دیکھنا بھی تو انہیں دور سے دیکھا کرنا
دیکھنا بھی تو انہیں دور سے دیکھا کرنا شیوۂ عشق نہیں حسن کو رسوا کرنا اک نظر بھی تری کافی تھی پئے راحت جاں کچھ بھی دشوار نہ تھا مجھ کو شکیبا کرنا ان کو یاں وعدے پہ آ لینے دے اے ابر بہار جس قدر چاہنا پھر بعد میں برسا کرنا شام ہو یا کہ سحر یاد انہیں کی رکھنی دن ہو یا رات ہمیں ذکر انہیں کا کرنا صوم زاہد کو مبارک رہے عابد کو صلوٰۃ عاصیوں کو تری رحمت پہ بھروسا کرنا عاشقو حسن جفاکار کا شکوہ ہے گناہ تم خبردار خبردار نہ ایسا کرنا کچھ سمجھ میں نہیں آتا کہ یہ کیا ہے حسرتؔ ان سے مل کر بھی نہ اظہار تمنا کرنا
English rendering
Dekhna bhi to unhein door se dekha karna Sheva-e-ishq nahin husn ko ruswa karna Ek nazar bhi teri kaafi thi paye rahat-e-jaan Kuch bhi dushwar na tha mujh ko shakeeba karna Un ko yahan vaade pe aa lene de ae abr-e-bahar Jis qadar chahna phir baad mein barsa karna Shaam ho ya ke sahar yaad unhein ki rakhni Din ho ya raat hamein zikr unhein ka karna Saum zaahid ko mubarak rahe aabid ko salaat Aasiyon ko teri rahmat pe bharosa karna Aashiqo husn-e-jafaakaar ka shikwa hai gunah Tum khabardaar khabardaar na aisa karna Kuch samajh mein nahin aata ke yeh kya hai Hasrat! Un se mil kar bhi na izhaar-e-tamanna karna