مجھ کو خبر نہیں کہ مِرا مرتبہ ہے کیا
مجھ کو خبر نہیں کہ مِرا مرتبہ ہے کیا یہ تیرے اِلتفات نے آخر کِیا ہے کیا مِلتی کہاں گُداز طبیعت کی لذَّتیں رنجِ فراقِ یار بھی راحت فزا ہے کیا حاضرہے جانِ زار، جو چاہو مجھے ہلاک ! معلوُم بھی تو ہو، کہ تمہاری رضا ہے کیا ہُوں دردِ لادَوائے محّبت کا مُبتلا مجھ کو خبر نہیں کہ دَوا کیا، دُعا ہے کیا میری خطا پہ آپ کو لازم نہیں نظر یہ دیکھئے مُناسبِ شانِ عَطا ہے کیا ہیں بہترین صُلح پہ ظاہر کی رنجشیں ناحق ہُوں میں ملوُل، وہ مجھ سے خفا ہے کیا؟ گروِیدہ جس سے تو ہے، خبر بھی نہیں اُسے پھر تیرے اِضطراب کی حسرؔت بِنا ہے کیا ؟
English rendering
Mujh ko khabar nahin ke mera martaba hai kya Yh tere iltefaat ne akhir kiya hai kya Milti kahan gudaz tabiyat ki lazzatein Ranj-e-firaq-e-yaar bhi rahat faza hai kya Hazir hai jaan-e-zaar, jo chaho mujhe halak! Maaloom bhi to ho, ke tumhari raza hai kya Hoon dard-e-la-dava-e-mohabbat ka mubtala Mujh ko khabar nahin ke dawa kya, dua hai kya Meri khata pe aap ko lazim nahin nazar Yh dekhiye munasib-e-shan-e-ata hai kya Hain behtareen sulh pe zahir ki ranjishen Nahaq hoon main malool, woh mujh se khafa hai kya? Graveeda jis se tu hai, khabar bhi nahin use Phir tere iztirab ki Hasrat! bina hai kya?