بڑا احسان ہم فرما رہے ہیں
بڑا احسان ہم فرما رہے ہیں کہ ان کے خط انہیں لوٹا رہے ہیں نہیں ترک محبت پر وہ راضی قیامت ہے کہ ہم سمجھا رہے ہیں یقیں کا راستہ طے کرنے والے بہت تیزی سے واپس آ رہے ہیں یہ مت بھولو کہ یہ لمحات ہم کو بچھڑنے کے لیے ملوا رہے ہیں تعجب ہے کہ عشق و عاشقی سے ابھی کچھ لوگ دھوکا کھا رہے ہیں تمہیں چاہیں گے جب چھن جاؤ گی تم ابھی ہم تم کو ارزاں پا رہے ہیں کسی صورت انہیں نفرت ہو ہم سے ہم اپنے عیب خود گنوا رہے ہیں وہ پاگل مست ہے اپنی وفا میں مری آنکھوں میں آنسو آ رہے ہیں دلیلوں سے اسے قائل کیا تھا دلیلیں دے کے اب پچھتا رہے ہیں تری بانہوں سے ہجرت کرنے والے نئے ماحول میں گھبرا رہے ہیں یہ جذب عشق ہے یا جذبۂ رحم ترے آنسو مجھے رلوا رہے ہیں عجب کچھ ربط ہے تم سے کہ تم کو ہم اپنا جان کر ٹھکرا رہے ہیں وفا کی یادگاریں تک نہ ہوں گی مری جاں بس کوئی دن جا رہے ہیں
English rendering
Bada ehsan hum farma rahe hain Ke un ke khat unhein lautaa rahe hain Nahin tark-e-mohabbat par woh raazi Qayamat hai ke hum samjha rahe hain Yaqeen ka raasta tai karne wale Bahut tezi se wapas aa rahe hain Ye mat bhoolo ke ye lamhaat hum ko Bichhadne ke liye milwa rahe hain Ta'ajjub hai ke ishq-o-aashiqi se Abhi kuch log dhoka kha rahe hain Tumhein chahenge jab chhin jaogi tum Abhi hum tum ko arzan pa rahe hain Kisi soorat unhein nafrat ho hum se Hum apne aib khud ganwa rahe hain Woh pagal mast hai apni wafa mein Meri aankhon mein aansoo aa rahe hain Daleelon se use qayal kiya tha Daleelein de ke ab pachtaa rahe hain Teri banhon se hijrat karne wale Naye mahol mein ghabra rahe hain Ye jazb-e-ishq hai ya jazba-e-rahm Tere aansoo mujhe rulwa rahe hain Ajab kuch rabt hai tum se ke tum ko Hum apna jaan kar thukra rahe hain Wafa ki yaadgaarin tak na hon gi Meri jaan bas koi din ja rahe hain