آپ نے قدر کچھ نہ کی دل کی
آپ نے قدر کچھ نہ کی دل کی اڑ گئی مفت میں ہنسی دل کی خو ہے از بس کہ عاشقی دل کی غم سے وابستہ ہے خوشی دل کی یاد ہر حال میں رہے وہ مجھے الغرض بات رہ گئی دل کی مل چکی ہم کو ان سے داد وفا جو نہیں جانتے لگی دل کی چین سے محو خواب ناز میں وہ بیکلی ہم نے دیکھ لی دل کی ہمہ تن صرف ہوشیارئ عشق کچھ عجب شے ہے بے خودی دل کی ان سے کچھ تو ملا وہ غم ہی سہی آبرو کچھ تو رہ گئی دل کی مر مٹے ہم نہ ہو سکی پوری آرزو تم سے ایک بھی دل کی وہ جو بگڑے رقیب سے حسرتؔ اور بھی بات بن گئی دل کی
English rendering
Aap ne qadar kuch na ki dil ki Ud gayi muft mein hansi dil ki Kho hai az bas ke aashiqi dil ki Gham se vabasta hai khushi dil ki Yaad har haal mein rahe woh mujhe Al-gharaz baat rah gayi dil ki Mil chuki hum ko un se daad-e-wafa Jo nahin jante lagi dil ki Chain se mahv-e-khwab-e-naz mein woh Be-kali hum ne dekh li dil ki Hama tan sarf-e-hushyari-e-ishq Kuch ajab shai hai be-khudi dil ki Un se kuch to mila woh gham hi sahi Aabroo kuch to rah gayi dil ki Mar mite hum na ho saki poori Aarzoo tum se ek bhi dil ki Woh jo bigde raqeeb se Hasrat! Aur bhi baat ban gayi dil ki