روشن جمال یار سے ہے انجمن تمام
روشن جمال یار سے ہے انجمن تمام دہکا ہوا ہے آتش گل سے چمن تمام حیرت غرور حسن سے شوخی سے اضطراب دل نے بھی تیرے سیکھ لیے ہیں چلن تمام اللہ ری جسم یار کی خوبی کہ خودبخود رنگینیوں میں ڈوب گیا پیرہن تمام دل خون ہو چکا ہے جگر ہو چکا ہے خاک باقی ہوں میں مجھے بھی کر اے تیغ زن تمام دیکھو تو چشم یار کی جادو نگاہیاں بے ہوش اک نظر میں ہوئی انجمن تمام ہے ناز حسن سے جو فروزاں جبین یار لبریز آب نور ہے چاہ ذقن تمام نشو و نمائے سبزہ و گل سے بہار میں شادابیوں نے گھیر لیا ہے چمن تمام اس نازنیں نے جب سے کیا ہے وہاں قیام گلزار بن گئی ہے زمین دکن تمام اچھا ہے اہل جور کیے جائیں سختیاں پھیلے گی یوں ہی شورش حب وطن تمام سمجھے ہیں اہل شرق کو شاید قریب مرگ مغرب کے یوں ہیں جمع یہ زاغ و زغن تمام شیرینئ نسیم ہے سوز و گداز میرؔ حسرتؔ ترے سخن پہ ہے لطف سخن تمام
English rendering
Roshan jamal-e-yaar se hai anjuman tamam Dahka hua hai aatish-e-gul se chaman tamam Hairat ghuroor-e-husn se shokhi se iztirab Dil ne bhi tere seekh liye hain chalan tamam Allah re jism-e-yaar ki khubi ke khud ba khud Rangeeniyon mein doob gaya pairahan tamam Dil khoon ho chuka hai jigar ho chuka hai khaak Baqi hoon main mujhe bhi kar ae tegh zan tamam Dekho to chashm-e-yaar ki jadu nigahiyaan Behosh ek nazar mein hui anjuman tamam Hai naaz-e-husn se jo firozan jabeen-e-yaar Labrez-e-aab-e-noor hai chah-e-zaqan tamam Nashv-o-numaye sabza-o-gul se bahar mein Shadabiyon ne gheer liya hai chaman tamam Us nazneen ne jab se kiya hai wahan qayam Gulzar ban gayi hai zameen-e-Dakan tamam Achha hai ahl-e-jaur kiye jaayen sakhtiyaan Phaile gi yoon hi shorish-e-hubb-e-watan tamam Samjhe hain ahl-e-sharq ko shayad qareeb-e-marg Maghrib ke yoon hain jam'a yeh zaagh-o-zaghan tamam Shireeni-e-naseem hai soz-o-gudaz-e-Meer! Hasrat! tere sukhan pe hai lutf-e-sukhan tamam