بیٹھے رہیں گے وہ تو ہمیشہ دبا کے بات
بیٹھے رہیں گے وہ تو ہمیشہ دبا کے بات ہم ہی کریں گے ان سے کسی روز جا کے بات کچھ بھی نکال سکتے ہیں مطلب وہ بات کا کرتا ہوں اس لیے میں بہت بچ بچا کے بات پیچیدہ ہو گئے ہیں ہمارے تعلقات کرنی پڑی ہے مجھ کو گھما کے پھرا کے بات اک ہم کہ لے کے بیٹھ گئے ایک لفظ کو اک وہ کہ چل دئے جو ہنسی میں اڑا کے بات کہتا ہوں دل کی بات گھٹا کر رقیب سے کرتا ہے وہ جو آگے بڑھا کے چڑھا کے بات وہ جو بنی ہوئی ہے رکاوٹ سی درمیاں ملنا ہو اب ہمیں تو ملیں وہ ہٹا کے بات مطلوب واعظوں کو ہیں شاید ہمارے اشک ہنسنے کی بھی وہ کرتے ہیں اکثر رلا کے بات باصرؔ بیان سادہ کو پایا ہے بے اثر کیجے ذرا سنوار کے قدرے بنا کے بات
English rendering
Baithe rahenge woh to hamesha daba ke baat Hum hi karenge un se kisi roz ja ke baat Kuchh bhi nikal sakte hain matlab woh baat ka Karta hoon is liye main bahut bach bacha ke baat Peechida ho gaye hain hamare talluqat Karni padi hai mujh ko ghuma ke phira ke baat Ik hum ke le ke baith gaye ek lafz ko Ik woh ke chal diye jo hansi mein uda ke baat Kehta hoon dil ki baat ghata kar raqeeb se Karta hai woh jo aage barha ke charha ke baat Woh jo bani hui hai rukawat si darmiyaan Milna ho ab hamein to milein woh hata ke baat Matloob waaizon ko hain shayad hamare ashk Hansne ki bhi woh karte hain aksar rula ke baat Basir bayan-e-sada ko paya hai be-asar Keejiye zara sanwaar ke qadre bana ke baat