ادا سے کون یہ جلوہ گر سر بزم حسن خیال ہے جو نفس ہے مست بہار ہے جو نظر ہے غرق جمال ہے انہیں ضد ہے عرض وصال سے مجھے شوق عرض وصال ہے وہی اب بھی ان کا جواب ہے وہی اب بھی میرا سوال ہے تری یاد میں ہوا جب سے گم ترے گم شدہ کا یہ حال ہے کہ نہ دور ہے نہ قریب ہے نہ فراق ہے نہ وصال ہے تری بزم خلوت لا مکاں ترا آستاں مہ و کہکشاں مگر اے ستارۂ آرزو مجھے آرزوئے وصال ہے میں وطن میں رہ کے بھی بے وطن کہ نہیں ہے ایک بھی ہم سخن ہے کوئی شریک غم و محن تو وہ اک نسیم شمال ہے میں بتاؤں واعظ خوش نوا ہے جہان و خلد میں فرق کیا یہ اگر فریب خیال ہے وہ فریب حسن خیال ہے یہی داد قصۂ غم ملی کہ نظر اٹھی نہ زباں ملی فقط اک تبسم شرمگیں مری بے کسی کا مآل ہے وہ خوشی نہیں ہے وہ دل نہیں مگر ان کا سایہ سا ہم نشیں فقط ایک غم زدہ یاد ہے فقط اک فسردہ خیال ہے کہیں کس سے اخترؔ بے نوا ہمیں بزم دہر سے کیا ملا وہی ایک ساغر زہر غم جو حریف نوش کمال ہے
English rendering
Mujhe apni pasti ki sharm hai teri rifaton ka khayal hai Magar apne dil ko main kya karoon use phir bhi shauq-e-visaal hai Is ada se kaun ye jalwa-gar sar-e-bazm-e-husn-e-khayal hai Jo nafas hai mast-e-bahar hai jo nazar hai gharq-e-jamal hai Unhein zid hai arz-e-visaal se mujhe shauq-e-arz-e-visaal hai Wohi ab bhi un ka jawab hai wohi ab bhi mera sawal hai Teri yaad mein hua jab se gum tere gum-shuda ka ye haal hai Ke na door hai na qareeb hai na firaq hai na visaal hai Teri bazm-e-khalwat-e-la-makaan tera aastaan mah o kahkashaan Magar aye sitara-e-aarzoo mujhe aarzoo-e-visaal hai Main watan mein rah ke bhi be-watan ke nahin hai ek bhi hum-sukhan Hai koi shareek-e-gham o mahn to woh ik naseem-e-shumal hai Main bataun waiz-e-khush-nawa hai jahan o khuld mein farq kya Ye agar fareb-e-khayal hai woh fareb-e-husn-e-khayal hai Yehi daad-e-qissa-e-gham mili ke nazar uthi na zabaan mili Faqat ik tabassum-e-sharmageen meri be-kasi ka ma'aal hai Woh khushi nahin hai woh dil nahin magar un ka saya sa hum-nisheen Faqat ek gham-zada yaad hai faqat ik fasurda khayal hai Kahein kis se Akhtar-e-be-nawa humein bazm-e-dahr se kya mila Wohi ek saghar-e-zahr-e-gham jo hareer-e-nosh-e-kamaal hai