پیرو مسلک تسلیم و رضا ہوتے ہیں
پیرو مسلک تسلیم و رضا ہوتے ہیں ہم تیری راہ محبت میں فنا ہوتے ہیں شرم کر شرم کہ اے جذبۂ تاثیر وفا تیرے ہاتھوں وہ پشیمان جفا ہوتے ہیں چھیڑتی ہے مجھے بیباکئ خواہش کیا کیا جب کبھی ہاتھ وہ پابند حنا ہوتے ہیں نہ اثر آہ میں کچھ ہے نہ دعا میں تاثیر تیر ہم جتنے چلاتے ہیں خطا ہوتے ہیں اہل دل سنتے ہیں اک ساز محبت کی نوا ہم تری یاد میں جب نغمہ سرا ہوتے ہیں لذت درد نہ کیوں اہل ہوس پر ہو حرام کہ وہ کم بخت طلب گار دوا ہوتے ہیں کشور عشق میں دنیا سے نرالا ہے رواج کام جو بن نہ پڑیں یاں وہ روا ہوتے ہیں ہیچ ہم سمجھے دو عالم کو تو حیرت کیا ہے رتبے عشاق کے اس سے بھی سوا ہوتے ہیں جسم ہوتا ہے جدا جان سے گویا حسرتؔ آسماں ان سے چھڑاتا ہے جدا ہوتے ہیں
English rendering
Pairaw-e-maslak-e-tasleem-o-raza hote hain Ham teri raah-e-mohabbat mein fana hote hain Sharm kar sharm ke ae jazba-e-taaseer-e-wafa Tere haathon woh pasheman jafa hote hain Chhedti hai mujhe be-baaki-e-khwahish kya kya Jab kabhi haath woh paband-e-hina hote hain Na asar aah mein kuch hai na dua mein taaseer Teer hum jitne chalate hain khata hote hain Ahl-e-dil sunte hain ek saaz-e-mohabbat ki nawa Ham teri yaad mein jab naghma-sara hote hain Lazzat-e-dard na kyoon ahl-e-havas par ho haram Ke woh kam bakht talabgar-e-dawa hote hain Kishwar-e-ishq mein duniya se nirala hai riwaaj Kaam jo ban na paden yahan woh rawa hote hain Hech hum samjhe do aalam ko to hairat kya hai Rutbe ushshaq ke is se bhi siwa hote hain Jism hota hai juda jaan se goya Hasrat! Aasmaan un se chhadata hai juda hote hain