نہ تمہارا حسن جواں رہا نہ ہمارا عشق جواں رہا
نہ تمہارا حسن جواں رہا نہ ہمارا عشق جواں رہا نہ وہ تم رہے نہ وہ ہم رہے جو رہا تو غم کا سماں رہا نہ وہ باغ ہیں نہ گھٹائیں ہیں نہ وہ پھول ہیں نہ فضائیں ہیں نہ وہ نکہتیں نہ ہوائیں ہیں نہ وہ بے خودی کا سماں رہا نہ وہ دل ہے اب نہ جوانیاں نہ وہ عاشقی کی کہانیاں نہ وہ غم نہ اشک فشانیاں نہ وہ درد دل کا نشاں رہا نہ چمن ہے وہ نہ بہار ہے نہ وہ بلبلیں نہ ہزار ہے یہی چار سمت پکار ہے نہ وہ رت ہے اب نہ سماں رہا نہ وہ عمر ہے نہ مسرتیں نہ وہ عیش ہے نہ وہ عشرتیں نہ وہ آرزوئیں نہ حسرتیں نہ خوشی کا نام و نشاں رہا نہ نشاں ہے ساقی و جام کا نہ وہ بادہ ہائے چمن ادا نہ مغنیہ رہی محو ساز نہ ساز مست فغاں رہا یہ بہار گلشن آب و گل ہے فنا اثر تو ہوں کیوں خجل وہ گل فسردہ ہے میرا دل کہ ہمیشہ نذر خزاں رہا نہیں صبر ساقیا لا بھی دے قدح بہار اٹھا بھی دے ابھی سن ہے لا کے پلا بھی دے کہ ہمیشہ کون جواں رہا کہوں کیا کہ رنج رسیدہ ہوں میں برنگ ابر رمیدہ ہوں نفس شمیم پریدہ ہوں کہ رہا تباہ جہاں رہا اثر بہار خزاں اثر ہے کہ ہے فسردہ مری نظر نہ ہوائے عشرت بال و پر نہ جنون باغ جناں رہا میں گل رمیدۂ رنگ و بو تو بہار مے کدۂ نمو میں ہمیشہ خستۂ آرزو تو ہمیشہ عیش جواں رہا نہ سکون دل نہ قرار جاں نہ قیام صبر کوئی زماں یہ سرشک غم کا ہے کارواں کہ یوں ہی ہمیشہ رواں رہا تو متاع گل کدۂ نظر گل نو بہار بہشت اثر میں وہ عندلیب شکستہ پر کہ ہمیشہ محو فغاں رہا نہ وہ سوز و ساز دروں ہے اب نہ وہ چشم گل کدۂ گوں ہے اب نہ وہ سر ہے اب نہ جنوں ہے اب نہ وہ ذوق شعلہ چکاں رہا ہے فلک کی بدلی ہوئی نظر کہیں کس سے اخترؔ نالہ گر کہ میں اس کے جور الم اثر سے ہمیشہ محو فغاں رہا
English rendering
Na tumhara husn jawan raha na hamara ishq jawan raha Na woh tum rahe na woh hum rahe jo raha to gham ka samaan raha Na woh baagh hain na ghatayen hain na woh phool hain na fazayen hain Na woh nukhaten na hawayen hain na woh be-khudi ka samaan raha Na woh dil hai ab na jawaniyan na woh aashiqi ki kahaniyan Na woh gham na ashk fishaniyan na woh dard-e-dil ka nishaan raha Na chaman hai woh na bahar hai na woh bulbulein na hazaar hai Yehi chaar simt pukaar hai na woh rut hai ab na samaan raha Na woh umar hai na masaraten na woh aish hai na woh ishraten Na woh aarzoen na hasraten na khushi ka naam o nishaan raha Na nishaan hai saqi o jaam ka na woh baada-haaye chaman ada Na mughanniya rahi mahv-e-saaz na saaz mast-e-fughan raha Yeh bahar-e-gulshan-e-aab o gil hai fana asar to hoon kyun khajal Woh gul-e-fasurda hai mera dil ke hamesha nazr-e-khizaan raha Nahin sabr saaqiya la bhi de qadah-e-bahar utha bhi de Abhi sun hai la ke pila bhi de ke hamesha kaun jawan raha Kahoon kya ke ranj-raseeda hoon main ba-rang-e-abr-e-rameeda hoon Nafs-e-shameem-e-pareeda hoon ke raha tabah jahan raha Asar-e-bahar-e-khizaan asar hai ke hai fasurda meri nazar Na hawa-e-ishrat-e-baal o par na junoon-e-baagh-e-jinaan raha Main gul-e-rameeda rang o boo tu bahar-e-mai-kada-e-numoo Main hamesha khasta aarzoo tu hamesha aish jawan raha Na sukoon-e-dil na qaraar-e-jaan na qiyam-e-sabr koi zamaan Yeh sarashk-e-gham ka hai karwaan ke yun hi hamesha rawaan raha Tu mataa-e-gul-kada-e-nazar gul-e-nau-bahar-e-behisht-asar Main woh andaleeb-e-shikasta par ke hamesha mahv-e-fughan raha Na woh soz o saaz-e-daroon hai ab na woh chashm-e-gul-kada-e-goon hai ab Na woh sar hai ab na junoon hai ab na woh zauq-e-shola-chakaan raha Hai falak ki badli hui nazar kahin kis se 'Akhtar' nala gar Ke main is ke jaur-e-alam asar se hamesha mahv-e-fughan raha