جنگل میں مور
ایک دن اک مور سے کہنے لگی یہ مورنی خوش صدا ہے خوش ادا ہے خوش قدم خوش رنگ ہے اس بیاباں تک مگر افسوس تو محدود ہے جب کبھی میں دیکھتی ہوں محو تجھ کو رقص میں ایک خواہش بے طرح کرتی ہے مجھ کو بے قرار کاش تجھ کو دیکھ سکتی آنکھ ہر ذی روح کی کاش مخلوق خدا ہو تیرے فن سے فیضیاب مور بولا اے مری ہم رقص میری ہم نوا تو نہیں واقف کہ میں گھوما پھرا ہوں کس قدر کتنے جنگل میں نے جھانکے کتنی دیکھیں بستیاں ان گنت آنکھوں نے دیکھا میرا فن میرا ہنر داد لینا دیکھنے والوں سے تھا مقصد مرا اس طرح گویا انہیں تسخیر کر لیتا تھا میں دیکھتا جب ان کی آنکھوں میں ستائش کی چمک بس اسی لمحے پروں کو میرے لگ جاتے تھے پر پھر ہوا یوں ایک دن دوران رقص غالباً شیشے کا ٹکڑا یا کوئی کنکر چبھا رقص تو کیا چلنے پھرنے سے ہوا معذور میں رفتہ رفتہ ہو گیا اہل جہاں سے دور میں بعد مدت ایک دن پہنچا جو میں پنڈال میں دیکھتا کیا ہوں کہ اک طاؤس خوش قد خوش جمال مجھ سے بہتر اور کتنا مختلف کر رہا تھا اپنے فن سے اہل مجلس کو نہال دیر تک دیکھا کیا میں اس کو اوروں کی طرح یوں لگا جیسے وہ تھا میری جگہ میری طرح کاروان زندگی رکتا نہیں وقت کا دریا کبھی رکتا نہیں آج میں کل کوئی پرسوں کوئی اور اپنا اپنا وقت اپنا اپنا دور رقص کرتا ہوں اگر میں اب تو بس اپنے لیے یا فقط تیرے لیے تیرے لیے تیرے لیے
English rendering
Ek din ik mor se kahne lagi ye morni Khush sada hai khush ada hai khush qadam khush rang hai Is bayaban tak magar afsos tu mahdood hai Jab kabhi main dekhti hun mahv tujh ko raqs mein Ek khwahish be-tarah karti hai mujh ko beqarar Kash tujh ko dekh sakti aankh har zi-rooh ki Kash makhluq-e-khuda ho tere fan se faizyab Mor bola aye meri hum-raqs meri hum-nawa Tu nahin waqif ke main ghooma phira hun kis qadar Kitne jangal main ne jhanke kitni dekhen bastiyan An-gint aankhon ne dekha mera fan mera hunar Dad lena dekhne walon se tha maqsad mera Is tarah goya unhein taskhir kar leta tha main Dekhta jab un ki aankhon mein sitaish ki chamak Bas isi lamhe paron ko mere lag jaate the par Phir hua yun ek din dauran-e-raqs Ghaliban shishe ka tukra ya koi kankar chubhta Raqs to kya chalne phirne se hua mazoor main Rafta rafta ho gaya ahl-e-jahan se dur main Baad muddat ek din pahuncha jo main pandal mein Dekhta kya hun ke ik taaus khush-qad khush-jamal Mujh se behtar aur kitna mukhtalif Kar raha tha apne fan se ahl-e-majlis ko nihaal Der tak dekha kya main us ko auron ki tarah Yun laga jaise wo tha meri jagah meri tarah Karwan-e-zindagi rukta nahin Waqt ka darya kabhi rukta nahin Aaj main kal koi parson koi aur Apna apna waqt apna apna daur Raqs karta hun agar main ab to bas apne liye Ya faqat tere liye tere liye tere liye