وقت کی قدر
دعوت بہار بیتنے والی ہے آ بھی جا سلمیٰ چمن کی گود میں آ کر سما بھی جا سلمیٰ کلی کلی میں بہاریں بسا بھی جا سلمیٰ مجھے جنوں کا سبق پھر پڑھا بھی جا سلمیٰ بہار بیتنے والی ہے آ بھی جا سلمیٰ ملیں گے حشر میں مت کہہ یہ بار بار مجھے ہو کیسے حشر کے وعدے پہ اعتبار مجھے خدا کے دل پہ نہیں کوئی اختیار مجھے خدا کو مان یہیں حشر اٹھا بھی جا سلمیٰ بہار بیتنے والی ہے آ بھی جا سلمیٰ نشاط عمر کو امید پر نثار نہ کر وصال صبح قیامت کا انتظار نہ کر ریاض خلد کی باتوں کا اعتبار نہ کر فریب وعدۂ فردا مٹا بھی جا سلمیٰ بہار بیتنے والی ہے آ بھی جا سلمیٰ کسے خبر ہے قیامت میں ہم ملیں نہ ملیں فضائے روضۂ جنت میں ہم ملیں نہ ملیں کشاکش ابدیت میں ہم ملیں نہ ملیں کشاکش ابدیت بھلا بھی جا سلمیٰ بہار بیتنے والی ہے آ بھی جا سلمیٰ گنوا نہ سوگ میں اپنے شباب کی راتیں نظر نہ آئیں گی پھر ماہتاب کی راتیں یہ نکہتوں کا ہجوم اور یہ خواب کی راتیں فضا میں خواب حسیں بن کے چھا بھی جا سلمیٰ بہار بیتنے والی ہے آ بھی جا سلمیٰ خبر لے جلد کہ عمر عزیز فانی ہے سرائے دہر کی ہر چیز آنی جانی ہے برنگ ابر رواں فصل نوجوانی ہے چھلکنے والا ہے ساغر پلا بھی جا سلمیٰ بہار بیتنے والی ہے آ بھی جا سلمیٰ کسے خبر یہ گھٹائیں رہیں رہیں نہ رہیں یہ نکہتیں یہ ہوائیں رہیں رہیں نہ رہیں یہ مستیاں یہ فضائیں رہیں رہیں نہ رہیں شراب وصل کا ساغر پلا بھی جا سلمیٰ بہار بیتنے والی ہے آ بھی جا سلمیٰ ثبات عہد زمانے میں کسی نے پایا ہے زمانہ رنگ بدلنے کو رنگ لایا ہے بہار عمر رواں بادلوں کا سایا ہے بہار عمر کی خوشیاں منا بھی جا سلمیٰ بہار بیتنے والی ہے آ بھی جا سلمیٰ ترے خیال کو دل میں بسائے بیٹھے ہیں خدائی ہو کہ خدا ہو بھلائے بیٹھے ہیں سرور عہد جوانی لٹائے بیٹھے ہیں تو آ کے قدر جوانی سکھا بھی جا سلمیٰ بہار بیتنے والی ہے آ بھی جا سلمیٰ یہ فصل اور یہ بہاریں نظر نہ آئیں گی پھر یہ بادلوں کی قطاریں نظر نہ آئیں گی پھر یہ ہلکی ہلکی پھواریں نظر نہ آئیں گی پھر شراب عیش مسرت لنڈھا بھی جا سلمیٰ بہار بیتنے والی ہے آ بھی جا سلمیٰ بتا تو کیا یہ نظارے اجڑ نہ جائیں گے یہ ندیاں یہ کنارے اجڑ نہ جائیں گے یہ چاند اور یہ کنارے اجڑ نہ جائیں گے ستارہ وار شعاعیں لٹا بھی بھی جا سلمیٰ بہار بیتنے والی ہے آ بھی جا سلمیٰ غموں پہ کی ہیں فدا شادمانیاں ہم نے خدا کے نام پہ تج دیں جوانیاں ہم نے گزار دی ہیں یوں ہی زندگانیاں ہم نے دم اخیر تو غم سے چھڑا بھی جا سلمیٰ بہار بیتنے والی ہے آ بھی جا سلمیٰ فنا نصیب ہیں یہ سبزہ زار کے منظر یہ کوہسار دل جوئبار کے منظر نظر نہ آئیں گے پھر یہ بہار کے منظر ابھی سماں ہے بہاریں دکھا بھی جا سلمیٰ بہار بیتنے والی ہے آ بھی جا سلمیٰ خبر لے جلد کہ بہکی ہوئی بہار ہے آج نشاط خلد سے معمور سبزہ زار ہے آج اجل پہ بھی مری ہستی کو اختیار ہے آج غرور عشق کی ہمت بڑھا بھی جا سلمیٰ بہار بیتنے والی ہے آ بھی جا سلمیٰ تو حکم دے تو ستاروں کو چھین لاؤں میں فلک سے اس کے نظاروں کو چھین لاؤں میں ارم کی مست بہاروں کو چھین لاؤں میں خدائی کو یہ تماشا دکھا بھی جا سلمیٰ بہار بیتنے والی ہے آ بھی جا سلمیٰ تو سامنے ہو تو کون و مکاں کو گم کر دوں خم طرب میں خم آسماں کو گم کر دوں دوئی ہو فرد تو دونوں جہاں کو گم کر دوں برنگ روح بدن میں سما بھی جا سلمیٰ بہار بیتنے والی ہے آ بھی جا سلمیٰ
English rendering
Dawat Bahar beetne wali hai aa bhi ja Salma! Chaman ki god mein aa kar sama bhi ja Salma! Kali kali mein baharain basa bhi ja Salma! Mujhe junoon ka sabaq phir padha bhi ja Salma! Bahar beetne wali hai aa bhi ja Salma! Milein ge hashr mein mat keh yeh bar bar mujhe Ho kaise hashr ke waade pe aitbar mujhe Khuda ke dil pe nahin koi ikhtiyar mujhe Khuda ko maan yehi hashr utha bhi ja Salma! Bahar beetne wali hai aa bhi ja Salma! Nishat-e-umr ko ummeed par nisar na kar Visal-e-subh-e-qayamat ka intizar na kar Riyaz-e-khuld ki baaton ka aitbar na kar Fareb-e-waada-e-farda mita bhi ja Salma! Bahar beetne wali hai aa bhi ja Salma! Kise khabar hai qayamat mein hum milein na milein Fiza-e-rauza-e-jannat mein hum milein na milein Kashakash-e-abadiyat mein hum milein na milein Kashakash-e-abadiyat bhula bhi ja Salma! Bahar beetne wali hai aa bhi ja Salma! Gawa na sog mein apne shabab ki raatain Nazar na aayen gi phir mehtab ki raatain Yeh nikhathon ka hujoom aur yeh khwab ki raatain Fiza mein khwab-e-haseen ban ke chha bhi ja Salma! Bahar beetne wali hai aa bhi ja Salma! Khabar le jald ke umr-e-aziz fani hai Sara-e-dahr ki har cheez aani jani hai Barang-e-abr rawan fasl-e-naujawani hai Chhalkane wala hai saghar pila bhi ja Salma! Bahar beetne wali hai aa bhi ja Salma! Kise khabar yeh ghataain rahein rahein na rahein Yeh nikhathain yeh hawaain rahein rahein na rahein Yeh mastiyan yeh fizaain rahein rahein na rahein Sharab-e-vasl ka saghar pila bhi ja Salma! Bahar beetne wali hai aa bhi ja Salma! Sabat-e-ahd-e-zamane mein kisi ne paya hai Zamana rang badalne ko rang laya hai Bahar-e-umr rawan badalon ka saya hai Bahar-e-umr ki khushiyan mana bhi ja Salma! Bahar beetne wali hai aa bhi ja Salma! Tere khayal ko dil mein basaye baithe hain Khudai ho ke khuda ho bhulaye baithe hain Suroor-e-ahd-e-jawani lutaye baithe hain Tu aa ke qadar-e-jawani sikha bhi ja Salma! Bahar beetne wali hai aa bhi ja Salma! Yeh fasl aur yeh baharain nazar na aayen gi phir Yeh badalon ki qatarain nazar na aayen gi phir Yeh halki halki phuwarain nazar na aayen gi phir Sharab-e-aish-e-masarrat luandha bhi ja Salma! Bahar beetne wali hai aa bhi ja Salma! Bata tu kya yeh nazare ujad na jayen ge Yeh nadiyan yeh kinare ujad na jayen ge Yeh chand aur yeh sitare ujad na jayen ge Sitarah war shua'ain luta bhi ja bhi ja Salma! Bahar beetne wali hai aa bhi ja Salma! Ghamon pe ki hain fida shadmaniyan hum ne Khuda ke naam pe taj deen jawanian hum ne Guzar di hain yunhi zindaganiyan hum ne Dam-e-akheer tu gham se chhudha bhi ja Salma! Bahar beetne wali hai aa bhi ja Salma! Fana naseeb hain yeh sabza zar ke manzar Yeh kohsar dil-e-jooy-bar ke manzar Nazar na aayen ge phir yeh bahar ke manzar Abhi samaan hai baharain dikha bhi ja Salma! Bahar beetne wali hai aa bhi ja Salma! Khabar le jald ke baheki hui bahar hai aaj Nishat-e-khuld se ma'moor sabza zar hai aaj Ajal pe bhi meri hasti ko ikhtiyar hai aaj Ghuroor-e-ishq ki himmat badha bhi ja Salma! Bahar beetne wali hai aa bhi ja Salma! Tu hukm de to sitaron ko chheen laaun mein Falak se us ke nazaron ko chheen laaun mein Iram ki mast baharon ko chheen laaun mein Khudai ko yeh tamasha dikha bhi ja Salma! Bahar beetne wali hai aa bhi ja Salma! Tu samne ho to kaun o makan ko gum kar doon Kham-e-tarab mein kham-e-aasman ko gum kar doon Dui ho fard to donon jahan ko gum kar doon Barang-e-rooh badan mein sama bhi ja Salma! Bahar beetne wali hai aa bhi ja Salma!