اس کے جاتے ہی یہ کیا ہو گئی گھر کی صورت
اس کے جاتے ہی یہ کیا ہو گئی گھر کی صورت نہ وہ دیوار کی صورت ہے نہ در کی صورت کس سے پیمان وفا باندھ رہی ہے بلبل کل نہ پہچان سکے گی گل تر کی صورت ہے غم روز جدائی نہ نشاط شب وصل ہو گئی اور ہی کچھ شام و سحر کی صورت اپنی جیبوں سے رہیں سارے نمازی ہشیار اک بزرگ آتے ہیں مسجد میں خضر کی صورت دیکھیے شیخ مصور سے کھچے یا نہ کھچے صورت اور آپ سے بے عیب بشر کی صورت واعظو آتش دوزخ سے جہاں کو تم نے یہ ڈرایا ہے کہ خود بن گئے ڈر کی صورت کیا خبر زاہد قانع کو کہ کیا چیز ہے حرص اس نے دیکھی ہی نہیں کیسۂ زر کی صورت میں بچا تیر حوادث سے نشانہ بن کر آڑے آئی مری تسلیم سپر کی صورت شوق میں اس کے مزا درد میں اس کے لذت ناصحو اس سے نہیں کوئی مفر کی صورت حملہ اپنے پہ بھی اک بعد ہزیمت ہے ضرور رہ گئی ہے یہی اک فتح و ظفر کی صورت رہنماؤں کے ہوئے جاتے ہیں اوسان خطا راہ میں کچھ نظر آتی ہے خطر کی صورت یوں تو آیا ہے تباہی میں یہ بیڑا سو بار پر ڈراتی ہے بہت آج بھنور کی صورت ان کو حالیؔ بھی بلاتے ہیں گھر اپنے مہماں دیکھنا آپ کی اور آپ کے گھر کی صورت
English rendering
us ke jaate hi ye kya ho gayi ghar ki soorat na woh deewar ki soorat hai na dar ki soorat kis se paiman-e-wafa baandh rahi hai bulbul kal na pehchan sake gi gul-e-tar ki soorat hai gham-e-roz-e-judai na nishat-e-shab-e-wasl ho gayi aur hi kuch sham o sehar ki soorat apni jaibon se rahein saare namazi hoshiyar ek buzurg aate hain masjid mein Khizr ki soorat dekhiye shaikh-e-musawwir se khichle ya na khichle soorat aur aap se be-aib bashar ki soorat waizon aatish-e-dozakh se jahan ko tum ne ye daraya hai ke khud ban gaye dar ki soorat kya khabar zaahid-e-qaani ko ke kya cheez hai hirs us ne dekhi hi nahin kisa-e-zar ki soorat main bacha teer-e-hawadis se nishana ban kar aade aayi meri tasleem sipar ki soorat shauq mein us ke maza dard mein us ke lazzat naasehon us se nahin koi mafar ki soorat hamla apne pe bhi ek baad-e-hazeemat hai zarur reh gayi hai yehi ek fateh o zafar ki soorat rehnamaon ke hue jaate hain awaasan khata raah mein kuch nazar aati hai khatar ki soorat yun to aaya hai tabahi mein ye beda sau baar par darati hai bahut aaj bhanwar ki soorat un ko Hali bhi bulaate hain ghar apne mehman dekhna aap ki aur aap ke ghar ki soorat