کرتے نہ ہم جو اہل وطن اپنا گھر خراب
کرتے نہ ہم جو اہل وطن اپنا گھر خراب ہوتے نہ یوں ہمارے جواں در بدر خراب اعمال کو پرکھتی ہے دنیا مآل سے اچھا نہ ہو ثمر تو ہے گویا شجر خراب اک بار جو اتر گیا پٹری سے دوستو دیکھا یہی کہ پھر وہ ہوا عمر بھر خراب منزل تو اک طرف رہی اتنا ضرور ہے اک دوسرے کا ہم نے کیا ہے سفر خراب ہوتی نہیں وہ پوری طرح پھر کبھی بھی ٹھیک ہو جائے ایک بار کوئی چیز گر خراب اے دل مجھے پتا ہے کہ لایا ہے تو کہاں چل خود بھی اب خراب ہو مجھ کو بھی کر خراب اس کاروبار عشق میں ایسی ہے کیا کشش پہلے پدر خراب ہوا پھر پسر خراب اک دن بھی آشیاں میں نہ گزرا سکون سے کرتے رہے ہیں مجھ کو مرے بال و پر خراب رہ رہ کے یاد آتی ہے استاد کی یہ بات کرتی ہے آرزوئے کمال ہنر خراب اس تیرہ خاکداں کے لیے کیا بلا سبب صدیوں سے ہو رہے ہیں یہ شمس و قمر خراب لگتا ہے ان کو زنگ کسی اور رنگ کا کس نے کہا کہ ہوتے نہیں سیم و زر خراب اک قدرداں ملا تو یہ سوچا کہ آج تک ہوتے رہے کہاں مرے لعل و گہر خراب خاموش اور اداس ہو باصرؔ جو صبح سے آئی ہے آج پھر کوئی گھر سے خبر خراب
English rendering
Karte na hum jo ahl-e watan apna ghar kharab Hote na yoon hamare jawan dar ba dar kharab Aamaal ko parkhti hai duniya maal se Achha na ho samar to hai goya shajar kharab Ik baar jo utar gaya patari se dosto Dekha yahi ke phir woh hua umr bhar kharab Manzil to ik taraf rahi itna zaroor hai Ik doosre ka hum ne kiya hai safar kharab Hoti nahin woh poori tarah phir kabhi bhi theek Ho jaaye ek baar koi cheez gar kharab Aye dil mujhe pata hai ke laya hai tu kahan Chal khud bhi ab kharab ho mujh ko bhi kar kharab Is karobar-e ishq mein aisi hai kya kashish Pehle pidar kharab hua phir pisar kharab Ik din bhi aashiyan mein na guzra sukoon se Karte rahe hain mujh ko mere baal o par kharab Rah rah ke yaad aati hai ustad ki yeh baat Karti hai aarzoo-e kamaal-e hunar kharab Is teera khakdan ke liye kya bila sabab Sadiyon se ho rahe hain yeh shams o qamar kharab Lagta hai in ko zang kisi aur rang ka Kis ne kaha ke hote nahin seem o zar kharab Ik qadardan mila to yeh socha ke aaj tak Hote rahe kahan mere laal o gauhar kharab Khamosh aur udaas ho Basir jo subh se Aayi hai aaj phir koi ghar se khabar kharab