نکہت زلف سے نیندوں کو بسا دے آ کر
نکہت زلف سے نیندوں کو بسا دے آ کر میری جاگی ہوئی راتوں کو سلا دے آ کر فکر فردا و غم دوش بھلا دے آ کر پھر اسی ناز سے دیوانہ بنا دے آ کر عشق کو نغمۂ امید سنا دے آ کر دل کی سوئی ہوئی قسمت کو جگا دے آ کر کس قدر تیرہ و تاریک ہے دنیائے حیات جلوۂ حسن سے اک شمع جلا دے آ کر عشق کی چاندنی راتیں مجھے یاد آتی ہیں عمر رفتہ کو مری مجھ سے ملا دے آ کر زندگی بن کے مرے دل میں سما جا سلمیٰ موت اک پردہ ہے یہ پردہ اٹھا دے آ کر آگ سی دل میں لگا جاتا ہے تیرا ہر خط آ مرے خرمن ہستی کو جلا دے آ کر تیری فرقت میں مرے شعر ہیں کتنے غمگیں مسکراتی ہوئی نظروں سے ہنسا دے آ کر پھر وہی ہم ہوں وہی دن ہوں وہی راتیں ہوں عہد رفتہ کو پھر آئینہ دکھا دے آ کر شوق نادیدہ میں لذت ہے مگر ناز نہیں آ مرے عشق کو مغرور بنا دے آ کر شب فرقت پہ مری ہنستے ہیں اے خندۂ نور میرے قدموں پہ ستاروں کو گرا دے آ کر تشنۂ حسن ہوں اے ساقی مے خانۂ حسن اپنے ہونٹوں سے پھر اک جام پلا دے آ کر کب تلک رونق شام اودھ اے ماہ رواں شام لاہور کو بھی صبح بنا دے آ کر ہو چکی سیر بہاراں کدۂ قیصر باغ باغ لارنس میں بھی پھول کھلا دے آ کر گومتی دیکھ چکی جلوۂ عارض کی بہار سطح راوی کو بھی آئینہ بنا دے آ کر تیرا رومان نیا خواب ہے اخترؔ کے لیے آ اور اس خواب کی تعبیر بتا دے آ کر
English rendering
Nukhat-e-zulf se neendon ko basa de aa kar Meri jaagi hui raaton ko sula de aa kar Fikr-e-fardaa o gham-e-dosh bhula de aa kar Phir usi naaz se deewanah bana de aa kar Ishq ko naghma-e-ummeed suna de aa kar Dil ki soyi hui qismat ko jaga de aa kar Kis qadar teerah o tareek hai dunya-e-hayaat Jalwa-e-husn se ek shama jala de aa kar Ishq ki chandni raaten mujhe yaad aati hain Umar-e-rafta ko meri mujh se mila de aa kar Zindagi ban ke mere dil mein sama ja Salma Maut ek parda hai yeh parda utha de aa kar Aag si dil mein laga jata hai tera har khat Aa mere khirman-e-hasti ko jala de aa kar Teri furqat mein mere sher hain kitne ghamgeen Muskurati hui nazron se hansa de aa kar Phir wahi hum hon wahi din hon wahi raaten hon Ahd-e-rafta ko phir aaina dikha de aa kar Shauq-e-nadeeda mein lazzat hai magar naaz nahin Aa mere ishq ko maghroor bana de aa kar Shab-e-furqat pe meri hanste hain aye khanda-e-noor Mere qadmon pe sitaron ko gira de aa kar Tishnah-e-husn hoon aye saqi-e-mai-khana-e-husn Apne honton se phir ek jaam pila de aa kar Kab talak raunaq-e-shaam-e-awadh aye mah-e-rawan Shaam-e-Lahore ko bhi subah bana de aa kar Ho chuki sair-e-baharaan kada-e-Qaisar Baagh Baagh-e-Lawrence mein bhi phool khila de aa kar Gomti dekh chuki jalwa-e-aariz ki bahar Sat'h-e-Ravi ko bhi aaina bana de aa kar Tera romance naya khwab hai 'Akhtar' ke liye Aa aur is khwab ki taabeer bata de aa kar