تمناؤں کو زندہ آرزوؤں کو جواں کر لوں
تمناؤں کو زندہ آرزوؤں کو جواں کر لوں یہ شرمیلی نظر کہہ دے تو کچھ گستاخیاں کر لوں بہار آئی ہے بلبل درد دل کہتی ہے پھولوں سے کہو تو میں بھی اپنا درد دل تم سے بیاں کر لوں ہزاروں شوخ ارماں لے رہے ہیں چٹکیاں دل میں حیا ان کی اجازت دے تو کچھ بیباکیاں کر لوں کوئی صورت تو ہو دنیائے فانی میں بہلنے کی ٹھہر جا اے جوانی ماتم عمر رواں کر لوں چمن میں ہیں بہم پروانہ و شمع و گل و بلبل اجازت ہو تو میں بھی حال دل اپنا بیاں کر لوں کسے معلوم کب کس وقت کس پر گر پڑے بجلی ابھی سے میں چمن میں چل کر آباد آشیاں کر لوں بر آئیں حسرتیں کیا کیا اگر موت اتنی فرصت دے کہ اک بار اور زندہ شیوۂ عشق جواں کر لوں مجھے دونوں جہاں میں ایک وہ مل جائیں گر اخترؔ تو اپنی حسرتوں کو بے نیاز دو جہاں کر لوں
English rendering
Tamannaon ko zinda aarzuon ko jawan kar loon Yeh sharmili nazar keh de to kuch gustakhiyan kar loon Bahar aayi hai bulbul dard-e-dil kehti hai phoolon se Kaho to main bhi apna dard-e-dil tum se bayan kar loon Hazaron shokh armaan le rahe hain chatkiyan dil mein Haya in ki ijazat de to kuch beibakiyan kar loon Koi surat to ho dunyaye fani mein behalne ki Thehar ja ae jawani matam umar-e-rawan kar loon Chaman mein hain baham parwana o shama o gul o bulbul Ijazat ho to main bhi haal-e-dil apna bayan kar loon Kise maloom kab kis waqt kis par gir pade bijli Abhi se main chaman mein chal kar aabaad aashiyan kar loon Bar aayen hasraten kya kya agar maut itni fursat de Ke ek baar aur zinda shaiwa-e-ishq jawan kar loon Mujhe dono jahan mein ek woh mil jayen gar 'Akhtar' To apni hasraton ko be-niyaz do jahan kar loon