ہے مشق سخن جاری چکی کی مشقت بھی
ہے مشق سخن جاری چکی کی مشقت بھی اک طرفہ تماشا ہے حسرتؔ کی طبیعت بھی جو چاہو سزا دے لو تم اور بھی کھل کھیلو پر ہم سے قسم لے لو کی ہو جو شکایت بھی دشوار ہے رندوں پر انکار کرم یکسر اے ساقئ جاں پرور کچھ لطف و عنایت بھی دل بسکہ ہے دیوانہ اس حسن گلابی کا رنگیں ہے اسی رو سے شاید غم فرقت بھی خود عشق کی گستاخی سب تجھ کو سکھا دے گی اے حسن حیاپرور شوخی بھی شرارت بھی برسات کے آتے ہی توبہ نہ رہی باقی بادل جو نظر آئے بدلی میری نیت بھی عشاق کے دل نازک اس شوخ کی خو نازک نازک اسی نسبت سے ہے کار محبت بھی رکھتے ہیں مرے دل پر کیوں تہمت بیتابی یاں نالۂ مضطر کی جب مجھ میں ہو قوت بھی اے شوق کی بیباکی وہ کیا تیری خواہش تھی جس پر انہیں غصہ ہے انکار بھی حیرت بھی ہر چند ہے دل شیدا حریت کامل کا منظور دعا لیکن ہے قید محبت بھی ہیں شادؔ و صفیؔ شاعر یا شوقؔ و وفاؔ حسرتؔ پھر ضامنؔ و محشرؔ ہیں اقبالؔ بھی وحشتؔ بھی
English rendering
Hai mashq-e-sukhan jaari chakki ki mashaqqat bhi Ek tarfa tamasha hai Hasrat ki tabiyat bhi Jo chaho saza de lo tum aur bhi khul khelo Par hum se qasam le lo ki ho jo shikayat bhi Dushwar hai rindon par inkaar-e-karam yaksar Ae saqi-e-jaan-parwar kuch lutf o inaayat bhi Dil bas-ke hai deewana is husn-e-gulabi ka Rangeen hai isi ro se shayad gham-e-furqat bhi Khud ishq ki gustaakhi sab tujh ko sikha degi Ae husn-e-haya-parwar shokhi bhi shararat bhi Barsaat ke aate hi tauba na rahi baqi Baadal jo nazar aaye badli meri niyat bhi Ushhaq ke dil naazuk is shokh ki khoo naazuk Naazuk isi nisbat se hai kaar-e-mohabbat bhi Rakhte hain mere dil par kyun tohmat-e-betaabi Yaan nala-e-muztar ki jab mujh mein ho quwwat bhi Ae shauq ki bebaaki woh kya teri khwahish thi Jis par unhein ghussa hai inkaar bhi hairat bhi Har chand hai dil shaida hurriat-e-kaamil ka Manzoor dua lekin hai qaid-e-mohabbat bhi Hain Shad o Safi shayar ya Shauq o Wafa Hasrat Phir Zamin o Mahshar hain Iqbal bhi Wahshat bhi