ہم ہی میں تھی نہ کوئی بات یاد نہ تم کو آ سکے
ہم ہی میں تھی نہ کوئی بات یاد نہ تم کو آ سکے تم نے ہمیں بھلا دیا ہم نہ تمہیں بھلا سکے تم ہی نہ سن سکے اگر قصۂ غم سنے گا کون کس کی زباں کھلے گی پھر ہم نہ اگر سنا سکے ہوش میں آ چکے تھے ہم جوش میں آ چکے تھے ہم بزم کا رنگ دیکھ کر سر نہ مگر اٹھا سکے رونق بزم بن گئے لب پہ حکایتیں رہیں دل میں شکایتیں رہیں لب نہ مگر ہلا سکے شوق وصال ہے یہاں لب پہ سوال ہے یہاں کس کی مجال ہے یہاں ہم سے نظر ملا سکے ایسا ہو کوئی نامہ بر بات پہ کان دھر سکے سن کے یقین کر سکے جا کے انہیں سنا سکے عجز سے اور بڑھ گئی برہمی مزاج دوست اب وہ کرے علاج دوست جس کی سمجھ میں آ سکے اہل زباں تو ہیں بہت کوئی نہیں ہے اہل دل کون تری طرح حفیظؔ درد کے گیت گا سکے
English rendering
Ham hī meñ thī na koī baat yaad na tum ko aa sake Tum ne hameñ bhulā diyā ham na tumheñ bhulā sake Tum hī na sun sake agar qissa-e-gham sune gā kaun Kis kī zabāñ khule gī phir ham na agar sunā sake Hosh meñ aa chuke the ham josh meñ aa chuke the ham Bazm kā rang dekh kar sar na magar uṭhā sake Raunaq-e-bazm ban ga.e lab pe hikāyateñ rahīñ Dil meñ shikāyateñ rahīñ lab na magar hilā sake Shauq-e-visāl hai yahāñ lab pe savāl hai yahāñ Kis kī majāl hai yahāñ ham se nazar milā sake Aisā ho koī nāma-bar baat pe kaan dhar sake Sun ke yaqīn kar sake jā ke unheñ sunā sake Ajz se aur baṛh ga.ī barhamī-e-mizāj-e-dost Ab vo kare ilāj-e-dost jis kī samajh meñ aa sake Ahl-e-zabāñ to haiñ bahut koī nahīñ hai ahl-e-dil Kaun tirī tarah Hafīzؔ dard ke gīt gā sake