جمہوریت
دس کروڑ انسانو! زندگی سے بیگانو! صرف چند لوگوں نے حق تمہارا چھینا ہے خاک ایسے جینے پر یہ بھی کوئی جینا ہے بے شعور بھی تم کو بے شعور کہتے ہیں سوچتا ہوں یہ ناداں کس ہوا میں رہتے ہیں اور یہ قصیدہ گو فکر ہے یہی جن کو ہاتھ میں علم لے کر تم نہ اٹھ سکو لوگو کب تلک یہ خاموشی چلتے پھرتے زندانو دس کروڑ انسانو! یہ ملیں یہ جاگیریں کس کا خون پیتی ہیں بیرکوں میں یہ فوجیں کس کے بل پہ جیتی ہیں کس کی محنتوں کا پھل داشتائیں کھاتی ہیں جھونپڑوں سے رونے کی کیوں صدائیں آتی ہیں جب شباب پر آ کر کھیت لہلہاتا ہے کس کے نین روتے ہیں کون مسکراتا ہے کاش تم کبھی سمجھو کاش تم کبھی سمجھو کاش تم کبھی جانو دس کروڑ انسانو! علم و فن کے رستے میں لاٹھیوں کی یہ باڑیں کالجوں کے لڑکوں پر گولیوں کی بوچھاڑیں یہ کرائے کے غنڈے یادگار شب دیکھو کس قدر بھیانک ہے ظلم کا یہ ڈھب دیکھو رقص آتش و آہن دیکھتے ہی جاؤ گے دیکھتے ہی جاؤ گے ہوش میں نہ آؤ گے ہوش میں نہ آؤ گے اے خموش طوفانو! دس کروڑ انسانو! سیکڑوں حسن ناصر ہیں شکار نفرت کے صبح و شام لٹتے ہیں قافلے محبت کے جب سے کالے باغوں نے آدمی کو گھیرا ہے مشعلیں کرو روشن دور تک اندھیرا ہے میرے دیس کی دھرتی پیار کو ترستی ہے پتھروں کی بارش ہی اس پہ کیوں برستی ہے ملک کو بچاؤ بھی ملک کے نگہبانو دس کروڑ انسانو! بولنے پہ پابندی سوچنے پہ تعزیریں پاؤں میں غلامی کی آج بھی ہیں زنجیریں آج حرف آخر ہے بات چند لوگوں کی دن ہے چند لوگوں کا رات چند لوگوں کی اٹھ کے درد مندوں کے صبح و شام بدلو بھی جس میں تم نہیں شامل وہ نظام بدلو بھی دوستوں کو پہچانو دشمنوں کو پہچانو دس کروڑ انسانو!
English rendering
Das karod insaano! Zindagi se begaano! Sirf chand logon ne Haq tumhara chheena hai Khaak aise jeene par Yeh bhi koi jeena hai Be-shaoor bhi tum ko Be-shaoor kehte hain Sochta hoon yeh nadaan Kis hawa mein rehte hain Aur yeh qaseeda go Fikr hai yehi jin ko Haath mein ilm le kar Tum na uth sako logo Kab talak yeh khamoshi Chalte phirte zindano! Das karod insaano! Yeh millein yeh jaageerein Kis ka khoon peeti hain Barracks mein yeh fauji Kis ke bal pe jeeti hain Kis ki mehnaton ka phal Daashtayein khaati hain Jhompdon se rone ki Kyun sadaayein aati hain Jab shabaab par aa kar Khet lehlahaata hai Kis ke nain rote hain Kaun muskuraata hai Kaash tum kabhi samjho Kaash tum kabhi samjho Kaash tum kabhi jaano Das karod insaano! Ilm-o-fan ke raste mein Laathiyon ki yeh baadein Colleges ke ladkon par Goliyon ki bochhaarein Yeh kiraaye ke gunde Yaadgaar-e-shab dekho Kis qadar bhayanak hai Zulm ka yeh dhab dekho Raqs-e-aatish-o-aahan Dekhte hi jaoge Dekhte hi jaoge Hosh mein na aaoge Hosh mein na aaoge Ae khamosh toofano! Das karod insaano! Sainkdon Hasan Nasir Hain shikaar nafrat ke Subah-o-shaam lutte hain Qaafle muhabbat ke Jab se kaale baagon ne Aadmi ko ghera hai Mash'alein karo roshan Door tak andhera hai Mere des ki dharti Pyaar ko tarasti hai Pattharon ki baarish hi Is pe kyun barasti hai Mulk ko bachao bhi Mulk ke nigehbaano Das karod insaano! Bolne pe pabandi Sochne pe ta'zeerein Paaon mein ghulami ki Aaj bhi hain zanjeerein Aaj harf-e-aakhir hai Baat chand logon ki Din hai chand logon ka Raat chand logon ki Uth ke dardmanddon ke Subah-o-shaam badlo bhi Jis mein tum nahin shaamil Woh nizaam badlo bhi Doston ko pehchaano Dushmanon ko pehchaano Das karod insaano!