بزم سے جب نگار اٹھتا ہے
بزم سے جب نگار اٹھتا ہے میرے دل سے غبار اٹھتا ہے میں جو بیٹھا ہوں تو وہ خوش قامت دیکھ لو بار بار اٹھتا ہے تیری صورت کو دیکھ کر مری جاں خود بخود دل میں پیار اٹھتا ہے اس کی گل گشت سے روش بہ روش رنگ ہی رنگ یار اٹھتا ہے تیرے جاتے ہی اس خرابے سے شور گریہ ہزار اٹھتا ہے کون ہے جس کو جاں عزیز نہیں لے ترا جاں نثار اٹھتا ہے صف بہ صف آ کھڑے ہوئے ہیں غزال دشت سے خاکسار اٹھتا ہے ہے یہ تیشہ کہ ایک شعلہ سا بر سر کہسار اٹھتا ہے کرب تنہائی ہے وہ شے کہ خدا آدمی کو پکار اٹھتا ہے تو نے پھر کسب زر کا ذکر کیا کہیں ہم سے یہ بار اٹھتا ہے لو وہ مجبور شہر صحرا سے آج دیوانہ وار اٹھتا ہے اپنے یاں تو زمانے والوں کا روز ہی اعتبار اٹھتا ہے جونؔ اٹھتا ہے یوں کہو یعنی میرؔ و غالبؔ کا یار اٹھتا ہے
English rendering
Bazm se jab nigaar uthta hai Mere dil se ghubar uthta hai Main jo baitha hoon to woh khush-qaamat Dekh lo baar baar uthta hai Teri soorat ko dekh kar meri jaan Khud-ba-khud dil mein pyaar uthta hai Uss ki gul-gasht se rawish ba rawish Rang hi rang yaar uthta hai Tere jaate hi iss kharaabe se Shor-e-girya hazaar uthta hai Kaun hai jiss ko jaan azeez nahin Le tera jaan-nisaar uthta hai Saf ba saf aa khade hue hain ghazal Dasht se khaksar uthta hai Hai yeh tesha ke ek shola sa Bar sar-e-kohsar uthta hai Karb-e-tanhayi hai woh shay ke Khuda Aadmi ko pukaar uthta hai Tu ne phir kasb-e-zar ka zikr kiya Kahin hum se yeh baar uthta hai Lo woh majboor shehar-e-sehra se Aaj deewanawaar uthta hai Apne yaan toh zamaane walon ka Roz hi e'tibar uthta hai Jon uthta hai yun kaho yaani Mir o Ghalib ka yaar uthta hai