عمر بھر کی تلخ بیداری کا ساماں ہو گئیں
عمر بھر کی تلخ بیداری کا ساماں ہو گئیں ہائے وہ راتیں کہ جو خواب پریشاں ہو گئیں میں فدا اس چاند سے چہرے پہ جس کے نور سے میرے خوابوں کی فضائیں یوسفستاں ہو گئیں عمر بھر کم بخت کو پھر نیند آ سکتی نہیں جس کی آنکھوں پر تری زلفیں پریشاں ہو گئیں دل کے پردوں میں تھیں جو جو حسرتیں پردہ نشیں آج وہ آنکھوں میں آنسو بن کے عریاں ہو گئیں کچھ تجھے بھی ہے خبر او سونے والے ناز سے میری راتیں لٹ گئیں نیندیں پریشاں ہو گئیں ہائے وہ مایوسیوں میں میری امیدوں کا رنگ جو ستاروں کی طرح اٹھ اٹھ کے پنہاں ہو گئیں بس کرو او میری رونے والی آنکھوں بس کرو اب تو اپنے ظلم پر وہ بھی پشیماں ہو گئیں آہ وہ دن جو نہ آئے پھر گزر جانے کے بعد ہائے وہ راتیں کہ جو خواب پریشاں ہو گئیں گلشن دل میں کہاں اخترؔ وہ رنگ نو بہار آرزوئیں چند کلیاں تھیں پریشاں ہو گئیں
English rendering
Umr bhar ki talkh bedari ka samaan ho gayin Haaye woh raatein ke jo khwaab-e-pareshan ho gayin Main fida us chaand se chehre pe jis ke noor se Mere khwaabon ki fizaaein Yusufistan ho gayin Umr bhar kambakht ko phir neend aa sakti nahin Jis ki aankhon par teri zulfein pareshan ho gayin Dil ke pardo'n mein thin jo jo hasratein parda-nasheen Aaj woh aankhon mein aansu ban ke uriyaan ho gayin Kuch tujhe bhi hai khabar o sone waale naaz se Meri raatein lut gayin neendein pareshan ho gayin Haaye woh mayoosiyon mein meri ummeedo'n ka rang Jo sitaron ki tarah uth uth ke pinhaa'n ho gayin Bas karo o meri rone waali aankho'n bas karo Ab to apne zulm par woh bhi pashemaan ho gayin Aah woh din jo nah aaye phir guzar jaane ke baad Haaye woh raatein ke jo khwaab-e-pareshan ho gayin Gulshan-e-dil mein kahaan Akhtar woh rang-e-nau-bahaar Aarzuein chand kaliyan thin pareshan ho gayin