وصل کا اس کے دل زار تمنائی ہے
وصل کا اس کے دل زار تمنائی ہے نہ ملاقات ہے جس سے نہ شناسائی ہے قطع امید نے دل کر دیے یکسو صد شکر شکل مدت میں یہ اللہ نے دکھلائی ہے قوت دست خدائی ہے شکیبائی میں وقت جب آ کے پڑا ہے یہی کام آئی ہے ڈر نہیں غیر کا جو کچھ ہے سو اپنا ڈر ہے ہم نے جب کھائی ہے اپنے ہی سے زک کھائی ہے نشہ میں چور نہ ہوں جھانجھ میں مخمور نہ ہوں پند یہ پیر خرابات نے فرمائی ہے نظر آتی نہیں اب دل میں تمنا کوئی بعد مدت کے تمنا مری بر آئی ہے بات سچی کہی اور انگلیاں اٹھیں سب کی سچ میں حالیؔ کوئی رسوائی سی رسوائی ہے
English rendering
wasl ka us ke dil-e-zaar tamannai hai na mulaqat hai jis se na shanasai hai qata-e-umeed ne dil kar diye yaksu sad shukr shakl muddat mein ye Allah ne dikhlai hai quwwat-e-dast-e-khudai hai shakebai mein waqt jab aa ke pada hai yehi kaam aayi hai dar nahin ghair ka jo kuch hai so apna dar hai hum ne jab khai hai apne hi se zak khai hai nasha mein choor na hon jhaanjh mein makhmoor na hon pand ye peer-e-kharabaat ne farmai hai nazar aati nahin ab dil mein tamanna koi baad muddat ke tamanna meri bar aayi hai baat sacchi kahi aur ungliyan uthin sab ki sach mein Hali koi ruswai si ruswai hai