کتنی ہی بے ضرر سہی تیری خرابیاں
کتنی ہی بے ضرر سہی تیری خرابیاں باصرؔ خرابیاں تو ہیں پھر بھی خرابیاں حالت جگہ بدلنے سے بدلی نہیں مری ہوتی ہیں ہر جگہ کی کچھ اپنی خرابیاں تو چاہتا ہے اپنی نئی خوبیوں کی داد مجھ کو عزیز تیری پرانی خرابیاں جوں ہی تعلقات کسی سے ہوئے خراب سارے جہاں کی اس میں ملیں گی خرابیاں سرکار کا ہے اپنا ہی معیار انتخاب یارو کہاں کی خوبیاں کیسی خرابیاں آدم خطا کا پتلا ہے گر مان لیں یہ بات نکلیں گی اس خرابی سے کتنی خرابیاں ان ہستیوں کی راہ پہ دیکھیں گے چل کے ہم جن میں نہ تھیں کسی بھی طرح کی خرابیاں بوئیں گے اپنے باغ میں سب خوبیوں کے بیج جڑ سے اکھاڑ پھینکیں گے ساری خرابیاں باصرؔ کی شخصیت بھی عجب ہے کہ اس میں ہیں کچھ خوبیاں خراب کچھ اچھی خرابیاں
English rendering
Kitni hi be-zarar sahi teri kharabiyan Basir kharabiyan to hain phir bhi kharabiyan Haalat jagah badalne se badli nahin meri Hoti hain har jagah ki kuchh apni kharabiyan Tu chahta hai apni nayi khoobiyon ki daad Mujh ko azeez teri purani kharabiyan Jyun hi ta'alluqaat kisi se hue kharab Saare jahan ki us mein milengi kharabiyan Sarkar ka hai apna hi mayar-e-intekhab Yaaro kahan ki khoobiyan kaisi kharabiyan Aadam khata ka putla hai gar maan lein yeh baat Niklengi is kharabi se kitni kharabiyan In hastiyon ki raah pe dekhenge chal ke hum Jin mein na theen kisi bhi tarah ki kharabiyan Boyenge apne bagh mein sab khoobiyon ke beej Jad se ukhaad phenkenge saari kharabiyan Basir ki shakhsiyat bhi ajab hai ke us mein hain Kuchh khoobiyan kharab kuchh achhi kharabiyan