دل کو درد آشنا کیا تو نے
دل کو درد آشنا کیا تو نے درد دل کو دوا کیا تو نے طبع انساں کو دی سرشت وفا خاک کو کیمیا کیا تو نے وصل جاناں محال ٹھہرایا قتل عاشق روا کیا تو نے تھا نہ جز غم بساط عاشق میں غم کو راحت فزا کیا تو نے جان تھی اک وبال فرقت میں شوق کو جاں گزا کیا تو نے تھی محبت میں ننگ منت غیر جذب دل کو رسا کیا تو نے راہ زاہد کو جب کہیں نہ ملی در مے خانہ وا کیا تو نے قطع ہونے ہی جب لگا پیوند غیر کو آشنا کیا تو نے تھی جہاں کارواں کو دینی راہ عشق کو رہنما کیا تو نے ناؤ بھر کر جہاں ڈبونی تھی عقل کو ناخدا کیا تو نے بڑھ گئی جب پدر کو مہر پسر اس کو اس سے جدا کیا تو نے جب ہوا ملک و مال رہزن ہوش بادشہ کو گدا کیا تو نے جب ملی کام جاں کو لذت درد درد کو بے دوا کیا تو نے جب دیا راہرو کو ذوق طلب سعی کو نارسا کیا تو نے پردۂ چشم تھے حجاب بہت حسن کو خود نما کیا تو نے عشق کو تاب انتظار نہ تھی غرفہ اک دل میں وا کیا تو نے حرم آباد اور دیر خراب جو کیا سب بجا کیا تو نے سخت افسردہ طبع تھی احباب ہم کو جادو نوا کیا تو نے پھر جو دیکھا تو کچھ نہ تھا یا رب کون پوچھے کہ کیا کیا تو نے حالیؔ اٹھا ہلا کے محفل کو آخر اپنا کہا کیا تو نے
English rendering
Dil ko dard-aashna kiya tu ne Dard-e-dil ko dawa kiya tu ne Tab'-e-insan ko di sarisht-e-wafa Khaak ko keemiya kiya tu ne Wasl-e-jaanan muhaal thehraya Qatl-e-aashiq rawa kiya tu ne Tha na juz gham basaat-e-aashiq mein Gham ko rahat-fiza kiya tu ne Jaan thi ek wabaal furqat mein Shauq ko jaan-guza kiya tu ne Thi mohabbat mein nang-e-minnat-e-ghair Jazb-e-dil ko rasa kiya tu ne Raah-e-zahid ko jab kahin na mili Dar-e-mai-khana waa kiya tu ne Qata' hone hi jab laga paiwand Ghair ko aashna kiya tu ne Thi jahan karwan ko deni raah Ishq ko rahnuma kiya tu ne Naao bhar kar jahan duboni thi Aql ko nakhuda kiya tu ne Badh gayi jab pidar ko meher-e-pisar Us ko us se juda kiya tu ne Jab hua mulk-o-maal rahzan-e-hosh Baadshah ko gada kiya tu ne Jab mili kaam-e-jaan ko lazzat-e-dard Dard ko be-dawa kiya tu ne Jab diya rahrau ko zauq-e-talab Sayi ko na-rasa kiya tu ne Parda-e-chashm the hijaab bahut Husn ko khud-numa kiya tu ne Ishq ko taab-e-intezaar na thi Ghurfa ek dil mein waa kiya tu ne Haram abaad aur dair kharab Jo kiya sab baja kiya tu ne Sakht afsurda tab' thi ahbab Hum ko jaadu nawa kiya tu ne Phir jo dekha to kuch na tha ya Rabb Kaun pooche ke kya kiya tu ne Hali! utha hila ke mehfil ko Aakhir apna kaha kiya tu ne