آرزوئے وصلِ جاناں میں سحر ہونے لگی
آرزوئے وصلِ جاناں میں سحر ہونے لگی زندگی مانندِ شمعِ مُختصر ہونے لگی رازِ الفت کھُل نہ جائے، بات رہ جائے مِری بزمِ جاناں میں الہٰی چشم تر ہونے لگی اب شکیبِ دل کہاں، حسرت ہی حسرت رہ گئی زندگی اِک خواب کی صُورت بسر ہونے لگی یہ طِلِسمِ حُسن ہے، یا کہ مآلِ عشق ہے اپنی ناکامی ہی اپنی راہ بر ہونے لگی سُن رہا ہوں آرہے ہیں وہ سرِ بالین آج میری آہِ نارسا بھی، با اثرہونے لگی اُن سے وابستہ اُمیدیں جو بھی تھیں، وہ مِٹ گئیں اب طبیعت، آپ اپنی چارہ گر ہونے لگی وہ تبسّم تھا، کہ برقِ حُسن کا اعجاز تھا کائناتِ جان و دل زیر و زبر ہونے لگی دل کی دھڑکن بڑھ گئی آنکھوں میں آنسو آ گئے غالباً میری طرف اُن کی نظر ہونے گی جب چلا مُشتاق اپنا کارواں سُوئے عدم یاس ہم آغوش ہو کر ہم سفر ہونے لگی
English rendering
Ārzū-e-vasl-e-jānāñ meñ sahar hone lagī Zindagī mānind-e-sham'-e-muḳhtaṣar hone lagī Rāz-e-ulfat khul na jaa.e, baat rah jaa.e mirī Bazm-e-jānāñ meñ ilāhī chashm-e-tar hone lagī Ab shakīb-e-dil kahāñ, hasrat hī hasrat rah gaī Zindagī ik khvāb kī ṣūrat basar hone lagī Yeh tilism-e-husn hai, yā ki ma'āl-e-ishq hai Apnī nākāmī hī apnī rāh-bar hone lagī Sun rahā hūñ aa rahe haiñ vo sar-e-bālīn aaj Merī āh-e-nārasā bhī, bā-asar hone lagī Un se vābasta ummīdeñ jo bhī thiiñ, vo miṭ ga.iiñ Ab tabī'at, aap apnī chāragar hone lagī Vo tabassum thā, ki barq-e-husn kā i'jāz thā Kā.enāt-e-jān-o-dil zer-o-zabar hone lagī Dil kī dhaṛkan baṛh ga.ī āñkhoñ meñ āñsū aa ga.e Ḡāliban merī taraf un kī nazar hone gī Jab chalā Mushtāq apnā kārvāñ sū-e-adam Yās ham-āġhosh ho kar ham-safar hone lagī