ضبط کر کے ہنسی کو بھول گیا
ضبط کر کے ہنسی کو بھول گیا میں تو اس زخم ہی کو بھول گیا ذات در ذات ہم سفر رہ کر اجنبی اجنبی کو بھول گیا صبح تک وجہ جاں کنی تھی جو بات میں اسے شام ہی کو بھول گیا عہد وابستگی گزار کے میں وجہ وابستگی کو بھول گیا سب دلیلیں تو مجھ کو یاد رہیں بحث کیا تھی اسی کو بھول گیا کیوں نہ ہو ناز اس ذہانت پر ایک میں ہر کسی کو بھول گیا سب سے پر امن واقعہ یہ ہے آدمی آدمی کو بھول گیا قہقہہ مارتے ہی دیوانہ ہر غم زندگی کو بھول گیا خواب ہا خواب جس کو چاہا تھا رنگ ہا رنگ اسی کو بھول گیا کیا قیامت ہوئی اگر اک شخص اپنی خوش قسمتی کو بھول گیا سوچ کر اس کی خلوت انجمنی واں میں اپنی کمی کو بھول گیا سب برے مجھ کو یاد رہتے ہیں جو بھلا تھا اسی کو بھول گیا ان سے وعدہ تو کر لیا لیکن اپنی کم فرصتی کو بھول گیا بستیو اب تو راستہ دے دو اب تو میں اس گلی کو بھول گیا اس نے گویا مجھی کو یاد رکھا میں بھی گویا اسی کو بھول گیا یعنی تم وہ ہو واقعی؟ حد ہے میں تو سچ مچ سبھی کو بھول گیا آخری بت خدا نہ کیوں ٹھہرے بت شکن بت گری کو بھول گیا اب تو ہر بات یاد رہتی ہے غالباً میں کسی کو بھول گیا اس کی خوشیوں سے جلنے والا جونؔ اپنی ایذا دہی کو بھول گیا
English rendering
Zabt kar ke hansi ko bhool gaya Main to us zakhm hi ko bhool gaya Zaat dar zaat humsafar reh kar Ajnabi ajnabi ko bhool gaya Subah tak wajah jaan-kuni thi jo baat Main use sham hi ko bhool gaya Ahd-e-wabastagi guzaar ke main Wajah-e-wabastagi ko bhool gaya Sab daleelein to mujh ko yaad rahin Bahs kya thi isi ko bhool gaya Kyun na ho naaz is zehanat par Ek main har kisi ko bhool gaya Sab se pur-amn waqia yeh hai Admi admi ko bhool gaya Qahqaha marte hi deewana Har gham zindagi ko bhool gaya Khwab ha khwab jis ko chaha tha Rang ha rang usi ko bhool gaya Kya qayamat hui agar ik shakhs Apni khush-qismati ko bhool gaya Soch kar uski khalwat anjumani Wan main apni kami ko bhool gaya Sab bure mujh ko yaad rehte hain Jo bhala tha usi ko bhool gaya Un se wada to kar liya lekin Apni kam fursati ko bhool gaya Bastiyo ab to rasta de do Ab to main us gali ko bhool gaya Usne goya mujhi ko yaad rakha Main bhi goya usi ko bhool gaya Yaani tum woh ho waqai? Had hai Main to sach-much sabhi ko bhool gaya Akhiri but khuda na kyun thehre But shikan but-gari ko bhool gaya Ab to har baat yaad rehti hai Ghaliban main kisi ko bhool gaya Uski khushiyon se jalne wala jaun Apni aza-dahi ko bhool gaya