محبت کے عوض رہنے لگے ہر دم خفا مجھ سے
محبت کے عوض رہنے لگے ہر دم خفا مجھ سے کہو تو ایسی کیا سرزد ہوئی آخر خطا مجھ سے ملیں بھی وہ تو کیونکر آرزو بر آئے گی دل کی نہ ہوگا خود خیال ان کو نہ ہوگی التجا مجھ سے قرار آتا نہیں دل کو کسی عنوان پہلو میں ہوا ہے آشنا جب سے وہ کافر ماجرا مجھ سے غنیمت ہے جہان عاشقی میں ذات دونوں کی کہ نام جور قائم تم سے ہے رسم وفا مجھ سے فلک سے بھی ہے کیا بڑھ کر بلندی بام جاناں کی یہ پوچھا کرتی ہے اکثر مری آہ رسا مجھ سے مگر سیر چمن کو آج وہ پھر آنے والے ہیں ابھی کچھ کہہ رہی تھی کان میں باد صبا مجھ سے محبت بھی عجب شے ہے کہ با وصف شناسائی نہیں ہوتی مخاطب وہ نگاہ آشنا مجھ سے سکون قلب کی امید اب کیا ہو کہ رہتی ہے تمنا کی دو چار اک ہر گھڑی برق بلا مجھ سے تقاضہ ہے یہی خوئے نیاز عشق بازی کا نہ ہوگا اس سراپا ناز کا حسرتؔ گلا مجھ سے
English rendering
Mohabbat ke ewaz rehne lage har dam khafa mujh se Kaho to aisi kya sarzad hui akhir khata mujh se Milen bhi woh to kyunkar aarzoo bar aaye gi dil ki Na hoga khud khayal un ko na hogi iltija mujh se Qarar aata nahin dil ko kisi unwan pahlu mein Hua hai aashna jab se woh kafir majra mujh se Ghanimat hai jahan aashiqi mein zaat donon ki Ke naam-e-jaur qaim tum se hai rasm-e-wafa mujh se Falak se bhi hai kya badh kar bulandi baam-e-janan ki Yeh poochha karti hai aksar meri aah-e-rasa mujh se Magar sair-e-chaman ko aaj woh phir aane wale hain Abhi kuch keh rahi thi kaan mein baad-e-saba mujh se Mohabbat bhi ajab shai hai ke ba vasf-e-shanasai Nahin hoti mukhatib woh nigaah-e-aashna mujh se Sukoon-e-qalb ki umeed ab kya ho ke rahti hai Tamanna ki do chaar ek har ghadi barq-e-bala mujh se Taqaza hai yahi khoo-e-niyaz-e-ishq baazi ka Na hoga is sarapa naaz ka Hasrat! gila mujh se