اور تو پاس مرے ہجر میں کیا رکھا ہے
اور تو پاس مرے ہجر میں کیا رکھا ہے اک ترے درد کو پہلو میں چھپا رکھا ہے دل سے ارباب وفا کا ہے بھلانا مشکل ہم نے یہ ان کے تغافل کو سنا رکھا ہے تم نے بال اپنے جو پھولوں میں بسا رکھے ہیں شوق کو اور بھی دیوانہ بنا رکھا ہے سخت بے درد ہے تاثیر محبت کہ انہیں بستر ناز پہ سوتے سے جگا رکھا ہے آہ وہ یاد کہ اس یاد کو ہو کر مجبور دل مایوس نے مدت سے بھلا رکھا ہے کیا تأمل ہے مرے قتل میں اے بازو یار ایک ہی وار میں سر تن سے جدا رکھا ہے حسن کو جور سے بیگانہ نہ سمجھو کہ اسے یہ سبق عشق نے پہلے ہی پڑھا رکھا ہے تیری نسبت سے ستم گر ترے مایوسوں نے داغ حرماں کو بھی سینے سے لگا رکھا ہے کہتے ہیں اہل جہاں درد محبت جس کو نام اسی کا دل مضطر نے دوا رکھا ہے نگہ یار سے پیکان قضا کا مشتاق دل مجبور نشانے پہ کھلا رکھا ہے اس کا انجام بھی کچھ سوچ لیا ہے حسرتؔ تو نے ربط ان سے جو اس درجہ بڑھا رکھا ہے
English rendering
Aur to paas mere hijr mein kya rakha hai Ek tere dard ko pehlu mein chhupa rakha hai Dil se arbaab-e-wafa ka hai bhulaana mushkil Hum ne yeh un ke taghaful ko suna rakha hai Tum ne baal apne jo phoolon mein basa rakhe hain Shauq ko aur bhi deewana bana rakha hai Sakht be-dard hai taseer-e-mohabbat ke unhein Bistar-e-naaz pe sote se jaga rakha hai Aah woh yaad ke is yaad ko ho kar majboor Dil mayoos ne muddat se bhula rakha hai Kya taammul hai mere qatl mein ae baazoo-e-yaar Ek hi waar mein sar tan se juda rakha hai Husn ko jaur se begaana na samjho ke use Yeh sabaq ishq ne pehle hi padha rakha hai Teri nisbat se sitam-gar tere mayooson ne Daagh-e-hirmaan ko bhi seene se laga rakha hai Kehte hain ahl-e-jahan dard-e-mohabbat jis ko Naam isi ka dil-e-muztar ne dawa rakha hai Nigah-e-yaar se paikan-e-qaza ka mushtaq Dil majboor nishane pe khula rakha hai Is ka anjaam bhi kuch soch liya hai Hasrat To ne rabt un se jo is darja badha rakha hai