خوبیاں اپنے میں گو بے انتہا پاتے ہیں ہم
خوبیاں اپنے میں گو بے انتہا پاتے ہیں ہم پر ہر اک خوبی میں داغ اک عیب کا پاتے ہیں ہم خوف کا کوئی نشاں ظاہر نہیں افعال میں گو کہ دل میں متصل خوف خدا پاتے ہیں ہم کرتے ہیں طاعت تو کچھ خواہاں نمائش کے نہیں پر گنہ چھپ چھپ کے کرنے میں مزا پاتے ہیں ہم دیدہ و دل کو خیانت سے نہیں رکھ سکتے باز گرچہ دست و پا کو اکثر بے خطا پاتے ہیں ہم دل میں درد عشق نے مدت سے کر رکھا ہے گھر پر اسے آلودۂ حرص و ہوا پاتے ہیں ہم ہو کے نادم جرم سے پھر جرم کرتے ہیں وہی جرم سے گو آپ کو نادم سدا پاتے ہیں ہم ہیں فدا ان دوستوں پر جن میں ہو صدق و صفا پر بہت کم آپ میں صدق و صفا پاتے ہیں ہم گو کسی کو آپ سے ہونے نہیں دیتے خفا اک جہاں سے آپ کو لیکن خفا پاتے ہیں ہم جانتے اپنے سوا سب کو ہیں بے مہر و وفا اپنے میں گر شمۂ مہر و وفا پاتے ہیں ہم بخل سے منسوب کرتے ہیں زمانہ کو سدا گر کبھی توفیق ایثار و عطا پاتے ہیں ہم ہو اگر مقصد میں ناکامی تو کر سکتے ہیں صبر درد خودکامی کو لیکن بے دوا پاتے ہیں ہم ٹھہرتے جاتے ہیں جتنے چشم عالم میں بھلے حال نفس دوں کا اتنا ہی برا پاتے ہیں ہم جس قدر جھک جھک کے ملتے ہیں بزرگ و خورد سے کبر و ناز اتنا ہی اپنے میں سوا پاتے ہیں ہم گو بھلائی کرکے ہم جنسوں سے خوش ہوتا ہے جی تہہ نشیں اس میں مگر درد ریا پاتے ہیں ہم ہے ردائے نیک نامی دوش پر اپنے مگر داغ رسوائی کے کچھ زیر ردا پاتے ہیں ہم راہ کے طالب ہیں پر بے راہ پڑتے ہیں قدم دیکھیے کیا ڈھونڈھتے ہیں اور کیا پاتے ہیں ہم نور کے ہم نے گلے دیکھے ہیں اے حالیؔ مگر رنگ کچھ تیری الاپوں میں نیا پاتے ہیں ہم
English rendering
khoobiyan apne mein go be-inteha paate hain hum par har ek khoobi mein daagh ek aib ka paate hain hum khauf ka koi nishaan zaahir nahin af'aal mein go ke dil mein muttasil khauf-e-khuda paate hain hum karte hain taa'at to kuch khwahaan numaish ke nahin par gunaah chhup chhup ke karne mein maza paate hain hum deeda o dil ko khiyanat se nahin rakh sakte baaz garche dast o paa ko aksar be-khata paate hain hum dil mein dard-e-ishq ne muddat se kar rakha hai ghar par use aalooda hirs o hawa paate hain hum ho ke nadim jurm se phir jurm karte hain wahi jurm se go aap ko nadim sada paate hain hum hain fida un doston par jin mein ho sidq o safa par bahut kam aap mein sidq o safa paate hain hum go kisi ko aap se hone nahin dete khafa ek jahan se aap ko lekin khafa paate hain hum jaante apne siwa sab ko hain be-mehr o wafa apne mein gar shama-e-mehr o wafa paate hain hum bukhl se mansoob karte hain zamana ko sada gar kabhi taufeeq-e-eesaar o ata paate hain hum ho agar maqsad mein na-kami to kar sakte hain sabr dard-e-khud-kaami ko lekin be-dawa paate hain hum theharte jaate hain jitne chashm-e-alam mein bhale haal-e-nafs-e-doon ka itna hi bura paate hain hum jis qadar jhuk jhuk ke milte hain buzurg o khurd se kibr o naaz itna hi apne mein siwa paate hain hum go bhalai kar ke ham-jinson se khush hota hai jee teh-nasheen is mein magar dard-e-riya paate hain hum hai ridaa-e-nek-naami dosh par apne magar daagh ruswai ke kuch zer-e-rida paate hain hum raah ke talib hain par be-raah padte hain qadam dekhiye kya dhoondhte hain aur kya paate hain hum noor ke hum ne gale dekhe hain ae Hali magar rang kuch teri alaapon mein naya paate hain hum