سرگرمِ ناز آپ کی شانِ جفا ہے کیا
سرگرمِ ناز آپ کی شانِ وَفا ہے کیا باقی ستم کا اور ابھی حوصلہ ہے کیا آنکھیں تِری جو ہوشرُبائی میں ہیں فرو اِن میں یہ سِحرکارئیِ رنگِ حنا ہے کیا گر جوشِ آرزُو کی ہیں کیفیتیں یہی مَیں بُھول جاؤں گا کہ مِرا مُدّعا ہے کیا آتے ہیں وہ خیال میں کیوں میرے بار بار عِشقِ خُدا نُما کی یہی اِبتدا ہے کیا اِک برقِ مُضطرب ہے، کہ اِک سِحربیقرار! کُچھ پُوچھیے نہ، وہ نگہِ فِتنہ زا ہے کیا اِس درجہ دِلپذیر ہے آہنگِ نغمہ کیوں پنہاں لباسِ درد میں تیری صدا ہے کیا چل بھی دیے، وہ چِھین کے صبر و قرارِ دِل! ہم سوچتے ہی رہ گئے یہ ماجرا ہے کیا نزدِیک بام یار سے ہے نَردبانِ عِشق اے دِل! یہ جائے حوصلہ ہے دیکھتا ہے کیا حسرتؔ جفائے یار کو سمجھا جو تُو وَفا آئینِ اِشتیاق میں یہ بھی رَوا ہے کیا
English rendering
Sargarmi-e-naaz aap ki shaan-e-wafa hai kya Baqi sitam ka aur abhi hausla hai kya Aankhen teri jo hosh-rubaai mein hain faro In mein yeh sihr-kari-e-rang-e-hina hai kya Gar josh-e-aarzoo ki hain kaifiyaten yehi Main bhool jaaunga ke mera muddaa hai kya Aate hain woh khayal mein kyoon mere baar baar Ishq-e-Khuda numa ki yehi ibtida hai kya Ek barq-e-muztarib hai, ke ek sihr-e-beqarar! Kuch poochhiye na, woh nigah-e-fitna-za hai kya Is darja dilpazeer hai aahang-e-naghma kyoon Pinhan libas-e-dard mein teri sada hai kya Chal bhi diye, woh chheen ke sabr-o-qarar-e-dil! Ham sochte hi rah gaye yeh majra hai kya Nazdeek-e-baam-e-yaar se hai nardbaan-e-ishq Ae dil! yeh ja-e-hausla hai dekhta hai kya Hasrat! jafa-e-yaar ko samjha jo tu wafa Aain-e-ishtiyaq mein yeh bhi rawa hai kya