او دیس سے آنے والے بتا
او دیس سے آنے والا ہے بتا او دیس سے آنے والے بتا کس حال میں ہیں یاران وطن آوارۂ غربت کو بھی سنا کس رنگ میں ہے کنعان وطن وہ باغ وطن فردوس وطن وہ سرو وطن ریحان وطن او دیس سے آنے والے بتا او دیس سے آنے والے بتا کیا اب بھی وہاں کے باغوں میں مستانہ ہوائیں آتی ہیں کیا اب بھی وہاں کے پربت پر گھنگھور گھٹائیں چھاتی ہیں کیا اب بھی وہاں کی برکھائیں ویسے ہی دلوں کو بھاتی ہیں او دیس سے آنے والے بتا او دیس سے آنے والے بتا کیا اب بھی وطن میں ویسے ہی سرمست نظارے ہوتے ہیں کیا اب بھی سہانی راتوں کو وہ چاند ستارے ہوتے ہیں ہم کھیل جو کھیلا کرتے تھے کیا اب وہی سارے ہوتے ہیں او دیس سے آنے والے بتا او دیس سے آنے والے بتا کیا اب بھی شفق کے سایوں میں دن رات کے دامن ملتے ہیں کیا اب بھی چمن میں ویسے ہی خوش رنگ شگوفے کھلتے ہیں برساتی ہوا کی لہروں سے بھیگے ہوئے پودے ہلتے ہیں او دیس سے آنے والے بتا او دیس سے آنے والے بتا شاداب و شگفتہ پھولوں سے معمور ہیں گل زار اب کہ نہیں بازار میں مالن لاتی ہے پھولوں کے گندھے ہار اب کہ نہیں اور شوق سے ٹوٹے پڑتے ہیں نوعمر خریدار اب کہ نہیں او دیس سے آنے والے بتا او دیس سے آنے والے بتا کیا شام پڑے گلیوں میں وہی دلچسپ اندھیرا ہوتا ہے اور سڑکوں کی دھندلی شمعوں پر سایوں کا بسیرا ہوتا ہے باغوں کی گھنیری شاخوں میں جس طرح سویرا ہوتا ہے او دیس سے آنے والے بتا او دیس سے آنے والے بتا کیا اب بھی وہاں ویسی ہی جواں اور مدھ بھری راتیں ہوتی ہیں کیا رات بھر اب بھی گیتوں کی اور پیار کی باتیں ہوتی ہیں وہ حسن کے جادو چلتے ہیں وہ عشق کی گھاتیں ہوتی ہیں او دیس سے آنے والے بتا او دیس سے آنے والے بتا میرانیوں کے آغوش میں ہے آباد وہ بازار اب کہ نہیں تلواریں بغل میں دابے ہوئے پھرتے ہیں طرحدار اب کہ نہیں اور بہلیوں میں سے جھانکتے ہیں ترکان سیہ کار اب کہ نہیں او دیس سے آنے والے بتا او دیس سے آنے والے بتا کیا اب بھی مہکتے مندر سے ناقوس کی آواز آتی ہے کیا اب بھی مقدس مسجد پر مستانہ اذاں تھراتی ہے اور شام کے رنگیں سایوں پر عظمت کی جھلک چھا جاتی ہے او دیس سے آنے والے بتا او دیس سے آنے والا بتا کیا اب بھی وہاں کے پنگھٹ پر پنہاریاں پانی بھرتی ہیں انگڑائی کا نقشہ بن بن کر سب ماتھے پہ گاگر دھرتی ہیں اور اپنے گھروں کو جاتے ہوئے ہنستی ہوئی چہلیں کرتی ہیں او دیس سے آنے والے بتا او دیس سے آنے والے بتا برسات کے موسم اب بھی وہاں ویسے ہی سہانے ہوتے ہیں کیا اب بھی وہاں کے باغوں میں جھولے اور گانے ہوتے ہیں اور دور کہیں کچھ دیکھتے ہی نوعمر دیوانے ہوتے ہیں او دیس سے آنے والے بتا او دیس سے آنے والے بتا کیا اب بھی پہاڑی چوٹیوں پر برسات کے بادل چھاتے ہیں کیا اب بھی ہوائے ساحل کے وہ رس بھرے جھونکے آتے ہیں اور سب سے اونچی ٹیکری پر لوگ اب بھی ترانے گاتے ہیں او دیس سے آنے والے بتا او دیس سے آنے والے بتا کیا اب بھی پہاڑی گھاٹیوں میں گھنگھور گھٹائیں گونجتی ہیں ساحل کے گھنیرے پیڑوں میں برکھا کی ہوائیں گونجتی ہیں جھینگر کے ترانے جاگتے ہیں موروں کی صدائیں گونجتی ہیں او دیس سے آنے والے بتا او دیس سے آنے والے بتا کیا اب بھی وہاں میلوں میں وہی برسات کا جوبن ہوتا ہے پھیلے ہوئے بڑ کی شاخوں میں جھولوں کا نشیمن ہوتا ہے امڈے ہوئے بادل ہوتے ہیں چھایا ہوا ساون ہوتا ہے او دیس سے آنے والے بتا او دیس سے آنے والے بتا کیا شہر کے گرد اب بھی ہے رواں دریائے حسیں لہرائے ہوئے جوں گود میں اپنے من کو لیے ناگن ہو کوئی تھرائے ہوئے یا نور کی ہنسلی حور کی گردن میں ہو عیاں بل کھائے ہوئے او دیس سے آنے والے بتا او دیس سے آنے والے بتا کیا اب بھی فضا کے دامن میں برکھا کے سمے لہراتے ہیں کیا اب بھی کنار دریا پر طوفان کے جھونکے آتے ہیں کیا اب بھی اندھیری راتوں میں ملاح ترانے گاتے ہیں او دیس سے آنے والے بتا او دیس سے آنے والے بتا کیا اب بھی وہاں برسات کے دن باغوں میں بہاریں آتی ہیں معصوم و حسیں دوشیزائیں برکھا کے ترانے گاتی ہیں اور تیتریوں کی طرح سے رنگیں جھولوں پر لہراتی ہیں او دیس سے آنے والے بتا او دیس سے آنے والے بتا کیا اب بھی افق کے سینے پر شاداب گھٹائیں جھومتی ہیں دریا کے کنارے باغوں میں مستانہ ہوائیں جھومتی ہیں اور ان کے نشیلے جھونکوں سے خاموش فضائیں جھومتی ہیں او دیس سے آنے والے بتا او دیس سے آنے والے بتا کیا شام کو اب بھی جاتے ہیں احباب کنار دریا پر وہ پیڑ گھنیرے اب بھی ہیں شاداب کنار دریا پر اور پیار سے آ کر جھانکتا ہے مہتاب کنار دریا پر او دیس سے آنے والے بتا او دیس سے آنے والے بتا کیا آم کے اونچے پیڑوں پر اب بھی وہ پپیہے بولتے ہیں شاخوں کے حریری پردوں میں نغموں کے خزانے گھولتے ہیں ساون کے رسیلے گیتوں سے تالاب میں امرس گھولتے ہیں او دیس سے آنے والے بتا او دیس سے آنے والے بتا کیا پہلی سی ہے معصوم ابھی وہ مدرسے کی شاداب فضا کچھ بھولے ہوئے دن گزرے ہیں جس میں وہ مثال خواب فضا وہ کھیل وہ ہم سن وہ میداں وہ خواب گہہ مہتاب فضا او دیس سے آنے والے بتا او دیس سے آنے والے بتا کیا اب بھی کسی کے سینے میں باقی ہے ہماری چاہ بتا کیا یاد ہمیں بھی کرتا ہے اب یاروں میں کوئی آہ بتا او دیس سے آنے والے بتا للہ بتا للہ بتا او دیس سے آنے والے بتا او دیس سے آنے والے بتا کیا ہم کو وطن کے باغوں کی مستانہ فضائیں بھول گئیں برکھا کی بہاریں بھول گئیں ساون کی گھٹائیں بھول گئیں دریا کے کنارے بھول گئے جنگل کی ہوائیں بھول گئیں او دیس سے آنے والے بتا او دیس سے آنے والے بتا کیا گاؤں میں اب بھی ویسی ہی مستی بھری راتیں آتی ہیں دیہات کی کمسن ماہ وشیں تالاب کی جانب جاتی ہیں اور چاند کی سادہ روشنی میں رنگین ترانے گاتی ہیں او دیس سے آنے والے بتا او دیس سے آنے والے بتا کیا اب بھی گجردم چرواہے ریوڑ کو چرانے جاتے ہیں اور شام کے دھندلے سایوں کے ہم راہ گھروں کو آتے ہیں اور اپنی رسیلی بانسریوں میں عشق کے نغمے گاتے ہیں او دیس سے آنے والے بتا او دیس سے آنے والے بتا کیا گاؤں پہ اب بھی ساون میں برکھا کی بہاریں چھاتی ہیں معصوم گھروں سے بھور بھئے چکی کی صدائیں آتی ہیں اور یاد میں اپنے میکے کی بچھڑی ہوئی سکھیاں گاتی ہیں او دیس سے آنے والے بتا او دیس سے آنے والے بتا دریا کا وہ خواب آلودہ سا گھاٹ اور اس کی فضائیں کیسی ہیں وہ گاؤں وہ منظر وہ تالاب اور اس کی ہوائیں کیسی ہیں وہ کھیت وہ جنگل وہ چڑیاں اور ان کی صدائیں کیسی ہیں او دیس سے آنے والے بتا او دیس سے آنے والے بتا کیا اب بھی پرانے کھنڈروں پر تاریخ کی عبرت طاری ہے ان پورنا کے اجڑے مندر پر مایوسی و حسرت طاری ہے سنسان گھروں پر چھاؤنی کے ویرانی و رقت طاری ہے او دیس سے آنے والے بتا او دیس سے آنے والے بتا آخر میں یہ حسرت ہے کہ بتا وہ غارت ایماں کیسی ہے بچپن میں جو آفت ڈھاتی تھی وہ آفت دوراں کیسی ہے ہم دونوں تھے جس کے پروانے وہ شمع شبستاں کیسی ہے او دیس سے آنے والے بتا او دیس سے آنے والے بتا مرجانا تھا جس کا نام بتا وہ غنچہ دہن کس حال میں ہے جس پر تھے فدا طفلان وطن وہ جان وطن کس حال میں ہے وہ سرو چمن وہ رشک سمن وہ سیم بدن کس حال میں ہے او دیس سے آنے والے بتا او دیس سے آنے والے بتا کیا اب بھی رخ گلرنگ پہ وہ جنت کے نظارے روشن ہیں کیا اب بھی رسیلی آنکھوں میں ساون کے ستارے روشن ہیں او دیس سے آنے والے بتا او دیس سے آنے والے بتا کیا اب بھی شہابی عارض پر گیسوئے سیہ بل کھاتے ہیں یا بحر شفق کی موجوں پر دو ناگ پڑے لہراتے ہیں اور جن کی جھلک سے ساون کی راتوں کے سپنے آتے ہیں او دیس سے آنے والے بتا او دیس سے آنے والے بتا اب نام خدا ہوگی وہ جواں میکے میں ہے یا سسرال گئی دوشیزہ ہے یا آفت میں اسے کمبخت جوانی ڈال گئی گھر پر ہی رہی یا گھر سے گئی خوش حال رہی خوش حال گئی او دیس سے آنے والے بتا
English rendering
O des se aane wala hai bata O des se aane wale bata Kis haal mein hain yaaran-e-watan Aawara-e-ghurbat ko bhi suna Kis rang mein hai Kanaan-e-watan Woh bagh-e-watan firdaus-e-watan Woh sarv-e-watan rehan-e-watan O des se aane wale bata O des se aane wale bata Kya ab bhi wahan ke baghon mein Mastana hawayein aati hain Kya ab bhi wahan ke parbat par Ghungor ghataein chhaati hain Kya ab bhi wahan ki barkhayein Waise hi dilon ko bhati hain O des se aane wale bata O des se aane wale bata Kya ab bhi watan mein waise hi Sarmast nazare hote hain Kya ab bhi suhani raaton ko Woh chand sitare hote hain Hum khel jo khela karte the Kya ab wohi saare hote hain O des se aane wale bata O des se aane wale bata Kya ab bhi shafaq ke sayon mein Din raat ke daman milte hain Kya ab bhi chaman mein waise hi Khush rang shugoofe khilte hain Barsaati hawa ki lehron se Bheege hue paude hilte hain O des se aane wale bata O des se aane wale bata Shadab-o-shagufta phoolon se Ma'moor hain gulzar ab ke nahin Bazaar mein malan laati hai Phoolon ke gundhe haar ab ke nahin Aur shauq se toote padte hain Nau umr kharidar ab ke nahin O des se aane wale bata O des se aane wale bata Kya sham pade galiyon mein wohi Dilchasp andhera hota hai Aur sadkon ki dhundli shamon par Sayon ka basera hota hai Baghon ki ghaneri shakhon mein Jis tarah sawera hota hai O des se aane wale bata O des se aane wale bata Kya ab bhi wahan waisi hi jawan Aur madh bhari ratein hoti hain Kya raat bhar ab bhi geeton ki Aur pyar ki batein hoti hain Woh husn ke jadoo chalte hain Woh ishq ki ghatein hoti hain O des se aane wale bata O des se aane wale bata Miraniyon ke aghosh mein hai Abad woh bazaar ab ke nahin Talwarein baghal mein dabaye hue Phirte hain tarahdar ab ke nahin Aur behliyon mein se jhankte hain Turkaan-e-siyah kaar ab ke nahin O des se aane wale bata O des se aane wale bata Kya ab bhi mehakte mandir se Naqoos ki awaz aati hai Kya ab bhi muqaddas masjid par Mastana azan tharrati hai Aur sham ke rangeen sayon par Azmat ki jhalak chha jaati hai O des se aane wale bata O des se aane wala bata Kya ab bhi wahan ke panghat par Panhariyan pani bharti hain Angdai ka naqsha ban ban kar Sab mathe pe gagar dharti hain Aur apne gharon ko jaate hue Hansti hui chahein karti hain O des se aane wale bata O des se aane wale bata Barsaat ke mausam ab bhi wahan Waise hi suhane hote hain Kya ab bhi wahan ke baghon mein Jhoolay aur gaane hote hain Aur door kahin kuch dekhte hi Nau umr deewane hote hain O des se aane wale bata O des se aane wale bata Kya ab bhi pahadi chotiyon par Barsaat ke badal chhaate hain Kya ab bhi hawa-e-sahil ke Woh ras bhare jhonke aate hain Aur sab se oonchi tekri par Log ab bhi tarane gaate hain O des se aane wale bata O des se aane wale bata Kya ab bhi pahadi ghatiyaan mein Ghungor ghataein goonjti hain Sahil ke ghaneri pedon mein Barkha ki hawayein goonjti hain Jheengar ke tarane jaagte hain Mooron ki sadaein goonjti hain O des se aane wale bata O des se aane wale bata Kya ab bhi wahan melon mein wohi Barsaat ka joban hota hai Phaile hue bad ki shakhon mein Jhoolon ka nasheman hota hai Umde hue badal hote hain Chhaya hua sawan hota hai O des se aane wale bata O des se aane wale bata Kya shehar ke gird ab bhi hai rawan Darya-e-haseen lehraye hue Jun god mein apne man ko liye Nagan ho koi tharraye hue Ya noor ki hansli hoor ki gardan Mein ho ayan bal khaye hue O des se aane wale bata O des se aane wale bata Kya ab bhi faza ke daman mein Barkha ke samay lehrate hain Kya ab bhi kinare darya par Toofan ke jhonke aate hain Kya ab bhi andheri raaton mein Mallah tarane gaate hain O des se aane wale bata O des se aane wale bata Kya ab bhi wahan barsaat ke din Baghon mein baharein aati hain Ma'soom-o-haseen dosheezaein Barkha ke tarane gaati hain Aur teetariyon ki tarah se rangeen Jhoolon par lehrati hain O des se aane wale bata O des se aane wale bata Kya ab bhi ufaq ke seene par Shadab ghataein jhoomti hain Darya ke kinare baghon mein Mastana hawayein jhoomti hain Aur un ke nasheele jhonkon se Khamosh fazayein jhoomti hain O des se aane wale bata O des se aane wale bata Kya sham ko ab bhi jaate hain Ahbab kinare darya par Woh ped ghaneri ab bhi hain Shadab kinare darya par Aur pyar se aa kar jhankta hai Mahtab kinare darya par O des se aane wale bata O des se aane wale bata Kya aam ke oonche pedon par Ab bhi woh papihe bolte hain Shakhon ke hareeri pardo mein Naghmon ke khazane gholte hain Sawan ke raseele geeton se Talaab mein amras gholte hain O des se aane wale bata O des se aane wale bata Kya pehli si hai ma'soom abhi Woh madarse ki shadab fiza Kuch bhoole hue din guzre hain Jis mein woh misaal-e-khwab-e-fiza Woh khel woh hum-sun woh maidan Woh khwab-gah-e-mahtab-e-fiza O des se aane wale bata O des se aane wale bata Kya ab bhi kisi ke seene mein Baqi hai hamari chah bata Kya yaad hamein bhi karta hai Ab yaaron mein koi aah bata O des se aane wale bata Lillah bata Lillah bata O des se aane wale bata O des se aane wale bata Kya hum ko watan ke baghon ki Mastana fazayein bhool gayin Barkha ki baharein bhool gayin Sawan ki ghataein bhool gayin Darya ke kinare bhool gaye Jangal ki hawayein bhool gayin O des se aane wale bata O des se aane wale bata Kya gaon mein ab bhi waisi hi Masti bhari ratein aati hain Dehaat ki kamsin mahwashein Talaab ki janib jaati hain Aur chand ki saada roshni mein Rangeen tarane gaati hain O des se aane wale bata O des se aane wale bata Kya ab bhi gajardam charwahe Rewad ko charane jaate hain Aur sham ke dhundhle sayon ke Hamrah gharon ko aate hain Aur apni raseeli baansuriyon Mein ishq ke naghme gaate hain O des se aane wale bata O des se aane wale bata Kya gaon pe ab bhi sawan mein Barkha ki baharein chhati hain Ma'soom gharon se bhoor bhaye Chakki ki sadaein aati hain Aur yaad mein apne maike ki Bichhdi hui sakhiyan gaati hain O des se aane wale bata O des se aane wale bata Darya ka woh khwab aalooda sa ghat Aur us ki fazayein kaisi hain Woh gaon woh manzar woh talaab Aur us ki hawayein kaisi hain Woh khet woh jangal woh chiriyan Aur un ki sadaein kaisi hain O des se aane wale bata O des se aane wale bata Kya ab bhi purane khandaron par Tarikh ki ibrat taari hai In Poorna ke ujde mandir par Mayusi-o-hasrat taari hai Sunsaan gharon par chhaoni ke Veerani-o-riqqat taari hai O des se aane wale bata O des se aane wale bata Aakhir mein ye hasrat hai ke bata Woh gharat-e-imaan kaisi hai Bachpan mein jo aafat dhaati thi Woh aafat-e-dauraan kaisi hai Hum donon the jis ke parwane Woh shama-e-shabistaan kaisi hai O des se aane wale bata O des se aane wale bata Marjana tha jis ka naam bata Woh ghuncha dahan kis haal mein hai Jis par the fida tiflan-e-watan Woh jaan-e-watan kis haal mein hai Woh sarv-e-chaman woh rashk-e-saman Woh seem badan kis haal mein hai O des se aane wale bata O des se aane wale bata Kya ab bhi rukh-e-gulrang pe woh Jannat ke nazare roshan hain Kya ab bhi raseeli aankhon mein Sawan ke sitare roshan hain O des se aane wale bata O des se aane wale bata Kya ab bhi shahabi aariz par Gaisu-e-siyah bal khate hain Ya bahr-e-shafaq ki maujon par Do naag pade lehrate hain Aur jin ki jhalak se sawan ki Raaton ke sapne aate hain O des se aane wale bata O des se aane wale bata Ab naam-e-khuda hogi woh jawan Maike mein hai ya sasural gayi Dosheeza hai ya aafat mein use Kambakht jawani daal gayi Ghar par hi rahi ya ghar se gayi Khush haal rahi khush haal gayi O des se aane wale bata